Amatiyu 24:43 - Ohwihwim Olehe

⁴³ Agimi e ka, o wo ba are-odne a yi omba ba asi á ba a ba odne baŋ le, á kʼpu, okyku o da asi a ba a gom odne baŋ mbo.

Amatiyu 24:43 ပူးပေါင်းရင်းမြစ်များ

Amatiyu 14:25

La amgbaŋ atra, o mbo le amgbaŋ afĩ ba endigiŋ, Eyesu a dzi ami a ba okro moanwyeotum baŋ.

Amatiyu 20:11

Moa a yga amgbaŋ mo nga, moa a yi a nyi agla egi ayi areagbi.

Amatiyu 24:42

Okyku eka he agimi e kʼpu ba, okyku eshi agimi e yi onda ba Adigi-odne á ba a ba mbo.

Amatiyu 24:44

Okyku eka he, o raŋ o gre bimi e dzu e kʼpu ombamba pyeŋ, okyku eshi Anwye Arehwĩ á ba omba ba arekyeŋ a zga aga mbo ku-ku.

Amatiyu 25:10

Moanwyeshe la a wo eda mbo a gre o yi o gbmo awargi. Omba he lo angyiŋ anwyealom lo a gbu. Moanwyeshe atno la a nyuŋ a kpo a kʼpu okyku oba-ba ba anwyealom á ba, moa a gre okro o ri abgo ka la ŋa, nga moa a klu ayizhẽ.

Amatiyu 25:13

Eyesu a ta egŋe lo a khwo nga, a nyuŋ moanwyeotum baŋ a lu mi le, Agimi e kʼpu okyku eshi agimi e yi onda, ta la omba mbo.

Amarku 13:35

Agimi e dzu e kʼpu ngre okyku eshi agimi e yi omba ba are-odne á ba mbo. Á ba olum-ore a mu, á ba ekpatspe okyukyku a mu, á ba la engo etko a mu, á ba la etetne a mu,

Amarku 6:48

A ka moanwyeotum baŋ a la a tpi amgblami mo la ewu. Omba he lo ogbga ogbu o som mo ayi. La amgbaŋ atra o mbo le amgbaŋ afĩ ba endigiŋ, Eyesu a dzi ami a ba okro mo nga a bre a yi.

Oluka 12:38

Moa á gno oraŋ á gre eshri o wo baŋ a hwiŋ mo ba moa a kʼpu! O dzu mbo aŋa á ba la ekpatspe okyukyku, o mbo le ambla he lo!

Oluka 12:39

Agimi e tne aga ekplo he lo e ka! O wo ba are-odne a yi omba ba asi á ba a ba á fu odne baŋ le, aŋa á da asi a ba a gom odne baŋ tsitsi a mbo mbo.

Oluka 21:36

Ambo agimi e dzu e kʼpu ombamba pyeŋ, nga e fa olu okyku o da gimi e hwiŋ oshye bimi e ba e kpo e gre edgu ayakplo la á ba a kpo, nga e tspi egi ayi ba Anwye Arehwi.

Otsotsa 16:15

Agimi e ngli atuŋ e gno! Ame é ba eka ba asi angyiŋ! Are la a la a dzu a kʼpu, nga a la a nyuŋ aknye baŋ a la a kpaŋ á gno oraŋ! Aŋa nga á dzi wayawaya la ososo mbo, nga á gbu anzi eshki mbo!

Otsotsa 3:3

Aŋo o tne o ka ekplo ba moa a nye ŋo, ta la eka boŋ o gno lo. O raŋ o gre boŋ o kpaŋ lo nga o ngʼba o sku edlobi boŋ. O wo boŋ o vro enu mbo, ame é ba e gnyu ŋo eka ba asi. Aŋo ó yi omba ba ame é ba e ba ma mbo ku-ku.