Amatiyu 25:1 - Ohwihwim Olehe

¹ Onda mi lo, Oreŋ Ongyeŋ ó dzu eka moanwyeshe okʼpo la a bli émgbuovo mo la awargi, nga a kso a gre okyku o tsa anwyealom ozhẽ.

Amatiyu 25:1 ပူးပေါင်းရင်းမြစ်များ

Amatiyu 13:24

Eyesu a sa a ta egŋekyeŋ nganga, a lu mi le, Oreŋ Ongyeŋ o wo eka ba are la a yi a fu edgo edzi agbi baŋ.

Amatiyu 13:31

Eyesu a sa a ta egŋekyeŋ a da mo a lu mi le, Oreŋ Ongyeŋ o wo eka ba eyi amastad angyiŋ. E wo etsitsi e gre eyi ehwõ pyeŋ.

Amatiyu 13:38

Agbi nga a dzu eka ba obiŋ hi. Eyi edzi nga e dzu eka moare la a wo a ba Oreŋ Ongyeŋ. Eyi ebi nga e dzu eka moare la a wo a ba Eshitaŋ.

Amatiyu 13:47

Oreŋ Ongyeŋ o sa o wo eka ekyeŋ ba moa a ngla lo a shri a ta ami atam, nga e vu edgu atsa andandandim.

Amatiyu 20:1

Oreŋ Ongyeŋ o wo eka ba areagbi la a zgi endigigiŋ a gre okyku o klo moare la á ba a kpo ŋa otum.

Amatiyu 22:2

A lu mi le, Oreŋ Ongyeŋ, o wo eka ba areŋ a kpo abgo okyku ba anwye baŋ a kyu ashe.

Amatiyu 25:7

Moanwyeshe okʼpo lo a kso nga a ta ovo émgbuovo mo.

Amatiyu 3:2

Aŋa a nyum oshpa a lu mi le, Agimi e nyiŋ odzudzu bimi, okyku eshi Oreŋ ba Ongyeŋ o wo osusku a mo!

Amatiyu 5:16

Ekakahelo, o raŋ o gre ba agimi e da ayimom bimi a tra egi ayi moarehwĩ, okyku o da mo a ka otum adlidzi bimi e la e kpo, nga okyku o da mo a hlu Adigi la a wo Ongyeŋ eshko.

Amatiyu 9:15

Eyesu a tno mo ma a lu mi le, Eka bimi e ka, o wo odzi ba moazhẽ a nyom eshri algo omba ba moa a kpo abgo anwyeshe? Alo o kpo o bgu mbo! Ambo omba ó yi ó ba, ba moa á ba a sko anwyealom anwyeshe á sku mo. Omba he lo nga moa á nyom eshri algo.

Eyohana 18:3

Eyahuda nga a shri moanwyeakyuŋ, pa la moa la a kʼpu Anyuŋ-akulu, a shri mo a gre agbi lo. Moandakʼpo olu ba Ahogbrẽ, pa la moaEfarisi angyiŋ a hom mo otum. Moa a shri anzho ba eko, ta la émgbuovo, ta la ewyi ovo.

Eyohana 3:29

Anwyeshe a wo okyku anwyealom angyiŋ. Akyeŋazba anwyealom lo a la a tspi a gno ogno sha. A gno oraŋ omba baŋ a gno enzi ba anwyealom. Ame e gno oraŋ nzenze okyku eka he lo angyiŋ.

Otum 20:8

Emgbuovo nzenze e wo aku ongyeŋ ba agi e shki ma lo.

1 MoaOkorinti 11:2

Ame e la e tsom gimi okyku bimi e la e tne aga me nga e la e kpo otum ta la onyenye ba ame e nye gimi.

2 MoaOkorinti 11:2

Ame e wo la oklo nzenze eso me okyku gimi, eka ba Ahogbrẽ a mbo a wo la oklo nzenze eso baŋ okyku gimi. Agimi e wo eka eyi anwyeshe ba adlidzi ba ame e kpo eshra baŋ e zga arekyeŋ la a ri Ekristi.

2 Etimoti 4:8

Ohuhuhi nga egbre e wo ma okyku me okyku ba ame e ri. Egbre he lo e wo egbre ba odlodzi ba Adigi-odne la a sõ ombgu ba adlidzi angyiŋ, aŋa á shri lo á da me Onda mi lo. Aŋa á shri lo á da me sha angyiŋ mbo, ambo á shri lo á da areyaŋ a mbo la a la a dzu a bli ŋa la oklo okyku oba-ba baŋ.

Etitu 2:13

Agi é kpo eka he lo ma-me o tsa Onda ba owlama ba agi e ka ayi ozhẽ okyku lo. Omba he lo angyiŋ areyaŋ a mbo á ba a ka ekekʼpo ba Ahogbrẽ bi la a wo ekʼpo ta la Areoshla bi Eyesu Ekristi.

Otsotsa 14:4

Moahi lo angyiŋ a wo moarehwĩ la a shri eshri mo a zga shasha, nga moa a kpo akplokyeŋ pa la moashe a ka mbo ku-ku, moa a kyu moashe a ka mbo. Moa angyiŋ la a lu Anwye Ekylu lo ma a yi okroyaŋ a mbo baŋ a la a yi. Moa a sheŋ a shla mo eshki moarehwĩ. Nga moa angyiŋ a wo moarehwĩ ba moa a shri mo a ndba Ahogbrẽ ta la Anwye Ekylu ori.

Otsotsa 19:7

Agimi e da gi e kpo ovye nga e vye. Agimi e da gi e hlu ŋa eshko okyku ekʼpo baŋ! Okyku eshi omba ba o bʼbu eble ba Anwye Ekylu o kpo bgu. Nga anwyeshe baŋ a sheŋ a nyuŋ eŋa a vu abgo.

Otsotsa 21:2

Nga ame e ka Osku ba Esesla, alo angyiŋ o wo Orushalima ohe, alo o zgi okro ba Ahogbrẽ Ongyeŋ o ba. Moa a nyuŋ lo a kpo nga, a dzu a kʼpu eka ba anwyeshe a ghwo anzho a dzu a bli anwyealom baŋ.

Otsotsa 21:9

Akyeŋ eshki moanwyeadga afoha la a wo la atku afoha, la a bli la elolo efoha ba amom-abgo lo, a ba okro me nga a lu mi le, O ba o da me e tsa ŋo Anwyeshe lo. Aŋa angyiŋ a wo ashe ba Anwye Ekylu.

Otsotsa 4:5

Ayimom ba angyum-ogbu a zgi emgbakyiŋ oreŋ hi lo a ba, nga énzi nzenze, ta la akyuŋ ba angyum-ogbu a ta. Ewyi ovo efoha angyiŋ e la e ri egi ayi ba emgba-kyiŋ ba oreŋ. Moahi lo angyiŋ a wo egbga efoha ba Aho-gbrẽ.

Otsotsa 8:10

Ambla he nga anwyeadga ba otra a hlu egbaru baŋ. Eyi enzo egagre ekyeŋ la e tra eka ovo obze, e gʼbu e zgi ongyeŋ e gbu obiŋ e khwo nga e shki ogʼba okyeŋ eshki ba egʼba etra ba éhwla ta la anzhe ba ami.