Amatiyu 26:28 - Ohwihwim Olehe

²⁸ Alo a dzu amanzhli me angyiŋ, alo angyiŋ á bli ohwihwim ba Ahogbrẽ. Moa á zhiŋ amanzhli me á ygi a bi okyku o da Ahogbrẽ a kyu moare nzenze abgo odlobi mo.

Amatiyu 26:28 ပူးပေါင်းရင်းမြစ်များ

Amatiyu 20:28

Anwye Arehwĩ a ba okyku o da mo a hlu ŋa eshko angyiŋ mbo, ambo okyku o kpo ewu okyku moahwõ, nga okyku o shri esõ baŋ o shri o di okyku o shla moare nzenze.

Amatiyu 26:27

A sa a sko etku ami nga, a vye Ahogbrẽ a khwo nga a shri lo a da mo nga a lu mi le, Agimi e yga e wa.

Amatiyu 26:29

Ame e lu e da gimi, ame é wa ami he lo nga mbo ku-ku, o wo le onda mi lo dne a mo, omba ba ame é ba e wa lo otsotse ka la gimi Oreŋ ba Adugu.

Amatiyu 6:12

O kyu gi abgo odlobi ba agi e la e kpo egi ayi boŋ, Eka bi e la e kyu moa la a kpo odlobi agi ayi bi abgo.

Amarku 1:4

Eyohana a gre akla nga a la a kpo moare abaptisma nga a nyum oshpa. Eyohana a nyuŋ moare a lu mi le, Agimi e nyiŋ odzudzu bimi okyku o da me e kpo gimi abaptisma. Ahogbrẽ nga á kyu gimi abgo odlobi bimi.

Amarku 14:24

Eyesu a nyuŋ mo a lu mi le, E ka, amanzhli me angyiŋ a wo ahi lo, alo angyiŋ moa a zhiŋ a ygi a bi okyku moare mvye. Amanzhli he lo angyiŋ a bli ohwihwim ba Ahogbrẽ.

Oluka 22:19

Ambla he nga a sko agbrotsa a khwo nga a vye la Ahogbrẽ, nga a kplu lo, a shri a da mo nga a lu mi le, Alo a dzu egʼba me angyiŋ, [ba moa a shri lo a di okyku gimi. Agimi e tne aga me omba bimi e kpo ohe lo.

Oluka 22:20

Ambla he nga a sko etku ami a shri a da mo. Omba ba moa a taŋ agbrotsa a khwo nga, a lu mi le, Etku ami hi e dzu ohwihwim olohe ba Ahogbrẽ. Alo o bli eshri amanzhli me ba moa a zhiŋ a ygi a bi okyku gimi.]

MoaOroma 5:15

Ambo moaha lo moa a wo okyekyeŋ angyiŋ mbo. Okyku eshi ototno ba Ahogbrẽ a shri a ba, o wo eka odlobi ba Adamu angyiŋ mbo. O wo adlidzi angyiŋ ba moare nzenze a jygi okyku odlobi ba arekyakyeŋ hi lo. Ambo okpoghwo ba Ahogbrẽ o wo nzenze, nga ototno ba Ahogbrẽ a mbo o wo ekakahelo okro moarehwi nzenze, okyku okpoghwo arekyekyeŋ ba moa a bzi ŋa Eyesu Ekristi.

MoaOroma 5:19

Eka ba moarehwi mvye a zhiŋ a dzu moaedlobi okyku odlobi ba arekyakyeŋ, ekakahelo, moare nzenze moa a shri opyapyaŋ a zga agʼbaha mo ta la Ahogbrẽ okyku odlodzi ba arekyakyeŋ.

1 MoaOkorinti 11:25

Ambla ba moa a ri algo a khwo nga, a sko etku ami nga a lu mi le, Etku ami hi angyiŋ e wo ohwihwim olehe okro ba amanzhli me. Okyku eka he agimi e tne aga me ombayaŋ a mbo ba agimi e wa lo.

MoAfisu 1:7

Okyku eshi ibu eku ba Ekristi angyiŋ moa a shri odzudum a shri a da gi, nga Ahogbrẽ a kyu gi abgo odlobi bi. Okpoghwo ba Ahogbrẽ o gre eshri!

MoaOkolosi 1:14

Okro Anwye baŋ lo angyiŋ moa a shri odzudum a shri a da gi, nga moa a kyu gi abgo odlobi bi.

MoaOkolosi 1:20

Ahogbrẽ nga a zga esõ ba o zhiŋ obiŋ hi pyeŋ o ba o zga abgo baŋ okro ba Anwye lo angyiŋ. Ahogbrẽ a shri opyapyaŋ a shri a ba okro eku ba Anwye baŋ a kpu egŋe aki. Okyku eka he Ahogbrẽ a bla ekployaŋ a mbo a shri a ghwo abgo baŋ, ekployaŋ a mbo la e wo obiŋ hi ta la Ongyeŋ.

MoaIbrani 10:29

Moa á kpo eshi ta la are la a dzĩ Anwye Ahogbrẽ? Moa á kpo eshi ta la are la a sko amanzhli ba ohwihwim ba Ahogbrẽ a zga akplokyeŋ ba esesla mbo? O ka, amanzhli he lo angyiŋ a ndza ŋa a daŋ a dzu pse. Are la a dzĩ Ogbgaodzi la o kpo o ghwo, moa á kpo ŋa eshi? Agimi e tne aga edgu anyuŋ ewu baŋ á kpo e ka!

MoaIbrani 13:20

Ahogbrẽ a kso Adigi-odne Eyesu eku. Aŋa angyiŋ a wo Anyuŋ Are la a kpaŋ ékylu okyku eku baŋ a kpu. Ibu eku lo angyiŋ moa a klu ohwihwim ba gbagbu-amo.

MoaIbrani 9:28

Ozhẽ he lo angyiŋ moa a shri Ekristi a shri a ndba odgo okyeŋ okyku o daŋ a sko odlobi moarehwĩ nzenze. Aŋa á bla á ba odgo oha okyku o sko odlobi angyiŋ nga mbo, ambo okyku o shla moa la a la a dzu a bli ŋa angyiŋ a mo.

1 Eyohana 2:2

Okyku eshi Ekristi ababgo baŋ a wo ozhẽ la o da mo a kyu gi abgo odlobi bi. Ambo odlobi bimi sha angyiŋ mbo, ambo odlobi ba moarehwĩ obiŋ hi pyeŋ.

Otsotsa 7:14

Ame e tno ŋa ma e lu mi le, Ame e yi mbo, ambo aŋo andakʼpo o yi. Ambla he nga a tno me ma a lu mi le, Moare he lo angyiŋ a wo moare la a sheŋ a gro abgo anyuŋ ewu. Anzho mo a wo akyle okyku ba moa a ndza lo amanzhli ba Anwye Ekylu.

Otsotsa 7:9

Ambla he ame e zhiŋ ayi nga ame e ka eshki nzenze. Arekyeŋ a tsi moare la a wo eshki lo a gbu mbo! Moa a zgi obiŋyaŋ a mbo ta la embreyaŋ a mbo, ta la olomyaŋ a mbo. Nga moa a tspi egi ayi ba emgbakyiŋ ba oreŋ, ta la egi ayi ba Anwye Ekylu. Moa a ygi ariga akyle angyiŋ. Nga moa a kom ánjyge elgi abgo mo.