Amatiyu 26:39 - Ohwihwim Olehe

³⁹ Eyesu a kye a gre fi nga, a dzu obiŋ, nga a ghwo eshri obiŋ nga, a fa olu a lu mi le, Adugu, o wo ba alo o kpo o gbu e mbi, o sko ewu he lo o sku me! O kpo ekplo ba ame e klo angyiŋ mbo, ambo o kpo ekplo boŋ o klo.

Amatiyu 26:39 ပူးပေါင်းရင်းမြစ်များ

Amatiyu 20:22

Eyesu a tno mo ma a lu mi le, Agimi e yi ekplo bimi e vẽ okyku lo mbo. Ewu ba moa á ba a kpo me, agimi é kpo lo é gbu? Moa a tno ŋa ma a lu mi le, Agi é kpo lo é gbu.

Amatiyu 24:24

Okyku eshi omba he lo moaEmisiya ba akpro pa la moarehwĩ la a ba a sheŋ akpro ma Ahogbrẽ angyiŋ a hom mo otum, moa á ba. Moa á kpo anyuŋ ayakplo la á ba a tsa ta la ayakplo ba egbregbre okyku o bile moarehwĩ ba Ahogbrẽ a sla, o wo moa a kpo a gbu le.

Amatiyu 26:42

Eyesu a bla a gre okro lo odgo oha, nga a fa olu a lu mi le, Adugu, o wo boŋ o ka ba alo o raŋ o gre ba ame e kpo ewu he lo, o kpo ekplo la e raŋ ŋo esõ.

Amarku 13:22

Emisiya ba akpro é zgi nzenze, pa la moarehwi la á ba a sheŋ akpro ma Ahogbrẽ a hom mo otum. Moahi lo á kpo ayakplo egbregbre okyku o bile moarehwi ba Ahogbrẽ a sla.

Oluka 17:16

A kŋe a lom obiŋ egi ayi Eyesu nga a vye la ŋa. Alom he lo a wo arehwĩ ba Asamariya angyiŋ.

Eyohana 11:41

Moa a byiŋ ayaŋ a sku anyu ongybi lo a khwo nga Eyesu a ka ongyeŋ nga a lu mi le, Ame e vye la ŋo Ada, okyku boŋ o ngli atuŋ o gno me.

Eyohana 14:31

Ambo o dzu omgbybi ba obiŋ hi o yi ba ame e la e klo Ada. Okyku eka he angyiŋ, ame e kpo ekployaŋ a mbo eka baŋ a hom me otum. Eyesu a nyuŋ mo a lu mi le, Agimi e da gi e kso e sku okro hi ohuhuhi!

Eyohana 18:11

Eyesu a nyuŋ Ebitru a lu mi le, O bla akõ boŋ o shri o ghwo ohre lo! Eka boŋ o ka, ame e bmi é kpo ewu ba Adugu a shri lo a zga okyku me mbo?

Eyohana 5:19

Eyesu a tno mo ma a lu mi le, Ame e lu adlidzi e da gimi, Anwye a kpo ekplokyeŋ la eshrishri eŋa mbo, o wo le ekplo baŋ a ka ba Adaŋ a la a kpo.

Eyohana 5:30

Eyesu a lu mi le, Ame e kpo ekplokyeŋ eshrishri eme e gbu mbo. Ame e la e sõ moare ombgu eka ba Ahogbrẽ a tsa me angyiŋ, okyku eka he ombgu me o wo adlidzi. Ame e zga gble okyku o kpo ekplo ba ame e klo angyiŋ mbo, ambo ekplo ba are la a hom me otum angyiŋ ame e la e kpo.

Eyohana 6:38

Okyku eshi ame e zgi Ongyeŋ e ba okyku o kpo ekplo ba are la a hom me otum a klo, ame e ba okyku o kpo ekplo ba ame e klo angyiŋ mbo.

Otum 10:25

Omba ba Ebitru a ba nga, Okoniliyu a gre a yi a tsa ŋa ozhẽ nga a kʼpu obiŋ egi ayi baŋ.

MoaEfilibi 2:8

A pre esõ obiŋ, nga a sõ ozhẽ ba ofaolbi o di, nga eku e hwiŋ ŋa ozhẽ he lo. Eku he lo angyiŋ e wo eku baŋ a kpu egŋe aki.

MoaIbrani 5:7

Odzudzu baŋ obiŋ hi, Eyesu a la a wu okũ a fa olu nga a la a vẽ la amanyi ayi egi ayi ba Ahogbrẽ la a kpo a gbu baŋ a shla ŋa abgo ba eku. Okyku baŋ a pre esõ obiŋ nga okyku baŋ a shri eshri baŋ a shri a di ekpyemgbyeŋ, Ahogbrẽ nga a gno ŋa.

Otsotsa 19:10

Ame e kŋe e shki obiŋ egi ayi baŋ okyku o hlu ŋa eshko, ambo a lu mi le, O kpo eka he mbo! Ame a mbo e wo awaghrẽ eka boŋ pa la moanóŋ pyeŋ la a kpaŋ adlidzi ba Eyesu a tsa lo zhezheŋ. Aŋo o hlu Ahogbrẽ angyiŋ eshko! Okyku eshi adlidzi ba Eyesu a ra lo a tspa zhezheŋ angyiŋ a shĩ esõ moarehwĩ ba Ahogbrẽ a hom mo otum.