Amatiyu 24:31 - Ohwihwim Olehe

³¹ Moa á hlu anyuŋ angzo, nga aŋa á da moanwyeadga a yi obiŋ hi pyeŋ, nga moa á pla moarehwĩ baŋ a sla obiŋ hi pyeŋ á shki.

Amatiyu 24:31 ပူးပေါင်းရင်းမြစ်များ

Amatiyu 13:41

Anwye Arehwĩ á kpo nga á hom moanwyeadga baŋ otum á da mo a sla moa la a da moare a kpo odlobi, pa la pyeŋ moa la a kpo odlobi la a wo Oreŋ baŋ.

Amatiyu 24:22

Ahogbrẽ a sheŋ a fa omba he lo a ra angyiŋ mbo e mbi, arekyeŋ á gro mbo. Ambo okyku moarehwĩ baŋ a sla, Ahogbrẽ á fa omba lo a ra.

Amatiyu 24:24

Okyku eshi omba he lo moaEmisiya ba akpro pa la moarehwĩ la a ba a sheŋ akpro ma Ahogbrẽ angyiŋ a hom mo otum, moa á ba. Moa á kpo anyuŋ ayakplo la á ba a tsa ta la ayakplo ba egbregbre okyku o bile moarehwĩ ba Ahogbrẽ a sla, o wo moa a kpo a gbu le.

Amatiyu 24:32

Agimi e da esĩ ebro e nye gimi. Omba ba embgu lo e jygu ayeya lgilgilgi le, agimi e yi ba ongʼbo o wo osusku a mo.

Amatiyu 25:31

Omba ba Anwye Arehwĩ á ba a ba eka Anyuŋ-areŋ, pa la moanwyeadga ba Ahogbrẽ, á dzu emgbakyiŋ ba oreŋ baŋ.

Amatiyu 28:18

Eyesu a ba osusku pa la a mo nga a nyuŋ mo a lu mi le, Moa a shri ekʼpo pyeŋ Ongyeŋ, ta la obiŋ hi a shri a da me.

Amarku 13:27

Á hom moanwyeadga otum á yi emvygi enyi ba obiŋ hi lo mvye, nga moa a pla moarehwi ba Ahogbrẽ a sla pyeŋ.

Oluka 24:47

Nga la eshko baŋ moa á nyum oshpa okyku oghwobiŋ, ta la okyuabgombgu okyku moarehwi ba obiŋ hi pyeŋ. Moa a zga esĩ Orushalima.

Eyohana 11:52

Aŋa á kpu okyku moaEyahuda sha angyiŋ mbo, ambo okyku o daŋ a pla moanwye ba Ahogbrẽ la a som ayi pyeŋ a shki.

MoaOroma 10:18

Ambo ame é sa e zhĩ, o wo adlidzi angyiŋ, ba moa a gno oshpa mbo? Adlidzi, moa a sheŋ a gno oshpa lo, okyku eshi odlo Ahogbrẽ o tsa o lu mi le, Enzi moa la a nyum oshpa e tsu e gre okroyaŋ a mbo obiŋ hi. Odlo lo o tsu o gre eygi ba obiŋ hi lo.

1 MoaOkorinti 15:52

Alo é zhiŋ shoshoshoŋ ambla ba moa a hlu angzo ba amom-abgo. Omba ba moa a hlu lo, moare la a sheŋ a kpu, moa á kso eku la egʼba ba gbagbu-amo. Agi pyeŋ nga é zhiŋ.

MoAfisu 1:10

Ohwihwim he lo, Ahogbrẽ a bli lo omba ba omba lo ó kpo. O wo okyku o daŋ a kŋe ayakplo pyeŋ a bga. Ayakplo baŋ a kpo la a wo Ongyeŋ ta la obiŋ hi mvye, nga okyku o da Ekristi angyiŋ a dzu eshri.

1 MoaEtasolonika 4:16

Moarehwĩ á gno enzi ba obzi. Moa á gno enzi anyuŋ anwyeadga ba Ahogbrẽ, ta la enzi ba angzo ba Ahogbrẽ. Nga Adigi-odne ababgo baŋ á gile á zgi Ongyeŋ á ba! Ambo moa la a kpu la obmi ba adlidzi la eshko Ekristi, moa á kso mo angyiŋ ori.

2 MoaEtasolonika 2:1

Odlo eshri ba oba-ba ba Adigi-odne Eyesu Ekristi, ta la eka moa á pla gi á shki otsotse ka la ŋa, ame e vẽ gimi anáŋ,

MoaIbrani 12:19

ta la akyuŋ ba angzo, ta la akyuŋ ba enzi a wo ma. Omba ba moarehwĩ a gno enzi lo, moa a vẽ ma moa a klo o gno odlokyeŋ nga mbo.

Otsotsa 1:20

Aŋo o ka eshyẽ ba éyi enzo efoha boŋ o ka lo obgori me ta la emgbakha ovo efoha ba azurfa. Éyi enzo efoha he lo e dzu moanwyeadga ba moaEklisiya efoha. Nga emgbakha ovo efoha ba azurfa he lo e dzu moaEklisiya efoha angyiŋ.

Otsotsa 11:15

Ambla he nga anwyeadga ba ofoha a hlu egbaru baŋ, nga enzi egagre e lu Ongyeŋ e lu mi le, Adigi-odne ta la Emisiya baŋ angyiŋ a wo la ekʼpo ba o ri ekʼpo ta la obiŋ hi ohuhuhi. Aŋa á ri ekʼpo lo gbagbu gbagbu-amo!

Otsotsa 7:1

Ambla he nga ame e ka moanwyeadga anyi. Moa a tspi emvygi enyi ba obiŋ hi. Moa a nyom ogbga o hlu okroyaŋ a mbo obiŋ hi, okyku o da ogbga o gʼbu obiŋ hi ta la anyuŋ-ondzu, ta la akiki mbo.

Otsotsa 8:2

Ambla he nga ame e ka moanwyeadga afoha ba moa a tspi egi ayi ba Ahogbrẽ. Moa a shri egbaru efoha a shri a da mo.