Amatiyu 26:13 - Ohwihwim Olehe

¹³ Agimi e tne e ka! Okroyaŋ a mbo, ba moa a nyum oshpa he lo ma, moa á tne aga ashe he lo.

Amatiyu 26:13 ပူးပေါင်းရင်းမြစ်များ

Amatiyu 24:14

Nga Oshpaodzadzi la o wo eshri Oreŋ Ongyeŋ moa á nyum lo obiŋ hi pyeŋ, okyku o zgi egŋe alo okyku o da moare a gno. Ambla he nga, omba lo ó bli.

Amatiyu 28:19

Agimi e yi okro moarehwĩ pyeŋ ayaŋ a mbo obiŋ hi, nga e zhiŋ mo e da mo a dzu moanwyeotum me. Nga, e kpo mo abaptisma eshko Ada, ta la e ba Anwye, ta la e ba Ogbgaodzi.

Amarku 13:10

O dzu omgbybi ba moa á nyum Oshpaodzadzi á ygi moare mvye ayga.

Amarku 14:9

Agimi e ngli e gno, okroyaŋ a mbo obiŋ hi moa á ba a nyum Oshpaodzadzi he lo ma, ekplo ashe he a kpo moa á tne aga alo.

Amarku 16:15

Eyesu a nyuŋ mo a lu mi le, Agimi e ngla obiŋ hi, nga e nyum Oshpaodzadzi e da moarehwi obiŋ hi mvye.

Oluka 24:47

Nga la eshko baŋ moa á nyum oshpa okyku oghwobiŋ, ta la okyuabgombgu okyku moarehwi ba obiŋ hi pyeŋ. Moa a zga esĩ Orushalima.

Otum 10:4

A ka anwyeadga ba Ahogbrẽ lo dzo la eyiyli nga a zhĩ a lu mi le, Eshi angyiŋ, Andakʼpo? Anwyeadga ba Ahogbrẽ a tno ma a lu mi le, Ahogbrẽ a gno olu boŋ, a gre eso a ghre eka boŋ o la o kpo o ghwo la moa-agrogro mbo.

MoaOroma 10:18

Ambo ame é sa e zhĩ, o wo adlidzi angyiŋ, ba moa a gno oshpa mbo? Adlidzi, moa a sheŋ a gno oshpa lo, okyku eshi odlo Ahogbrẽ o tsa o lu mi le, Enzi moa la a nyum oshpa e tsu e gre okroyaŋ a mbo obiŋ hi. Odlo lo o tsu o gre eygi ba obiŋ hi lo.

MoaOroma 15:19

ta la ekʼpo ba o tsa ayakplo, ta la o kpo ayakplo ba egbregbre, ta la ekʼpo ba Ogbgaodzi. Nga omba ba ame e zgi Orushalima e gre Elirikum, ame e nyum Oshpaodzadzi ba Ekristi e ygi areyaŋ a mbo.

2 MoaOkorinti 10:18

Okyku eshi, moare a la a gno oraŋ ta la are omba ba Adigi-odne a bmi ka la ŋa, ambo omba ba are lo angyiŋ a bmi ta la eŋa mbo.

MoaOkolosi 1:23

O raŋ o gre ba agimi e la e kpo otum la adlidzi okũ la o wo oshye, nga o wo zhezheŋ. Nga agimi e da okayiozhẽ ba agimi e hwiŋ omba ba agimi e gno Oshpaodzadzi he lo, o suŋ mbo ku-ku. Ame Oblus, e dzu awaghrẽ okyku oshpa he lo angyiŋ. Oshpaodzadzi he lo ba moa a sheŋ a nyum lo a ygi areyaŋ a mbo obiŋ hi.

MoaOkolosi 1:6

Oshpaodzadzi o shri owlama nzenze o la o shri o ba, nga o ngla o tsu o gre yoŋ obiŋ hi pyeŋ, eka ba alo o kpo ka la gimi omba ba agimi e zga esĩ e gno oshpa ba okpoghwo ba Ahogbrẽ, nga e yi okpoghwo lo zhezheŋ eka ba alo o wo.

1 Etimoti 2:6

A shri eshri baŋ a di okyku o shla areyaŋ a mbo. Omba la o wo shasha ohe lo o tsa zhezheŋ eka ba Ahogbrẽ a klo moarehwĩ pyeŋ okyku o da moa a hwiŋ oshla he lo.

MoaIbrani 6:10

Ahogbrẽ a wo are odlodzi mbo angyiŋ mbo. Aŋa á gre esõ otum bimi e kpo á ghre mbo, ta la oklo bimi e tsa okyku ŋa ibu okpoghwo bimi e tsa moanigi ba Ekristi, nga ba agimi e kpo lo ma-me o tsa anye he.

Otsotsa 14:6

Ambla he nga ame e ka anwyeadgakyeŋ a la a knye ahrẽ, ta la Oshpaodzadzi ba gbagbu-amo. A shri lo okyku o su lo o ygi moarehwĩ ba obiŋ hi, pa la moarehwĩ ba obiŋyaŋ a mbo, ta la embreyaŋ a mbo, pa la moarehwĩ ba olomyaŋ a mbo, pa la moarehwĩ pyeŋ.