Amatiyu 23:8 - Ohwihwim Olehe

⁸ Agimi e da mo a la a bzi gimi ma are la a nye mbo, okyku eshi, agimi mvye e wo moanáŋ angyiŋ, nga agimi e wo are la a nye akyekyeŋ sha e ma.

Amatiyu 23:8 ပူးပေါင်းရင်းမြစ်များ

Amatiyu 10:25

Okyku eka he, o raŋ o gre ba anwye-engla a sko edgu odzudzu ba are la a nye ŋa. Awaghrẽ nga, o raŋ o gre baŋ a sko edgu odzudzu ba adaŋ-odne. O wo ba moa a bzi andakʼpo ba ogukyeŋ ma Ebilazabuba le, moarehwĩ ba ogu lo, moa á ri ashko la a wo abi a gre ahi lo a mbo!

Amatiyu 17:5

Omba baŋ a kpla egba eka he lo nga, etabro la e shka ayi leleleŋ e gile eshri mo, nga enzi e zgi ma e lu mi le, Anwye ba esesla ba ame a gno oraŋ ka la ŋa e gre eshri angyiŋ, a wo ahi lo. Agimi e ngli atuŋ e gno odlo baŋ!

Amatiyu 23:10

Agimi e da mo a la a bzi gimi ma Andakʼpo mbo, okyku eshi Andakʼpo boŋ akyekyeŋ sha a wo ma. Aŋa a mi a wo Emisiya.

Amatiyu 23:7

Moa a la a klo moare a shko mo la ekekʼpo ekyku, nga moa a la a klo moare a bzi mo a lu mi le, Andakʼpo.

Amatiyu 26:25

Eyahuda la a yla Eyesu a zhĩ a lu mi le, Andakʼpo, ame angyiŋ e wo are la á ba a yla ŋo? Eyesu a tno ma a lu mi le, Aŋo o lu shasha.

Amatiyu 26:49

Omba ba Eyahuda a gbu nga, a ba okro Eyesu nga a nyuŋ ŋa a lu mi le, Andakʼpo, o da esõ e gbu ŋo obiŋ. Ambla he nga a gre a shri anyu baŋ a tka a ba Eyesu.

Amarku 10:51

Eyesu a zhĩ ŋa a lu mi le, Aŋo o klo me e kpo ŋo eshi? A tno Eyesu ma a lu mi le, Andakʼpo, o wo boŋ o bmi, o hwile me ayi.

Amarku 11:21

Ebitru a tne aga ekplo la e kpo. A ka esĩ ebro lo nga a nyuŋ Eyesu a lu mi le, Andakʼpo o ka, esĩ ebro boŋ o ta anyuabi o ygi lo mi e kpu.

Amarku 14:45

Eyahuda a gbu a khwo nga, a gre okro Eyesu a nyuŋ ŋa a lu mi le, Andakʼpo! Nga a shri anyu baŋ a shri a tka a ba Eyesu.

Amarku 9:5

Ebitru nga a lu odlo angyangyeŋ ta la Eyesu a lu mi le, Andakʼpo, o wo odzi o gre eshri bi e wo ahe ka la ŋo. O gno, agi é ta abro atra, akyeŋ okyku ŋo, akyeŋ okyku Omusa, nga akyeŋ okyku Eliya.

Oluka 22:32

Ambo ame e sheŋ e fa olu okyku ŋo Esima, okyku o da obmi ba adlidzi boŋ o sheŋ o nye ozhẽ mbo. Ambla boŋ o bla o ba okro me le, aŋo o shĩ moanóŋ.

Eyohana 1:38

Omba ba Eyesu a zhiŋ a ka ba moa a lu ŋa ma nga, a zhĩ mo a lu mi le, Agimi e klo eshi? Moa a zhĩ ŋa a lu mi le, Aŋo Andakʼpo, aŋo o la o dzu ayaŋ?

Eyohana 1:49

Enataniyelu a nyuŋ Eyesu a lu mi le, Andakʼpo, aŋo o wo Anwye Ahogbrẽ angyiŋ! Aŋo o wo Anyuŋ-areŋ ba Esrayila!

Eyohana 11:8

Moa a tno ŋa ma a lu mi le, Andakʼpo, omba o dga o dzu a wo mbo moaEyahuda a klo o tra ŋo ézhim, aŋo o klo o yi a mi lo nganga?

Eyohana 20:16

Eyesu a nyuŋ Emeri a lu mi le, Emeri! Emeri a zhiŋ a gre egi baŋ, nga a lu odlo la olom ba Eyahuda a lu mi le, Eraboni, o dzu, Are la a nye.

Eyohana 3:2

Okyukyku ondakyeŋ nga a ba okro Eyesu nga a nyuŋ ŋa a lu mi le, Agi e yi zhezheŋ, aŋo Andakʼpo, aŋo angyiŋ o wo are la a nye ba Ahogbrẽ a doŋ o ba. Arekyeŋ a kpo a gbu baŋ a kpo edgu ayakplo egbregbre boŋ o la o kpo mbo o wo le Ahogbrẽ a wo ka la ŋa ayga dne.

Eyohana 3:26

Okyku eka he moa a gre okro Eyohana, nga moa a lu a daŋ a lu mi le, Andakʼpo, aŋo o yi alomakyeŋ la a wo akaŋ ondzu ba Ordu ongre ohwõ mi ma? Alom boŋ o lu odlo eshri baŋ mi. O ka, alom he lo a la a kpo moare abaptisma ohuhuhi a gre eshri, nga moare mvye a zhiŋ a la a yi okro baŋ!

Eyohana 4:31

Omba he lo nga moanwyeotum a vẽ Eyesu a lu mi le, Andakʼpo, o wo boŋ o bmi le, o yga emakyeŋ o ri.

Eyohana 6:25

Omba ba moare a hwiŋ Eyesu ongre ba atam ohwõ, moa a nyuŋ ŋa a lu mi le, Andakʼpo, aŋo o ba ahe ombayaŋ?

Eyohana 9:2

Moanwyeotum baŋ a ka avgayi lo nga moa a zhĩ a lu mi le, Andakʼpo, okyku odlobi ba ayi angyiŋ moa a mbre alom he lo avgayi? Okyku odlobi baŋ angyiŋ le, okyku odlobi moadaŋ.

2 MoaOkorinti 1:24

Ambo agi e zga gble okyku o lu eka ekplo ba agimi é ba e bmi ba adlidzi ta la lo angyiŋ e da gimi mbo, okyku eshi agimi e sheŋ e tspi osheshye ta la obmi ba adlidzi bgu. Ambo agi e la e kpo otum ka la gimi okyku o da gimi e dzu la ovye.

2 MoaOkorinti 4:5

Agi e la e nyum oshpa ba eshri bi angyiŋ mbo. Ambo agi e la e nyum oshpa ba Eyesu Ekristi, aŋa angyiŋ a wo Adigi-odne. Nga agi e wo moawaghrẽ bimi sha angyiŋ okyku Eyesu.

MoAfisu 3:15

Okro baŋ angyiŋ oguyaŋ a mbo Ongyeŋ ta la obiŋ hi, moa a la a yga eshko ba adlidzi he lo.

Efilimo 1:16

Okyku eshi, ohuhuhi aŋa a wo awaghrẽ sha angyiŋ mbo, ambo aŋa a gre awaghrẽ. A wo anigi angyiŋ okŋeobga ba Ekristi. Ame e ka ŋa la owlama nzenze! Aŋa á wo la owlama ka la ŋo á gre me a mbo nganga. A wo awaghrẽ nga a sa a wo anigi okŋeobga ba Adigi-odne!

Eyakubu 3:1

Agimi anáŋ! O raŋ o gre ba moare nzenze angyiŋ eshki bimi a dzu moa la a nye mbo, okyku eshi agi la e nye moa á sõ gi ombgu la o vu olo á gre moahwõ.

1 Ebitru 5:3

Agimi e kpo akplokyeŋ la aga okyku o ri ekʼpo eshri moarehwĩ ba moa a shri a da gimi okyku o da gimi e kpaŋ mo mbo. Ambo agimi e dzu eka ozhẽ angyiŋ egi ayi mo.

Otsotsa 1:9

Ame angyiŋ e wo Eyohana anigimi. Nga ibu okŋeogba ta la Eyesu angyiŋ, ame e pu ka la gimi ewu ba agimi e kpo, nga ame e sa e pu ka la gimi Oreŋ baŋ ta la ota esõ akpyli. Moa a shri me a gre a yi a ta anwye-obiŋ ba moa a bzi lo ma Abatmo okyku ba ame e nyum oshpa ba odlo ba Ahogbrẽ ta la adlidzi ba Ekristi a tsa.

Otsotsa 19:10

Ame e kŋe e shki obiŋ egi ayi baŋ okyku o hlu ŋa eshko, ambo a lu mi le, O kpo eka he mbo! Ame a mbo e wo awaghrẽ eka boŋ pa la moanóŋ pyeŋ la a kpaŋ adlidzi ba Eyesu a tsa lo zhezheŋ. Aŋo o hlu Ahogbrẽ angyiŋ eshko! Okyku eshi adlidzi ba Eyesu a ra lo a tspa zhezheŋ angyiŋ a shĩ esõ moarehwĩ ba Ahogbrẽ a hom mo otum.

Otsotsa 22:9

Ambo a lu a da me a lu mi le, Aŋo o kpo eka hi mbo! Ame a mbo e wo awaghrẽ eka boŋ pa la moanóŋ ba Ahogbrẽ a hom mo otum, ta la areyaŋ a mbo la a kpaŋ odlo la o wo akpa he. Aŋo o hlu Ahogbrẽ angyiŋ eshko!