Amatiyu 22:3 - Ohwihwim Olehe

³ A hom moanwye-odne baŋ otum okyku o da mo a bzi moare ba moa a sheŋ a lu a da mo, okyku o da mo a ba oriabgo lo. Ambo moa pyeŋ, moa a tla o ba-ba.

Amatiyu 22:3 ပူးပေါင်းရင်းမြစ်များ

Amatiyu 21:34

Omba moa a yla algo agbi nga, areagbi lo a hom moawaghrẽ baŋ otum okro moa la a la a kpaŋ agbi okyku o da mo a yga ogʼba baŋ a shri a kom ŋa.

Amatiyu 23:37

Aŋo Orushalima, Orushalima! Aŋo o bga moarehwĩ ba Ahogbrẽ a hom mo otum, nga o tra moanwyeadga ba Ahogbrẽ a hom mo otum okro bimi ézhim. Engyi ehrẽ ame e klo e ngla abgo me e kpaŋ moarehwĩ boŋ eka ba enu e la e ngla angʼbo e la e shki moanwye baŋ? Ambo agimi e tla!

Amatiyu 3:2

Aŋa a nyum oshpa a lu mi le, Agimi e nyiŋ odzudzu bimi, okyku eshi Oreŋ ba Ongyeŋ o wo osusku a mo!

Amatiyu 9:15

Eyesu a tno mo ma a lu mi le, Eka bimi e ka, o wo odzi ba moazhẽ a nyom eshri algo omba ba moa a kpo abgo anwyeshe? Alo o kpo o bgu mbo! Ambo omba ó yi ó ba, ba moa á ba a sko anwyealom anwyeshe á sku mo. Omba he lo nga moa á nyom eshri algo.

Oluka 13:34

Orushalima, Orushalima! Aŋo o bga moarehwi ba Ahogbrẽ a hom mo otum. Nga aŋo o bga moanwyeadga ba Ahogbrẽ a hom mo otum okro boŋ la ézhim. Engyi oshushku ame e klo o ngla abgo me e shki moarehwi boŋ mvye eka ba enu e la e ngla angʼbo baŋ e shki moanwye baŋ. Ambo aŋo o tla me o ta!

Oluka 15:28

Eso e tpi anáŋ andakʼpo ayi nzenze nga, a tla o yi odne. Okyku eka he adaŋ a ba a vẽ ŋa okyku o daŋ a yi odne.

Oluka 19:27

Eshri moafpu me la a klo ba ame e dzu areŋ mo mbo, e shri mo e ba e bga egi ayi me!

Eyohana 5:40

Ambo ekakahelo a mbo, agimi e bmi e ba okro me mbo nga okyku o da gimi e hwiŋ eso mbo.

Otum 13:45

Omba ba moaEyahuda a ka eshki nzenze eka he nga, moa a kpo efpu nga moa a lu odlo ototno ta la Oblus, nga moa a klo odlo ka la ŋa.

MoaOroma 10:21

A lu odlo eshri moaEsrayila a lu mi le, Ame e ndba abgo me ma-me o tsa ba olum o gbu egi ayi moarehwi la a shye eshri, nga a fa eso.

MoaIbrani 12:25

Agimi e nyuŋ e kpo-kpo nga e tla o ngli atuŋ o gno odlo baŋ a la a lu mbo. Okyku eshi moarehwĩ la a tla o ngli atuŋ o gno odlo ba Ahogbrẽ ba arekyeŋ a la a lu obiŋ hi, moa a gro mbo ku-ku. Nga o wo ba agi e tla odlo ba are la a dzu Ongyeŋ a la a lu he, agi e ka é ra abgo é gro mbo ku-ku!

MoaIbrani 9:15

Okyku okũ he lo, Ekristi angyiŋ a wo are la a shri ohwihwim olehe a shri a ba, okyku o da moarehwĩ ba Ahogbrẽ a bzi mo a hwiŋ owlama ba gbagbu-amo ba Ahogbrẽ a hwim a zga ma. Ohe lo o kpo o gbu ibu eku baŋ a kpu. Alo angyiŋ e shri okyuabgombgu o shri o da moare okro akpu ba moa a ta omba ba moa a wo abgo ba ohwihwim ba oriori.

Otsotsa 22:17

Ogbgaodzi ta la Anwyeshe a lu mi le, Agimi e ba! Nga e da areyaŋ a mbo la a gno odlo he lo, e daŋ a mbo a lu mi le, Agimi e ba! Areyaŋ a mbo ba oŋo o kpo ŋa nga baŋ a klo o wa ami, a ba a yga ami ba esõ he lo a wa ototno.