Amatiyu 23:14 - Ohwihwim Olehe

¹⁴ A ba eshri bimi la e nye odaŋ, ta la agimi Efarisi. Agimi la e bile moare! Agimi e la e ngʼga moashe-eshaku anzho adne mo. Ambla he nga agimi e fa olu odzodzõ egi ayi moarehwĩ. Okyku eka he, egbre bimi é vu olo ngre é gre!]

Amatiyu 23:14 ပူးပေါင်းရင်းမြစ်များ

Amatiyu 11:24

Aŋo o ka, Onda Ombgu, Ahogbrẽ á ka Osodom ayiekŋe á gre ŋo!

Amatiyu 23:13

A ba eshri bimi la e nye odaŋ ta la agimi Efarisi! Agimi la e bile moare! Agimi e la e so moare ayi ozhẽ la o yi Oreŋ Ongyeŋ. Agimi a mbo e klo e yi mbo. Moa la a klo a yi a mbo, agimi e nyom mo o gre o yi. [

Amatiyu 23:33

Amabi, pa la moanwye ba amabi! Agimi é kpo anyu e la e ka ayi ozhẽ okyku o gro ombgu ba enzheovo?

Amarku 12:40

Moa a la a ngʼga moashe-eshaku anzho adne mo. Ambla he nga moa a fa olu la o dzõ odzõ egi ayi moarehwi. Okyku eka he egbre mo é vu olo ngre é gre!

Oluka 12:48

Ambo anwye-odne la a yi ekplo ba adaŋ-odne a klo baŋ a kpo mbo le, o wo baŋ a kpo ekplokyeŋ ebi le, moa á taŋ ŋa andzu la anwye aki angyiŋ. Ohe lo angyiŋ ó dzu ewu baŋ. Are ba moa a shri nzenze a shri a daŋ, moa á klo nzenze angyiŋ okro baŋ. Are ba moa a shri fkatka a shri a daŋ, moa á klo fkatka angyiŋ okro baŋ.

Oluka 20:47

Moa a la a kpgo moashe-eshaku nga a ngʼga mo adne mo. Nga moa a la a fa olu la odzodzõ okyku o da moarehwi a ka mo. Egbre mo é vu olo é gre moahwõ.

2 Etimoti 3:6

Moabze eshki mo, moa a la a dzi adne nga a la a zhiŋ moashe la a wo oshye esõ mbo. Okyku eshi odlobi moashe he lo o dzu olbi pa la mo, nga edgu ogroayi andandandim o kom mo o hwro.

Etitu 1:10

Moare nzenze la a sla okro ayi a wo ma. Moa edgu he lo a la a bile moare la odlo ototno moa a la a lu. Onzenze eshki mo moa a wo moare la a kyu ozhẽ moaEyahuda abgo nga a ba a lu Ekristi ma.

Eyakubu 3:1

Agimi anáŋ! O raŋ o gre ba moare nzenze angyiŋ eshki bimi a dzu moa la a nye mbo, okyku eshi agi la e nye moa á sõ gi ombgu la o vu olo á gre moahwõ.

2 Ebitru 2:14

Moa a la a klo o ka ekplokyeŋ ku-ku mbo, o wo le moashe ba eshre sha. Ogroayi mo okyku o kpo odlobi ó khwo mbo ku-ku. Moa a la a da moa la a wo oshye esõ mbo a gbu amgbaŋ. Moa a sheŋ a nye eda ba okayiogro esõ mo bgu. Moa a wo abgo ba ogbukyu ba Ahogbrẽ angyiŋ!

2 Ebitru 2:3

Nga okyku ohwlayi mo, moa la a nye onyenye ba akpro lo, moa á hwiŋ ohwihwiŋ okyku oshpa ba ototno ba moa a kpo, nga a lu ka la gimi. Omba o dga nzenze ba are la a sõ mo ombgu a la a dzu a bli mo. Nga omba o dga nzenze ba are la a jygi mo lo a la a dzu a kʼpu!