Amatiyu 22:16 - Ohwihwim Olehe

¹⁶ Ambla he nga, moa a da moanwyeotum mo, pa la moa la a lu Ehirudu ma a gre okro Eyesu. Moa a zhĩ ŋa a lu mi le, Andakʼpo, agi e yi boŋ o wo are ba adlidzi angyiŋ, o la o nye moare adlidzi eshri odlo ba Ahogbrẽ. Nga aŋo o la o kpo eyli ayakplo ba moare a tne eshri lo mbo.

Amatiyu 22:16 ပူးပေါင်းရင်းမြစ်များ

Amatiyu 22:24

Moa a zhĩ Eyesu a lu mi le, Andakʼpo, Omusa a nye a lu mi le, O wo ba are a wo anwye ma mbo nga baŋ a kpu le, o dzu omgbybi ba anáŋ a sko ashe-eshaku baŋ a kyu okyku o daŋ a mbre moanwye okyku ŋa.

Amatiyu 22:26

Ekakahelo e kpo ta la anáŋ ba oha, pa la ba otra ma-me ta la moa afoha a mvye.

Amatiyu 26:18

Eyesu a nyuŋ moanwyeotum baŋ a lu mi le, Agimi e yi okro álomakyeŋ osku ba Orushalima, nga e nyuŋ ŋa e lu mi le, Andakʼpo a lu mi ma omba baŋ o kpo bgu, okyku eka he, ma aŋa a klo o ri abgo Apaska pa la moanwyeotum baŋ odne boŋ.

Amatiyu 26:49

Omba ba Eyahuda a gbu nga, a ba okro Eyesu nga a nyuŋ ŋa a lu mi le, Andakʼpo, o da esõ e gbu ŋo obiŋ. Ambla he nga a gre a shri anyu baŋ a tka a ba Eyesu.

Amarku 10:17

Omba ba Eyesu pa la moanwyeotum baŋ a klo o kso o yi egi ehwõ, are angyiŋ-akyeŋ a knye a ba a kʼpu egi ayi baŋ nga a zhĩ ŋa a lu mi le, Andakʼpo ba Shasha, ame é kpo eshi okyku o da me e hwiŋ esõ ba gbabgu-amo?

Amarku 12:13

Moa a da moaEfarisi, pa la moa la a lu Ehirudu ma a gre okro Eyesu la ozhiozhĩ okyku o kpyi ŋa.

Amarku 12:14

Moa a ba okro baŋ a khwo nga, moa a zhĩ ŋa a lu mi le, Andakʼpo, agi e yi aŋo o wo are la a lu adlidzi angyiŋ. Aŋo o kpo eyli arekyeŋ mbo, nga aŋo o la o nye odlo Ahogbrẽ ba adlidzi baŋ a shri a ba okyku moare. O lu o da gi, ozhẽ Odaŋ bi o wo odzi moa a hre ewaŋ a da Ekeza Anyuŋ-areŋ le, o wo odzi mbo?

Amarku 3:6

Ambla he nga moaEfarisi a zgi anwyeakulu a gre okyku o fu eshri pa la moa la a lu Ehirudu ma okyku o da mo a bga Eyesu.

Amarku 8:15

Eyesu a nyuŋ moanwyeotum baŋ a lu mi le, E nyuŋ e kpo-kpo ta la eyist ba moaEfarisi, ta la e ba Ehirudu.

Oluka 20:21

Moare la a kpyi ŋa he lo, moa a nyuŋ ŋa a lu mi le, Andakʼpo, agi e yi ba ayakplo boŋ o la o nye a wo adlidzi angyiŋ. Agi e yi boŋ o kpo eyli arehwĩ mbo, nga boŋ o nye adlidzi ba odlo Ahogbrẽ okyku moarehwi.

Oluka 7:40

Eyesu a lu odlo ka la ŋa a lu mi le, Esima, ame e wo la ekplokyeŋ okyku o lu o da ŋo. Esima a tno ma a lu mi le, Andakʼpo ame e bmi aŋo o lu.

Eyohana 14:6

Eyesu a tno ŋa ma a lu mi le, Ame angyiŋ e wo ozhẽ, ame angyiŋ e wo adlidzi, nga ame angyiŋ e wo eso. Arekyeŋ a sõ okrokyeŋ a yi okro Ada a gbu mbo, o wo le a sõ okro me dne.

Eyohana 18:37

Ebilatu a zhĩ ŋa a lu mi le, Aŋo angyiŋ o wo anyuŋ-areŋ? Eyesu a tno ŋa ma a lu mi le, Aŋo angyiŋ o lu ma ame e wo anyuŋ-areŋ. Moa a mbre me nga moa a da me e ba obiŋ hi okyku ekplo ekyekyeŋ. E wo okyku o da me e lu odlo eshri ba adlidzi. Areyaŋ a mbo la a wo a ba adlidzi angyiŋ le, aŋa a la a ngli atuŋ a gno odlo me.

Eyohana 7:18

Are la a lu odlo ekyku eshri baŋ, a klo o gbu eshko angyiŋ. Are la a klo o da are la a hom ŋa otum angyiŋ a gbu eshko, are he lo a la a kpo adlidzi, nga a la a kpo ekplokyeŋ bli-bli mbo.

2 MoaOkorinti 2:17

Agi e wo eka moahwõ nzenze angyiŋ mbo. Moa a la a kpo otum ta la oshpa ba Ahogbrẽ eka ba ama egbmo la a wo ofa. Ambo okyku ba Ahogbrẽ angyiŋ a hom gi otum, agi e la e zgi egŋe baŋ la adlidzidzi egi ayi baŋ eka moawaghrẽ ba Ekristi.

2 MoaOkorinti 4:2

Agi e mu eshyẽ ba anzi ekployaŋ a mbo e zga agba. Nga agi e kpo otum la obile mbo, nga agi e kŋe odlo ba Ahogbrẽ e bga ta la akpro mbo. Nga agi e dzu ayimom ba adlidzi angyiŋ egi ayi ba Ahogbrẽ, nga agi e zga gble okyku o kpo otum la aga la a wo adzadzi eso ba areyaŋ a mbo.

2 MoaOkorinti 5:16

Okyku eka he, o wo ozhẽ ba agi e sõ are ombgu okro okpo-kpo ba arehwĩ mbo. O wo ba agi e sõ Ekristi ombgu ayga ozhẽ okpo-kpo ba arehwĩ a mbo, agi e la e kpo eka he ohuhuhi nga mbo.

MoaEgalasiya 1:10

Odlo ba ame e la e lu he, o dzu eka ba ame e kpo okyku o da moare a bmi pa la me angyiŋ? O mbo! Ame e klo ba Ahogbrẽ angyiŋ a bmi pa la me. Ame e la e zga ngre okyku o da moare angyiŋ a yi me nzenze? Ame e zga ngre e ta ma-ma okyku o da moare a yi me nzenze angyiŋ e mbi, ame e bmi e dzu awaghrẽ ba Ekristi mbo.

MoaEgalasiya 2:6

Ambo moabze la a sko emo a zga eka moandakʼpo, ame e lu ohi okyku eshi alo o dzu akplokyeŋ angyiŋ pa la me mbo, o wo ba moa a wo eshi a mbo. Okyku eshi Ahogbrẽ a la a sõ moare ombgu la okoka ba edzi angyiŋ mbo. Moandakʼpo he lo moa a ka a shri ebra ehekyeŋ a shri a da me mbo.

1 MoaEtasolonika 2:4

Ambo agi e lu odlo ombamba eka ba Ahogbrẽ a klo bi e lu angyiŋ, okyku eshi aŋa a bmi ka la gi nga a shri Oshpaodzadzi a shri a da gi. Agi e zga gble okyku o raŋ moarehwĩ angyiŋ esõ mbo, ambo okyku o raŋ Ahogbrẽ angyiŋ esõ. Aŋa a la a mbga aga esõ bi.

Eyakubu 3:17

Ambo akplo ba ori, okaobmye la o zgi ongyeŋ angyiŋ o wo kye. Okaobmye lo o wo la opyapyaŋ ma, nga o wo ble-ble ta la ekpom, nga o wo la okayiekŋe nzenze, nga okaobmye lo o fu agbro ba otum la o wo odzi. Nga alo o wo la aga la a wo la evevom ma mbo, nga alo o kpo ayakplo la a wo abibli mbo.

1 Eyohana 5:20

Agi e yi ba Anwye ba Ahogbrẽ a ba nga a shri okaobmye a da gi okyku o da gi e ka Ahogbrẽ ba adlidzi e bmye. Odzudzu bi pyeŋ o wo ta la Ahogbrẽ ba adlidzi okro ba Anwye baŋ Eyesu Ekristi. Aŋa angyiŋ a wo Ahogbrẽ ba adlidzi, nga esõ he lo angyiŋ e wo esõ ba gbagbu-amo.