Amatiyu 26:29 - Ohwihwim Olehe

²⁹ Ame e lu e da gimi, ame é wa ami he lo nga mbo ku-ku, o wo le onda mi lo dne a mo, omba ba ame é ba e wa lo otsotse ka la gimi Oreŋ ba Adugu.

Amatiyu 26:29 ပူးပေါင်းရင်းမြစ်များ

Amatiyu 13:43

Omba he lo moarehwĩ ba Ahogbrẽ, moa á shka ayi leleŋ eka olum Oreŋ Ongyeŋ ba Adigi. Agimi e ngli atuŋ e gno o wo ba agimi e wo la atuŋ ma!

Amatiyu 16:28

Agimi e tne aga e ka! Moakyeŋ eshki hi, moa á kpu mbo, o wo le moa á ka obaba ba Anwye Arehwĩ á ba a ba eka Areŋ ayga.

Amatiyu 18:20

Okyku eshi okroyaŋ a mbo, ba moare aha, o mbo le atra a shki ma eshko me le, ame e wo ma pa la mo.

Amatiyu 25:34

Anyuŋ-areŋ nga á nyuŋ moare la a wo obgori baŋ á lu mi le, Agimi moarehwĩ owlama ba Adugu, e ba! Agimi e ba e yga oreŋ ba moa a kpo okyku gimi ombamba ba moa a zga esĩ a kpo obiŋ hi.

Amatiyu 26:28

Alo a dzu amanzhli me angyiŋ, alo angyiŋ á bli ohwihwim ba Ahogbrẽ. Moa á zhiŋ amanzhli me á ygi a bi okyku o da Ahogbrẽ a kyu moare nzenze abgo odlobi mo.

Amatiyu 26:30

Ambla moa a ri abgo a khwo nga, moa a fu abmo nga, moa a zgi a gre Akũ ba Olivi.

Amatiyu 28:20

Nga e nye mo e da mo a kpaŋ ekployaŋ a mbo ba ame e lu e da gimi. Nga e tne aga e ka! Ame é dzu ka la gimi ombamba pyeŋ, ma-me o tsa onda amom-abgo.

Amarku 14:25

Ame e lu e da gimi, ame é wa etku ami hi nga mbo, o wo le onda ba ame é wa etku ami elehe Oreŋ ba Ahogbrẽ dne a mo.

Oluka 12:32

Agimi anwye ékylu me, e kpo eyli mbo! Okyku eshi Adigimi a bmi okyku o shri Oreŋ o da gimi.

Oluka 15:32

Ambo o wo odzi angyiŋ bi e kpo abgo nga e kpo ovye, okyku eshi anóŋ a tpi ayi ambo ohuhuhi a sa a ka a bmye. O dzu eka baŋ a blu ambo agi e sa e hwiŋ ŋa.

Eyohana 15:11

Ame e lu ohe lo e da gimi okyku o da gimi e hwiŋ ovye ba ame e shri e di, okyku o da gimi e hwiŋ lo nzenze.

Eyohana 16:22

O wo eka he angyiŋ ka la gimi. Ohuhuhi agimi e gno oraŋ mbo, ambo ame é ka gimi nganga, omba he lo ovye ó bli eso bimi. Edgu ovye he lo, arekyeŋ a kpo a gbu baŋ a ngʼba lo a sku gimi a gbu mbo.

Eyohana 17:13

Ohuhuhi ame e ba okro boŋ. Ame e lu odlo he obiŋ hi okyku o da mo a wo la ovye me eso mo, okyku o da mo a wo la alo ma nzenze.

Otum 10:41

Moare mvye a ka ŋa mbo, ambo agi arehwĩ ba Ahogbrẽ a sla gi okyku o da gi e dzu egŋe baŋ e ka ŋa. Agi e wa nga e ri ka la ŋa ambla ba Ahogbrẽ a kso ŋa ongybi.

MoaIbrani 12:2

Agi e tslo ayi bi e shki Eyesu sha. Obmi ba adlidzi bi o wo okro baŋ sha angyiŋ, a zga okũ lo a yi a fu okro lo. Aŋa a da esõ baŋ e zgi okyku egŋe aki lo mbo! Ambo a sheŋ a yi edgu ovye la o dzu o bli ŋa. Okyku eka he, a tne aga akplokyeŋ eshri anzi la o wo ibu eku ba egŋe aki ku-ku mbo. Ohuhuhi nga a dzu obgori ba emgbakyiŋ oreŋ ba Ahogbrẽ angyiŋ.

Otsotsa 14:3

Moa a tspi a zhiŋ ayi a ka emgbakyiŋ oreŋ ta la ébyi enyi pa la moandakʼpo, moa a fu abmo alahe, arekyeŋ a mbo a nye lo a gbu mbo, o wo le moare ezbi endga, la ekʼpoenyi la anyi lo sha. Moa a sheŋ a shla moahi lo a sku obiŋ hi bgu.

Otsotsa 7:17

Okyku eshi Anwye Ekylu la a wo esheshyẽ ba emgbakyiŋ ba oreŋ, aŋa angyiŋ á ba a kpaŋ mo, nga aŋa á tsa mo ozhẽ la o yi okro ba anzhe ami ba esõ. Nga Ahogbrẽ á khwa mo amanyi pyeŋ á sku ayi mo.