Amatiyu 26:10 - Ohwihwim Olehe

¹⁰ Eyesu a ka ekplo moa a lu a bmye, okyku eka he a tno ma a lu mi le, Okyku eshi agimi e kpo ashe he ewu? Aŋa a kpo ekplo la e wo edzadzi angyiŋ okyku me.

Amatiyu 26:10 ပူးပေါင်းရင်းမြစ်များ

Amatiyu 26:11

Agimi e dzu pa la moaekŋe ombamba mvye, ambo ame é dzu ka la gimi ombamba mvye mbo.

Amatiyu 26:9

O raŋ o gre moa a shri awargi lo a gbmo la amgbaŋ nzenze nga a shri a gʼba moaekŋe o sku moa a tpi lo ayi eka he!

Amarku 14:6

Eyesu a shrom mo a lu mi le, Agimi e kʼpi ashe lo ohwa mbo, okyku eshi a kpo ekplo okpoghwo angyiŋ okyku me.

Oluka 8:49

Omba ba Eyesu a la a lu eka he nga, arekyeŋ ba moa a hom otum a zgi odne Ojayiru a gbu. A nyuŋ Ojayiru a lu mi le, Aŋo o kpo Andakʼpo ewu nga mbo, okyku eshi anwye-alashle boŋ a sheŋ a kpu bgu.

2 MoaOkorinti 9:8

Ahogbrẽ a kpo a gbu baŋ a shri ayakplo nzenze a shri a da gimi okyku o da gimi e gbaŋ la emakyeŋ mbo. A kpo a gbu baŋ a shri ayakplo nzenze a shri a da gimi okyku otumyaŋ a mbo la o wo odzi.

MoaEgalasiya 1:7

Adlidzi angyiŋ, oshpakyeŋ ondundum o wo ma okrokyeŋ mbo ku-ku. Ame e lu eka he okyku eshi moarekyeŋ a klo o so gimi ayi nga o nyiŋ Oshpaodzadzi ba Ekristi.

MoaEgalasiya 5:12

Ame e wo la ekhwo okyku o da moare la a so gimi ayi a vu ozhẽ a yi nga a yi a hrẽ emo!

MoaEgalasiya 6:17

Nga amom-abgo ba odlo he lo, ame e klo ba arekyeŋ a shri ewukyeŋ a shri a kom me nga mbo. Okyku eshi akpa ero la a wo egʼba me a tsa ba ame e wo awaghrẽ ba Eyesu angyiŋ.

MoAfisu 2:10

Ahogbrẽ angyiŋ a wo are la a kpo gi. Nga ozhẽ ba okŋeobga ta la Ekristi angyiŋ, aŋa a kpo gi okyku o da gi e kpo otum odzadzi baŋ a sheŋ a shri a zga ma okyku gi.

MoaOkolosi 1:10

O wo eka he, agimi é kpo é gbu ba agimi é dzu la edgu odzudzu ba Adigi-odne a klo, nga agimi é kpo é gbu ba o kpo ekployaŋ a mbo ombamba pyeŋ, okyku o raŋ ŋa esõ. Odzudzu bimi nga ó wo la owlama okyku edgu otumyaŋ a mbo la o wo odzi ba agimi e kpo. Nga agimi é hlu la oyioyi eshri ba Ahogbrẽ.

2 MoaEtasolonika 2:17

nga a da esõ bimi e bli la oshye-esõ, okyku o da gimi e hwiŋ oshye okyku o kpo nga o lu ekployaŋ a mbo la e wo edzi.

1 Etimoti 3:1

Odlo he lo o wo adlidzi angyiŋ. O wo ba are a klo o dzu apasto ba Eklisiya le, aŋa a sla otum la o wo odzi nzenze angyiŋ.

1 Etimoti 5:10

Nga o raŋ o gre baŋ a wo are la a wo la eda edzi ba moare a yi ŋa la alo. Nga baŋ a wo ashe la a la a nye moanwye baŋ adzadzi nga a la a yga moazhẽ la anyu eŋo-eŋo odne baŋ. O raŋ o gre baŋ a dzu awaghrẽ ba moarehwĩ la a lu Ahogbrẽ ozhẽyaŋ a mbo, nga baŋ a dzu are la a kpo a ghwo la moa la a wo ewu. Nga o raŋ o gre baŋ a dzu are la a shri eshri baŋ a di okyku o kpo otum andandandim la o wo odzi.

2 Etimoti 2:21

O wo ba areyaŋ a mbo a ngʼba eshri baŋ a sku ayakplo ba eshre he lo le, moa á daŋ a kpo otum odzadzi. Okyku eshi moa a kpaŋ ŋa a zga okyku Adaŋ-odne he lo angyiŋ, okyku o daŋ a kpo otumyaŋ a mbo la o wo odzi.

Etitu 1:16

Moa a la a lu ma moa a yi Ahogbrẽ, ambo odzudzu mo lo o kpo evom odlo mo. Moa a bli la efpu esõ mo pa la moare, nga moa a la a tsi Ahogbrẽ a ghwo ayi mbo. Moa a ka a kpo ekplokyeŋ la e wo edzi a gbu mbo.

Etitu 2:14

A shri eshri baŋ a di okyku gi, okyku o shla gi abgo odlobi pyeŋ nga okyku o zhiŋ gi o zga moarehwĩ la a wo kye. Moahi lo a wo a baŋ angyiŋ, nga moa a la a gno oraŋ o kpo ayakplo la a wo adzi.

Etitu 3:1

Aŋo o dzu moarehwĩ boŋ okyku o da mo a ka moareŋ pa la moa la a ri ekʼpo la olbi, nga a fa olbi a da mo. Aŋo o dzu mo okyku o da mo a dzu a kʼpu okyku o kpo ekployaŋ a mbo la e wo edzi ombamba pyeŋ.

Etitu 3:14

O nye moarehwĩ bi okyku o da mo a shri aga mo a zga okyku o kpo ayakplo la a wo adzi, okyku o da mo a kpo a ghwo la moare nga okyku o da mo a dzu ototno mbo.

Etitu 3:8

Odlo he lo o wo adlidzi angyiŋ. Ame e klo boŋ o bla ayakplo he lo o shĩ adzadzi, okyku o da moa la a bmi ba adlidzi ta la Ahogbrẽ a shri aga mo a zga okyku o kpo ayakplo la a wo adzadzi. Ayakplo he lo a wo adzi nga á kpo á ghwo la moare.

MoaIbrani 13:21

Aŋa nga la a wo Ahogbrẽ ba opyapyaŋ, o wo baŋ a bmi le, a shri ekployaŋ a mbo la e wo edzi ba agimi e wo la alo ma mbo a shri a da gimi, okyku o da gimi e kpo ayakplo baŋ a klo. Aŋa nga, okro ba Eyesu Ekristi, aŋa a kpo esõ bi ekplo la e raŋ ŋa esõ. Nga ekekʼpo e dzu e ba Ekristi gbagbu gbagbu-amo! Amin.

1 Ebitru 2:12

O raŋ o gre ba odzudzu bimi egi ayi moaevbu o wo shasha nzenze, okyku o da mo a tne aga edgu otum la o wo shasha ba agimi e kpo, omba ba moa a la a hrẽ gimi, ma agimi e la e kpo otum la o wo shasha mbo. Nga okyku o da mo a hlu Ahogbrẽ eshko Onda baŋ á ba.