Amatiyu 23:9 - Ohwihwim Olehe

⁹ Agimi e bzi arekyeŋ obiŋ hi ma Ada mbo ku-ku, okyku eshi agimi e wo la Ada akyekyeŋ sha, la a wo Ongyeŋ.

Amatiyu 23:9 ပူးပေါင်းရင်းမြစ်များ

Amatiyu 23:10

Agimi e da mo a la a bzi gimi ma Andakʼpo mbo, okyku eshi Andakʼpo boŋ akyekyeŋ sha a wo ma. Aŋa a mi a wo Emisiya.

Amatiyu 6:32

Edgu anzho he lo angyiŋ, moaevbu a la a bga emo okyku lo ombamba pyeŋ. Adigimi la a wo Ongyeŋ a yi bimi e wo anzho he lo ma mbo.

Amatiyu 7:11

Agimi e wo abi egyagi a mbo, agimi e yi eheŋ ba o shri anzho adzadzi e shri e da moanwye bimi. Adigimi la a wo Ongyeŋ a mbo la a gre gimi, á shri ayakplo adzadzi á shri á da moa la a vẽ ŋa.

Otum 22:1

Agimi arealom pa la moanáŋ, pa la moadigi, agimi e ngli e gno odlo ba ame e lu e da gimi!

1 MoaOkorinti 4:15

Odzudzu bimi ba Ekristi, o wo bimi e wo moare la a nye gimi e gbu ezbiokʼpo a mbo, agimi e wo la ada akyekyeŋ sha e ma. Okyku odzudzu bimi ba Ekristi, ame e dzu adigimi, okyku eshi ame angyiŋ e shri Oshpaodzadzi e da gimi.

2 MoaOkorinti 6:18

Ahogbrẽ la a wo ekʼpo pyeŋ, a lu mi le, Ame é dzu adigimi, Nga agimi é dzu moanwyealom me pa la moanwye-alashle me.

MoaIbrani 12:9

Moadigi ba egʼba moa a la a nye gi, ambo agi e la e fa olbi e da mo o di-di lo. O raŋ o gre ba agi e bmi e da Adigi ba ayaŋ bi e gre eka he nzenze okyku o da gi e hwiŋ esõ!

1 Eyohana 3:1

Agimi e ka, Ahogbrẽ a klo gi a gre eshri! Oklo baŋ lo o gre eshri. Okyku oklo baŋ angyiŋ, moa a bzi gi ma moanwye Ahogbrẽ. Nga agi e wo moanwye baŋ la adlidzi angyiŋ. Okyku okũ he lo angyiŋ obiŋ hi o yi gi mbo, okyku eshi alo o yi Ahogbrẽ mbo.