Amatiyu 24:3 - Ohwihwim Olehe

³ Omba ba Eyesu a dzu Akũ ba Olivi nga, moanwyeotum baŋ a ba okro baŋ shu nga moa a zhĩ ŋa a lu mi le, O lu o da gi omba ba edgu ayakplo he lo pyeŋ á ba a kpo. Nga eshi angyiŋ é ba e tsa, ba omba boŋ ó ba o ba o kpo, nga ba omba lo o sheŋ o bli?

Amatiyu 24:3 ပူးပေါင်းရင်းမြစ်များ

Amatiyu 13:36

Ambla he nga Eyesu a dzu eshki a zga nga a gre odne eshyẽ. Moanwyeotum baŋ a ba okro baŋ nga a lu mi le, Aŋo o wre egŋe boŋ o ta eshri agbagba o da gi e gno.

Amatiyu 13:49

Moa á kpo eka he angyiŋ onda ba obiŋ hi ó ba o khwo. Moanwyeadga ba Ahogbrẽ, moa á gʼba moareabi, pa la moareadzi eka he lo angyiŋ.

Amatiyu 15:12

Ambla he nga, moanwyeotum a ba okro Eyesu nga a nyuŋ ŋa a lu mi le, Aŋo o yi ba odlo boŋ o lu ohuhuhi o tpi moaEfarisi esõ ayi?

Amatiyu 16:27

Omba o wo osusku a mo ba Anwye Arehwĩ á ba a ba la ayimom ba esesla ba Adaŋ, ta la moanwyeadga ba Adaŋ. Omba he lo angyiŋ, á ba a shri egbre areyaŋ a mbo á ba a shri á daŋ eka otum ba are a kpo obiŋ hi.

Amatiyu 16:28

Agimi e tne aga e ka! Moakyeŋ eshki hi, moa á kpu mbo, o wo le moa á ka obaba ba Anwye Arehwĩ á ba a ba eka Areŋ ayga.

Amatiyu 17:19

Moanwyeotum baŋ a ba okro baŋ shu nga moa a zhĩ ŋa a lu mi le, Okyku eshi agi e kpo e gbu e se ogbgabi lo mbo?

Amatiyu 21:1

Moa a gbu anwye oskukyeŋ moa a bzi lo ma Ebefagi. Alo o wo osusku ta la Orushalima. Anwye osku lo a wo Akũ ba Olivi. Eyesu a hom moanwyeotum baŋ aha otum ahe lo, okyku o da mo a bre a yi.

Amatiyu 24:27

Okyku eshi Anwye Arehwĩ á ba eka ogbu o tspi ayi o zgi egi etne o ba o bre o yi egi olum-ore.

Amatiyu 24:30

Nga moa á ka otsotsa ba oba-ba ba Anwye Arehwĩ ongyeŋ. Omba he lo nga, egu andandandim mvye ba obiŋ hi, moa á wu okũ, nga moa á ka Anwye Arehwĩ etabro ba ongyeŋ baŋ a gile a ba la ekʼpo, ta la esesla egagre.

Amatiyu 24:37

Oba-ba ba Anwye Arehwĩ o wo eka ba ekplo la e kpo omba ba Onuhu.

Amatiyu 24:39

Ambo ekakahelo a mbo, moa a ka a bmye eka ekplo la e kpo mbo, ma-me ami a ba a gnyu mo nga, a tslo mo pyeŋ a gre. Ekakahelo angyiŋ ó ba o kpo pa la moare omba ba Anwye Arehwĩ á ba a ba.

Amatiyu 24:43

Agimi e ka, o wo ba are-odne a yi omba ba asi á ba a ba odne baŋ le, á kʼpu, okyku o da asi a ba a gom odne baŋ mbo.

Amatiyu 28:20

Nga e nye mo e da mo a kpaŋ ekployaŋ a mbo ba ame e lu e da gimi. Nga e tne aga e ka! Ame é dzu ka la gimi ombamba pyeŋ, ma-me o tsa onda amom-abgo.

Oluka 21:7

Moa a zhĩ Eyesu a lu mi le, Andakʼpo, ohe lo ó kpo ombayaŋ? Egŋeyaŋ é ba e tsa ba edgu ayakplo he lo é ba e kpo?

Otum 1:7

Eyesu a tno mo ma a lu mi le, Onda lo, ta la omba lo, Adugu sha la ekʼpo baŋ a yi lo. Alo o wo ekplokyeŋ bimi e yi mbo.

MoaIbrani 9:26

Okyku eshi o wo ba alo o wo eka he angyiŋ le, ó dzu ŋa omgbybi baŋ a kpo ewu engyi oshushku, a zga ekplu ba moa a kpo obiŋ hi. Ambo a ba odgo okyeŋ nga o khwo, alo ó dzu eka he ma-me o tsa onda ba amom-abgo omba baŋ a ba okyku o daŋ a se odlobi a sku moare ozhẽ baŋ a shri eshri baŋ a ndba.