Amatiyu 24:9 - Ohwihwim Olehe

⁹ Moare á vu gimi á shri á da mo a kpo gimi ewu. Nga moa á bga gimi á ta okom. Moarehwĩ pyeŋ á tla gimi okyku me.

Amatiyu 24:9 ပူးပေါင်းရင်းမြစ်များ

Amatiyu 22:6

Moakyeŋ nga moa a vu moanwye-odne he lo nga moa a pom mo andzu, nga a bga mo a ta okom.

Amatiyu 23:34

Okyku eka he ame e lu e da gimi, ame e da moarehwĩ ba Ahogbrẽ a hom mo otum, pa la moare la a wo la okaobmye ma, pa la moa la a nye a ba, agimi nga é bga moakyeŋ eshki mo, nga é kũ moabze ekusa egŋe aki, nga agimi é taŋ moa-kyeŋ andzu anwyeakulu bimi, nga agimi é dzi esku é la é klo mo.

Oluka 11:49

Okyku eka he, Okaobmye ba Ahogbrẽ o lu mi le, Ame e da moarehwi ba Ahogbrẽ a hom otum á ba, pa la moanwyeadga baŋ. Moare á bga moakyeŋ eshki mo, nga moa á kpo moakyeŋ ewu.

Oluka 21:12

Omba ba edgu ayakplo he lo a kpo a wo mbo, moa á vu gimi, nga á kpo gimi ewu, nga moa á shri gimi á di okyku o da mo a sõ gimi ombgu anwyeakulu, nga moa á shri gimi á ygi aku. Nga moa á vu gimi á shri á ba okro moareŋ okyku eshko me.

Eyohana 15:18

O wo ba obiŋ hi o tla gimi, agimi e tne aga e ka, o sheŋ o tla me bgu.

Eyohana 15:21

Moa á kpo edgu he lo ka la gimi, okyku ba agimi e wo moarehwi me angyiŋ, okyku eshi moa a yi are la a hom me otum mbo.

Eyohana 16:2

Moa á se gimi á sku eshki mo. Nga omba ó yi ó ba ba areyaŋ a mbo la a bga gimi, baŋ á ba a ka ma aŋa a kpo lo okyku Ahogbrẽ angyiŋ.

Otum 28:22

Agi e klo e gno ekplo boŋ o ka, okyku eshi agi e yi zhezheŋ okroyaŋ a mbo moare a la a lu odlo ototno eshri ozhẽ he lo.

Otum 7:59

Moa a la a tra Estifanu ézhim omba baŋ a fa olu nga a lu mi le, Adigi Eyesu, o yga eso me!

1 Ebitru 4:16

Ambo agimi e da anzi a kpo gimi omba bimi e la e kpo ewu okyku bimi e lu Ekristi ma mbo. Ambo agimi e vye la Ahogbrẽ okyku ba agimi e wo la eshko ba Ekristi ma.

Otsotsa 2:10

Ambo o da ewu boŋ ó ba o kpo, e kpo ŋo eyli mbo ku-ku. O ngli atuŋ o gno! Eshitaŋ é shri moabze eshki bimi é ygi aku okyku o daŋ a mbga gimi a ka. Agimi é kpo ewu okyku elum okʼpo. Aŋo o kpo adlidzi ma-me o tsa onda boŋ o kpu. Ambla he nga, ame é shri anyuŋ egbre ba esõ é shri é doŋ.

Otsotsa 2:13

A lu mi le, Ame e yi okro boŋ o dzu ma. Ibu he lo angyiŋ, emgbakyiŋ oreŋ ba Eshitaŋ e wo ma. Aŋo o kpo adlidzi pa la me, nga o ndba obmi ba adlidzi boŋ o bmi pa la me o ta a bi mbo omba ba moa a bga Antipa okro ba Eshitaŋ e dzu ma. Antipa a wo are la a zgi egŋe me la adlidzi angyiŋ.

Otsotsa 7:14

Ame e tno ŋa ma e lu mi le, Ame e yi mbo, ambo aŋo andakʼpo o yi. Ambla he nga a tno me ma a lu mi le, Moare he lo angyiŋ a wo moare la a sheŋ a gro abgo anyuŋ ewu. Anzho mo a wo akyle okyku ba moa a ndza lo amanzhli ba Anwye Ekylu.