Amatiyu 24:27 - Ohwihwim Olehe

²⁷ Okyku eshi Anwye Arehwĩ á ba eka ogbu o tspi ayi o zgi egi etne o ba o bre o yi egi olum-ore.

Amatiyu 24:27 ပူးပေါင်းရင်းမြစ်များ

Amatiyu 16:27

Omba o wo osusku a mo ba Anwye Arehwĩ á ba a ba la ayimom ba esesla ba Adaŋ, ta la moanwyeadga ba Adaŋ. Omba he lo angyiŋ, á ba a shri egbre areyaŋ a mbo á ba a shri á daŋ eka otum ba are a kpo obiŋ hi.

Amatiyu 16:28

Agimi e tne aga e ka! Moakyeŋ eshki hi, moa á kpu mbo, o wo le moa á ka obaba ba Anwye Arehwĩ á ba a ba eka Areŋ ayga.

Amatiyu 24:26

O mbo le, o wo moare a lu ka la gimi a lu mi le, E ka, aŋa a wo akla a mi, agimi e yi mbo. O mbo le, o wo moa a lu mi le, E ka, aŋa a ghre ahe, agimi e bmi ba adlidzi mbo.

Amatiyu 24:3

Omba ba Eyesu a dzu Akũ ba Olivi nga, moanwyeotum baŋ a ba okro baŋ shu nga moa a zhĩ ŋa a lu mi le, O lu o da gi omba ba edgu ayakplo he lo pyeŋ á ba a kpo. Nga eshi angyiŋ é ba e tsa, ba omba boŋ ó ba o ba o kpo, nga ba omba lo o sheŋ o bli?

Amatiyu 24:37

Oba-ba ba Anwye Arehwĩ o wo eka ba ekplo la e kpo omba ba Onuhu.

Amatiyu 24:39

Ambo ekakahelo a mbo, moa a ka a bmye eka ekplo la e kpo mbo, ma-me ami a ba a gnyu mo nga, a tslo mo pyeŋ a gre. Ekakahelo angyiŋ ó ba o kpo pa la moare omba ba Anwye Arehwĩ á ba a ba.

Amatiyu 24:44

Okyku eka he, o raŋ o gre bimi e dzu e kʼpu ombamba pyeŋ, okyku eshi Anwye Arehwĩ á ba omba ba arekyeŋ a zga aga mbo ku-ku.

Amatiyu 8:20

Eyesu a tno ŋa ma a lu mi le, Emgbeshka e wo la anzhe ma, nga awunu a mbo a wo la eygu ma, ambo Anwye Arehwĩ a wo la okro ba o dzu ma o dum mbo.

Eyakubu 5:8

Agimi a mbo, o raŋ o gre ba agimi e kpo oheheŋ! Agimi nga e la e dzu la okayiozhẽ la ekhwoekhwo, okyku eshi olum onda ba Adigi-odne á ba a ba o wo osusku a mo.

2 Ebitru 3:4

Nga moa á lu mi le, Aŋa a hwim a zga baŋ á ba a ba mbo? A wo ayaŋ? Moadigi moa a sheŋ a kpu bgu, ambo ekployaŋ a mbo e dzu eka ba obiŋ o wo okũ oriori omba ba moa a kpo ekployaŋ a mbo!