Amatiyu 26:24 - Ohwihwim Olehe

²⁴ Anwye Arehwĩ á kpu eka ba Akpa ba Aho-gbrẽ a lu. Ambo a ba eshri are la á ba a yla Anwye Arehwĩ! O raŋ o gre e mbi moa a mbre are he lo mbo!

Amatiyu 26:24 ပူးပေါင်းရင်းမြစ်များ

Amatiyu 18:7

O wo ekplo ayiekŋe angyiŋ okyku eshi ayakplo la a da moare a tsi a gbu a wo obiŋ hi nzenze! Edgu ayakplo hi lo, á kpo ombamba pyeŋ, ambo a ba eshri are la a shri edgu ayakplo hi lo a shri a ba!

Amatiyu 26:31

Ambla he nga Eyesu a nyuŋ moanwyeotum baŋ a lu mi le, Okyukyku hi, agimi mvye é knye é dzu me é zga okyku eshi moa a ta Akpa ba Ahogbrẽ a lu mi le, Ahogbrẽ á bga are la a kpaŋ ékylu nga ékylu lo é som ayi.

Amatiyu 26:54

Ambo, o wo ba ame e kpo eka he le, ayakplo ba moa a ta Akpa ba Ahogbrẽ ma alo é kpo é bli nga?

Amatiyu 26:56

Ahi lo o kpo mvye, okyku o da ayakplo ba moarehwĩ ba Ahogbrẽ a hom otum, a ta Akpa ba Ahogbrẽ a bli angyiŋ. Omba he lo, moanwyeotum baŋ mvye a knye a dzu ŋa a zga.

Amarku 14:21

Anwye Arehwĩ á kpu eka ba Akpa Ahogbrẽ a lu. Ambo o wo ekplo ongroeshri ta la are la á ba a yla Anwye Arehwĩ. O raŋ o gre e mbi moa a mbre ŋa mbo.

Amarku 9:12

Eyesu a tno mo ma a lu mi le, Eka he lo angyiŋ, Eliya á ba a ba ori, okyku o daŋ a nyuŋ ekployaŋ a mbo a kpo okyku oba-ba me Anwye Arehwĩ. Ambo moa a lu Akpa ba Ahogbrẽ ma moa á kpo Anwye Arehwĩ ewu nga, á tla ŋa mbo?

Oluka 22:22

E ka, Anwye Aíehwĩ á kpu eka ba Ahogbrẽ a sheŋ a hwim eso baŋ. Ambo o wo ekplo ba ayiekŋe angyiŋ ta la are la a yla ŋa hi lo!

Oluka 24:46

A nyuŋ mo a lu mi le, Moa a ta akpa a lu mi le, O dzu omgbybi angyiŋ ba Emisiya á ba a kpo ewu nga ba moa á kso ŋa ongybi olum ba otra.

Eyohana 17:12

Omba ba ame e wo pa la mo, ame e kpaŋ mo la ekʼpo eshko boŋ. Eshko he lo, aŋo o shri o da me. Ame e kpaŋ mo nga akyeŋ a mbo eshki mo a tpi ayi mbo, o wo le are ba o baŋ o sheŋ o wo baŋ a tpi ayi dne, okyku o da Odlo Ahogbrẽ o bli.

Eyohana 19:24

Moanwyeakyuŋ lo a nyuŋ emo a lu mi le, Agi e dle lo mbo, ambo agi e fye emvye eshri lo okyku o da gi e ka are la á ba a ri lo. Ohe lo o kpo okyku o bli ekplo ba Odlo Ahogbrẽ o lu. O lu mi le, Moa á gʼba anzho me ta la emo. Moa á fye emvye okyku anyuŋ ariga me. Moanwyeakyuŋ a kpo eka he lo.

Eyohana 19:28

Eyesu a yi ba omba he lo ekployaŋ a mbo e sheŋ e bli bgu. Okyku o da ekplo ba Odlo Ahogbrẽ o lu e bli, a lu mi le, Oŋo o kpo me.

Otum 2:23

Ahogbrẽ a yi, ambo a sheŋ a hwim eso baŋ, baŋ á shri Eyesu á da gimi, ambo agimi e shri ŋa e da moarehwi ba odlobi a gŋe ŋa egŋe aki.

Otum 28:23

Moa a sla onda ta la Oblus, nga moare nzenze a ba okro Oblus onda lo. A zga endigiŋ ma-me okyukyku Oblus a la a tsa mo, nga a nyum oshpa eshri Oreŋ ba Ahogbrẽ a da mo. A zga gble okyku o da mo a yga odlo Eyesu. A fa ayakplo ba odaŋ ba Omusa, ta la ayakplo ba akpekpa moarehwi ba Ahogbrẽ a hom mo otum.

Otum 4:28

Moa a ka eshri a bga, okyku o kpo ekplo boŋ la ekʼpo boŋ o sheŋ o zga ba alo é ba e kpo.

1 MoaOkorinti 15:3

Ame e shri ekployaŋ a mbo ba ame e yga angyiŋ e shri e da gimi. E wo anyuanyuŋ nzenze. O wo adlidzi eka moa a ta Akpa ba Ahogbrẽ ma Ekristi a kpu okyku odlobi bi pyeŋ.