Amatiyu 24:36 - Ohwihwim Olehe

³⁶ Arekyeŋ a yi mbo ku-ku, onda, ta la omba, baŋ á ba a ba mbo. Moanwyeadga baŋ la a wo Ongyeŋ a mbo a yi mbo. Anwye a mbo a yi mbo. Ada sha a yi.

Amatiyu 24:36 ပူးပေါင်းရင်းမြစ်များ

Amarku 13:32

Eyesu a lu mi le, Arekyeŋ a yi onda o mbo le awa lo ku-ku mbo. Moanwyeadga Ahogbrẽ la a wo Ongyeŋ, ta la Anwye a mbo, moa a yi mbo, o wo le Ada sha.

Otum 1:7

Eyesu a tno mo ma a lu mi le, Onda lo, ta la omba lo, Adugu sha la ekʼpo baŋ a yi lo. Alo o wo ekplokyeŋ bimi e yi mbo.

Amatiyu 24:44

Okyku eka he, o raŋ o gre bimi e dzu e kʼpu ombamba pyeŋ, okyku eshi Anwye Arehwĩ á ba omba ba arekyeŋ a zga aga mbo ku-ku.

2 Ebitru 3:10

Olum Onda ba Adigi-odne ó gnyu ognyu eka ba asi a la a gnyu ognyu. Onda mi lo ongyeŋ pyeŋ ó blu eka akyuŋ la a zhle. Nga ayakplo la a wo ongyeŋ moa á yla lo la ovo la o vu olo. Nga obiŋ hi ta la ekployaŋ a mbo la e wo ma é dom ya.

1 MoaEtasolonika 5:2

Okyku eshi agimi a mbo ababgo bimi e yi zhezheŋ ba olum Onda ba Adigi-odne ó ba o ba eka ba asi a la a ba okyukyku angyiŋ.

Otsotsa 16:15

Agimi e ngli atuŋ e gno! Ame é ba eka ba asi angyiŋ! Are la a la a dzu a kʼpu, nga a la a nyuŋ aknye baŋ a la a kpaŋ á gno oraŋ! Aŋa nga á dzi wayawaya la ososo mbo, nga á gbu anzi eshki mbo!

Amatiyu 24:42

Okyku eka he agimi e kʼpu ba, okyku eshi agimi e yi onda ba Adigi-odne á ba a ba mbo.

Amatiyu 25:13

Eyesu a ta egŋe lo a khwo nga, a nyuŋ moanwyeotum baŋ a lu mi le, Agimi e kʼpu okyku eshi agimi e yi onda, ta la omba mbo.

Otsotsa 3:3

Aŋo o tne o ka ekplo ba moa a nye ŋo, ta la eka boŋ o gno lo. O raŋ o gre boŋ o kpaŋ lo nga o ngʼba o sku edlobi boŋ. O wo boŋ o vro enu mbo, ame é ba e gnyu ŋo eka ba asi. Aŋo ó yi omba ba ame é ba e ba ma mbo ku-ku.