Amatiyu 23:34 - Ohwihwim Olehe

³⁴ Okyku eka he ame e lu e da gimi, ame e da moarehwĩ ba Ahogbrẽ a hom mo otum, pa la moare la a wo la okaobmye ma, pa la moa la a nye a ba, agimi nga é bga moakyeŋ eshki mo, nga é kũ moabze ekusa egŋe aki, nga agimi é taŋ moa-kyeŋ andzu anwyeakulu bimi, nga agimi é dzi esku é la é klo mo.

Amatiyu 23:34 ပူးပေါင်းရင်းမြစ်များ

Amatiyu 10:23

O wo ba moa a kpo gimi ewu oskukyeŋ le, agimi e knye e yi osku ohwõ. Ame e lu e da gimi, agimi é dzi anwye esku ba obiŋ Esrayila pyeŋ é khwo ayga, Anwye Arehwĩ á ba a ba mbo.

Amatiyu 13:52

Eyesu a tno mo ma a lu mi le, O wo ba alo o wo eka he angyiŋ le, areyaŋ a mbo la a nye odaŋ, la a dzu anwyeotum ba Oreŋ ba Ongyeŋ, a dzu eka adaŋ-odne la a se anzho agbyi, ta la anzho ahe a sku osoto.

Amatiyu 23:31

Agimi e bmi ba agimi angyiŋ e wo moare ba ogu moa la a bga moare ba Ahogbrẽ a hom mo otum lo!

Oluka 24:47

Nga la eshko baŋ moa á nyum oshpa okyku oghwobiŋ, ta la okyuabgombgu okyku moarehwi ba obiŋ hi pyeŋ. Moa a zga esĩ Orushalima.

Eyohana 16:2

Moa á se gimi á sku eshki mo. Nga omba ó yi ó ba ba areyaŋ a mbo la a bga gimi, baŋ á ba a ka ma aŋa a kpo lo okyku Ahogbrẽ angyiŋ.

Eyohana 20:21

Eyesu a lu pa la mo a lu mi le, Opyapyaŋ ba eso o dzu ka la gimi. Eka ba Ada a hom me otum angyiŋ, ame a mbo e hom gimi otum.

Otum 1:8

Ambo agimi é hwiŋ ekʼpo omba ba Ogbgaodzi ó gile eshri bimi, nga agimi é dzu moa la a zgi egŋe me osku ba Orushalima ta la obiŋ Eyahuda, ta la Esamariya, ta la okroyaŋ a mbo obiŋ hi.

Otum 11:27

Omba he lo angyiŋ moarehwi ba Ahogbrẽ a hom otum, moa a zgi Orushalima a gre.

Otum 12:2

A da mo a bga Eyakubu anáŋ Eyohana la akõ.

Otum 13:1

Eklisiya osku ba Antakiya, moarehwi ba Ahogbrẽ a hom otum, pa la moa la a nye moare odlo Ahogbrẽ a wo ma. Moahi lo a ri Abarnaba, ta la Esimiyo ba moa a bzi ŋa Ahwĩ, ta la Olusu ba Esirini, ta la Amaniyi anwye-odne ba ogomna Ehirudu, ta la Eshawlu.

Otum 14:19

MoaEyahudakyeŋ a zgi Antakiya ba Ebisidiya ta la Ekoniyom a ba. Moa a ba a zhiŋ moare eshri, nga moa a da mo a tra Oblus ézhim nga moa a dra ŋa a sku osku lo. Moa a ka ma o dzu mbo, ma a kpu.

Otum 15:32

Eyahuda, ta la Esila, moa a wo moarehwi ba Ahogbrẽ a hom mo otum angyiŋ. Moa a lu odlo pa la moanáŋ nzenze, nga moa a gbu mo eso obiŋ.

Otum 5:40

Moa a bzi moa la a nyum oshpa nga, moa a yla mo andzu nga moa a shĩ mo ma moa a nyum oshpa eshko Eyesu ondakyeŋ ku-ku nga mbo, nga moa a kyu mo abgo a da mo a gre.

1 MoaOkorinti 2:6

Ambo ame e la e lu odlo la okaobmye e ygi moare la a bli la Ogbgaodzi. Ambo okaobmye he lo o wo okaobmye edgu o ba obiŋ hi angyiŋ mbo, o wo eka ekʼpo la e ri ekʼpo obiŋ hi angyiŋ mbo. Edgu ekʼpo he lo e la e khwo.

1 MoaOkorinti 3:10

Ame e mbdzi aku eka are la a yi o mbdzi a gre eshri, okyku eshi ame e kpo otum ta la oyioyi ba Ahogbrẽ a shri a da me. Ame nga e ta ahwim lo, nga arekyeŋ a mbdzi anzoŋ lo. Ambo o raŋ o gre ba areyaŋ a mbo a nyuŋ a kpo-kpo eka baŋ a la a mbdzi lo.

MoaOkolosi 1:28

Okyku eka he agi e la e nyum oshpa ba Ekristi e ygi moare pyeŋ. Agi e la e shĩ nga e nye areyaŋ a mbo la edgu okaobmye mvye ba agi e wo la alo ma, okyku o shri areyaŋ a mbo a ba egi ayi ba Ahogbrẽ, eka ba are la a bmye ayi a klu okro ba okŋeobga ta la Ekristi.

1 MoaEtasolonika 2:16

Moa e mbi a zga gble okyku o tspi la gi okyku onyumoshpa o ygi moare la a wo moaEyahuda mbo. Oshpa he lo o shri oshla o kom mo. Odlobi he lo angyiŋ o wo anyuŋ odlobi ogagre ba amom-abgo ba moa a la a kpo. Ohuhuhi nga ma-me a mo, olom ba Ahogbrẽ o wo eshri mo!

MoaIbrani 11:37

Moa tra moabze ézhim, nga moa a ngʼba mo egʼba aha, nga moa a bga mo la akõ. Moa a la a dzi la aknye ba akpekpa ba ékylu ta la akpekpa ba ébme. Moa a wo la ekŋe. Moa a kpo mo ewu nga moa a gbga mo egʼba.

Otsotsa 11:10

Ambo moarehwĩ ba obiŋ hi, moa á gno oraŋ ta la eku ba moarehwĩ aha he lo. Moa á kpo ovye nga moa á shri ototno á shri á kom emo, okyku eshi moarehwĩ aha ba Ahogbrẽ a hom mo otum he lo, moa a byiŋ ewu nzenze a shri a ta moarehwĩ ba obiŋ hi.