Amatiyu 23:13 - Ohwihwim Olehe

¹³ A ba eshri bimi la e nye odaŋ ta la agimi Efarisi! Agimi la e bile moare! Agimi e la e so moare ayi ozhẽ la o yi Oreŋ Ongyeŋ. Agimi a mbo e klo e yi mbo. Moa la a klo a yi a mbo, agimi e nyom mo o gre o yi. [

Amatiyu 23:13 ပူးပေါင်းရင်းမြစ်များ

Amatiyu 23:16

Ekplo ayiekŋe ta la agimi la e la e shri moavgayi opi! Agimi e la e nye e lu mi le, O wo ba are a kʼpi ashum la Anyuŋ-akulu le, o dzu omgbybi baŋ a bli ekplo lo mbo. Ambo o wo baŋ a kʼpi ashum la ezinariya la e wo Anyuŋ-akulu lo le, o dzu omgbybi angyiŋ baŋ a bli ekplo lo.

Amatiyu 23:23

Ekplo ayiekŋe ta la agimi la e nye odaŋ, ta la agimi Efarisi! Agimi la e bile moare! Agimi e la e zgi ogʼba okyeŋ egʼba okʼpo ba ekployaŋ a mbo ba agimi e la e hwiŋ agbi bimi ombamba. Agimi e la e zgi lo enyiŋ-emgbo, ta la afre, ta la elʼma. Ambo agimi e dzu onyenye ba adlidzi ba odaŋ e zga. Onyenye ba odaŋ o wo adlidzi, ta la okayie-kŋe, ta la oshasha. O raŋ o gre ba agimi e kpaŋ ayakplo atra he lo, nga e dzu ayakplo ahwõ e zga mbo.

Amatiyu 23:25

Ekplo ayiekŋe ta la agimi la e nye odaŋ, ta la agimi Efarisi! Agimi la e bile moare! Agimi e la e ndza etku owami, ta la atku ba orialgo egi edzi sha, nga egi eshyẽ e bli la ayakplo ba agimi e dzu e zga, ozhẽ okpgo moare ta la ozhẽ ba okloeshri.

Amatiyu 23:27

Ekplo ayiekŋe ta la agimi la e nye odaŋ, ta la agimi Efarisi! Agimi la e bile moare! Agimi e wo eka engybi ba moa a khwa lo la obiŋ okyle. Alo a shka ayi adzadzi egi edzi, ambo e bli la akukʼpu ba ekom moarehwĩ, ta la anzho la a vrẽ.

Amatiyu 23:29

Ekplo ayiekŋe ta la agimi la e nye odaŋ, ta la agimi Efarisi! Agimi la e bile moare! Agimi e la e kpo engybi la e wo adzadzi okyku moarehwĩ ba Ahogbrẽ a hom mo otum, nga agimi e ta ama ba ozba okyku o da moare a tne aga moare odlodzi la a kpu.

Amatiyu 3:7

Omba ba Eyohana a ka moaEfarisi, pa la moaEsaduki nzenze a ba okyku o daŋ a kpo mo abaptisma nga, aŋa a nyuŋ mo a lu mi le, Agimi emabi, ayi a lu a da gimi, bimi é kpo é gbu bimi é gro ombgu ba Ahogbrẽ la ó ba?

Oluka 11:52

A ba eshri bimi la e nye odaŋ! Agimi e shri emakuli ba moa a hwile ayizhẽ la a yi odŋe oyioyi e shri e ghre. Agimi eshrishri egimi nga e gre ma mbo. Moa la a klo o yi a mbo agimi e nyom mo.

Eyohana 9:22

Moadaŋ a tno ma eka he okyku eshi moa a kpo eyli moaEyahuda. MoaEyahuda a lu mi ma areyaŋ a mbo la a zgi egŋe ma Eyesu a wo Emisiya angyiŋ le, moa á se ŋa eshki.

Eyohana 9:24

Moa a bzi alom ba moa a mbre ŋa avgayi lo odgo oha nga moa a nyuŋ ŋa a lu mi le, Aŋo o hwim egi ayi Ahogbrẽ boŋ ó ba o lu adlidzi! Agi e yi ba alom he lo a wo are ba odlobi.

Eyohana 9:34

Moa a tno ŋa ma a lu mi le, Moa a mbre ŋo la odlobi, nga moa a vgi ŋo la odlobi. Aŋo o klo o nye gi? Nga moa a kyku ŋa a sku anwyeakulu lo.

Otum 13:8

Ambo alom la a la a kpo agum lo, eshko baŋ ba Egrise e ri Elima, aŋa a klo ba ogomna a gno oshpa lo mbo.

Otum 5:28

Agi e shĩ gimi e lu mi ma agimi e nye arekyeŋ eshko alom hi nga mbo. Ambo agimi e pre odaŋ lo! Agimi e sheŋ e nyum oshpa alom he lo osku ba Orushalima mvye bgu. Agimi e klo o da ombgu alom he lo o dzu eshri bi!

Otum 5:40

Moa a bzi moa la a nyum oshpa nga, moa a yla mo andzu nga moa a shĩ mo ma moa a nyum oshpa eshko Eyesu ondakyeŋ ku-ku nga mbo, nga moa a kyu mo abgo a da mo a gre.

Otum 8:1

Eshawlu a la a bmi ta la ebga ba moa a la a kpo. Onda he lo angyiŋ moa la a lu Eyesu ma osku ba Orushalima a zga esi o kpo ewu nzenze. Moa la a bmi ba adlidzi a knye a gre ekro andandandim obiŋ ba Eyahuda, ta la Asamariya, o wo le moa la a nyum oshpa dne a ra a dzu.

2 Etimoti 3:8

Eka ba Ejane ta la Ejamba a tla odlo ba Omusa, ozhezhẽ he lo moa edgu moarehwĩ he lo a la a tla adlidzi. Esõ moahi lo e la e ka ayakplo e bmye mbo nga moa a dzu osheŋonye angyiŋ ozhẽ ba obmi ba adlidzi he lo.

2 Etimoti 4:15

Aŋo a mbo, o nyuŋ o kpo-kpo ka la ŋa, okyku eshi a bmi ta la oshpa bi e la e nyum mbo ku-ku.