Amatiyu 24:44 - Ohwihwim Olehe

⁴⁴ Okyku eka he, o raŋ o gre bimi e dzu e kʼpu ombamba pyeŋ, okyku eshi Anwye Arehwĩ á ba omba ba arekyeŋ a zga aga mbo ku-ku.

Amatiyu 24:44 ပူးပေါင်းရင်းမြစ်များ

Amatiyu 24:27

Okyku eshi Anwye Arehwĩ á ba eka ogbu o tspi ayi o zgi egi etne o ba o bre o yi egi olum-ore.

Amatiyu 24:42

Okyku eka he agimi e kʼpu ba, okyku eshi agimi e yi onda ba Adigi-odne á ba a ba mbo.

Amatiyu 24:43

Agimi e ka, o wo ba are-odne a yi omba ba asi á ba a ba odne baŋ le, á kʼpu, okyku o da asi a ba a gom odne baŋ mbo.

Amatiyu 25:10

Moanwyeshe la a wo eda mbo a gre o yi o gbmo awargi. Omba he lo angyiŋ anwyealom lo a gbu. Moanwyeshe atno la a nyuŋ a kpo a kʼpu okyku oba-ba ba anwyealom á ba, moa a gre okro o ri abgo ka la ŋa, nga moa a klu ayizhẽ.

Amatiyu 25:13

Eyesu a ta egŋe lo a khwo nga, a nyuŋ moanwyeotum baŋ a lu mi le, Agimi e kʼpu okyku eshi agimi e yi onda, ta la omba mbo.

Oluka 12:39

Agimi e tne aga ekplo he lo e ka! O wo ba are-odne a yi omba ba asi á ba a ba á fu odne baŋ le, aŋa á da asi a ba a gom odne baŋ tsitsi a mbo mbo.

Oluka 12:40

Agimi a mbo e dzu e kʼpu, okyku eshi Anwye Arehwĩ á ba ombayaŋ a mbo bimi e zga eso ma mbo.

Oluka 21:36

Ambo agimi e dzu e kʼpu ombamba pyeŋ, nga e fa olu okyku o da gimi e hwiŋ oshye bimi e ba e kpo e gre edgu ayakplo la á ba a kpo, nga e tspi egi ayi ba Anwye Arehwi.

MoaEfilibi 4:5

Agimi e tsa moare pyeŋ esõ la e wo ble-ble. Adigi-odne á ta adzadzi á ba á mo.

Eyakubu 5:9

Agimi anáŋ, e nyi agla ta la egimi mbo, okyku o da Ahogbrẽ a sõ gimi ombgu mbo. Are la a sõ ombgu a wo osusku a mo, aŋa a dzu a bli okyku o gre o ba eshyẽ sha angyiŋ a mo!

Otsotsa 19:7

Agimi e da gi e kpo ovye nga e vye. Agimi e da gi e hlu ŋa eshko okyku ekʼpo baŋ! Okyku eshi omba ba o bʼbu eble ba Anwye Ekylu o kpo bgu. Nga anwyeshe baŋ a sheŋ a nyuŋ eŋa a vu abgo.