Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Amatiyu 24:24 - Ohwihwim Olehe

24 Okyku eshi omba he lo moaEmisiya ba akpro pa la moarehwĩ la a ba a sheŋ akpro ma Ahogbrẽ angyiŋ a hom mo otum, moa á ba. Moa á kpo anyuŋ ayakplo la á ba a tsa ta la ayakplo ba egbregbre okyku o bile moarehwĩ ba Ahogbrẽ a sla, o wo moa a kpo a gbu le.

အခန်းကိုကြည့်ပါ။ ကော်ပီ




Amatiyu 24:24
31 ပူးပေါင်းရင်းမြစ်များ  

Eyesu nga a sa a lu a ta ma-ma a lu mi le, Moa a bzi moare nzenze, ambo eshki mo, moare fi sha moa á sla.


Moare nzenze la á ba a sheŋ akpro ma Ahogbrẽ angyiŋ a hom mo otum, moa á zgi, nga moa á bile moare nzenze.


Ahogbrẽ a sheŋ a fa omba he lo a ra angyiŋ mbo e mbi, arekyeŋ á gro mbo. Ambo okyku moarehwĩ baŋ a sla, Ahogbrẽ á fa omba lo a ra.


Agimi e ngli atuŋ e gno, ame e sheŋ e lu e da gimi bgu.


Moa á hlu anyuŋ angzo, nga aŋa á da moanwyeadga a yi obiŋ hi pyeŋ, nga moa á pla moarehwĩ baŋ a sla obiŋ hi pyeŋ á shki.


Okyku eshi moare nzenze, moa á ba eshko me, nga moa á lu mi le, Ame e wo Emisiya! Nga moa á bile moare nzenze.


Agimi e nyuŋ e kpo-kpo pa la moarehwĩ la a la a sheŋ akpro, ma Ahogbrẽ angyiŋ a hom mo otum. Moa á ba okro bimi la akpa ba ekylu egi edzi, ambo moa a wo ebuakam angyiŋ egi eshyẽ.


Emisiya ba akpro é zgi nzenze, pa la moarehwi la á ba a sheŋ akpro ma Ahogbrẽ a hom mo otum. Moahi lo á kpo ayakplo egbregbre okyku o bile moarehwi ba Ahogbrẽ a sla.


Eyesu a zhĩ mo a lu mi le, Ahogbrẽ a la a kpo a ghwo la moarehwi baŋ la a wu okũ egi ayi baŋ okyukyku ta la olulum mbo? Á ngli ayga á ba a kpo á ghwo la mo?


Ambo a nyuŋ andakʼpo he lo a lu mi le, Agimi e bmi ta la ekplokyeŋ mbo o wo le agimi e klo e ka anyuŋ ayakplo ba otum ba egbregbre ayga dne.


Areyaŋ a mbo ba Adugu a shri ŋa a da me, á ba okro me. Ame é nyom arekyeŋ la a ba okro me ku-ku nga mbo.


Are la a hom me otum lo a klo ba ame e da akyeŋ eshki moarehwi baŋ a shri a da me a tsu a gbu mbo, ambo ame e nyuŋ mo e kpaŋ adzadzi okyku o da mo a kso ongybi olum ba amom-abgo.


Oblus a klo a sõ osusku ta la Afisu okyku o daŋ a tpi omba ayi obiŋ ba Asiya mbo. Aŋa a kpo omvro okyku o daŋ a gbu Orushalima shoshoŋ. A klo okyku o daŋ a gbu onda ba Epentakos.


E kpo ekployaŋ a mbo bimi e kpo e gbu, okyku o da gimi e dzu opyapyaŋ ta la areyaŋ a mbo.


Agimi e vye e gre eshri! Eshi e kpo? Ame a mbo e kpo e gbu ba ame e lu odlo he lo eshri bimi, agimi e mbi e gʼbu ayi bimi o wo ba agimi e kpo e gbu nga e shri lo e da me!


Ambo esĩ la e wo oshye ba Ahogbrẽ a sheŋ a ta, arekyeŋ a kpo lo esku a gbu mbo ku-ku. Moa a ta odlo he lo ma a lu mi le, Ahogbrẽ a yi moare la a wo moarehwĩ baŋ. Nga moa a sa a ta a lu mi le, Areyaŋ a mbo la a lu baŋ a wo a ba Ahogbrẽ angyiŋ bgu le, o dzu omgbybi baŋ a kyu ayakplobi pyeŋ abgo.


Owlama o wo ma okyku gimi arehwĩ ba ekʼpo ba Ahogbrẽ e la e kpaŋ, okyku bimi e bmi ba adlidzi omba ba agimi e la e dzu e kʼpu oshla he lo. Moa a shri oshla he lo a zga ma, ba moa á tsa lo omba ba amom-abgo.


Ambo agimi akyemeazba, agimi e sheŋ e yi lo bgu. Agimi e kʼpu, okyku o da akpukyeŋ ba moarehwĩ la a yi odaŋ mbo a ngʼba gimi a sku ozhẽ mbo, nga okyku o da gimi e zgi okro ba odzudum ba agimi e tspi ma he e gbu obiŋ mbo.


Agimi anwye me, omba ba amom-abgo o wo osusku a mo! Moa a lu a da gimi eka ba Afpu ba Ekristi á ba a ba. Nga ohuhuhi, moafpu ba Ekristi nzenze moa a sheŋ a ba bgu. Okyku eka he, agi e ka e bmye ba omba ba amom-abgo lo o wo osusku a mo.


Ayi angyiŋ a wo are la a sheŋ akpro? Are la a lu mi ma Eyesu a wo Ekristi mbo angyiŋ a wo are la a sheŋ akpro. Are he lo a wo Afpu ba Ekristi angyiŋ. Aŋa a tla Ada ta la Anwye a mbo pyeŋ.


Agi e yi ba arekyeŋ ba moa a mbre ŋa okro ba Ahogbrẽ a la a shri eshri baŋ a zga okyku o kpo odlobi mbo, okyku eshi Anwye ba Ahogbrẽ a la a kpaŋ ŋa, nga Areabi a kpo a gbu baŋ a ta ŋa etsa mbo.


Moa a vu ebyi la e wo ebi lo, ta la arehwĩ la a sheŋ akpro ma Ahogbrẽ angyiŋ a hom ŋa otum, eka moa-oprusuna. Arehwĩ he lo angyiŋ a kpo ayakplo ba egbregbre egi ayi ba ebyi lo. La ayakplo ba egbregbre angyiŋ aŋa a bile moare la a wo la egŋe ba ebyi la e wo ebi he lo ma, pa la moare la a hlu ambgu ba ebyi lo eshko. Ebyi he lo nga ta la arehwĩ la a sheŋ akpro ma Ahogbrẽ angyiŋ a hom ŋa otum, moa a shri mo pyeŋ a shri a ndba a ygi enzheovo la e shum la ovo ma nzenze.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ