Amatiyu 22:13 - Ohwihwim Olehe

¹³ Areŋ nga a nyuŋ moanwye-odne baŋ a lu mi le, Agimi e bʼbu ŋa endzi abgo, ta la adga, nga e shri ŋa e ndbi e ta evbu. Ahe lo nga, aŋa á wu okũ á taŋ azhga anyu.

Amatiyu 22:13 ပူးပေါင်းရင်းမြစ်များ

Amatiyu 12:29

Arekyeŋ a kpo a gbu baŋ a yi a gom odne are la a wo oshye nga a yi a si mbo, o wo le a yi a bʼbu ŋa endzi ayga dne.

Amatiyu 13:30

Agimi e dzu lo e zga e da lo a hlu otsotse eka he o tsa ba omba ba alo a bmye. Omba he lo, ame é da moa la a yla a sla agbagba sha a yla ayga, nga a bʼbu lo ababgo nga á shri á ygi ovo, nga moa á yla aglu-agbi á shri á ygi anjygu me.

Amatiyu 13:42

Á kpo nga á shri mo á ygi embili ovo la e bmye ovo nzenze. Ahe lo, moa á wu okũ nga á taŋ azhga anyu.

Amatiyu 13:50

Nga moa á shri moareabi á ygi embili ovo la e bmye ovo e gre eshri, nga moa á wu okũ á taŋ azhga anyu.

Amatiyu 24:51

Adaŋ-odne lo á kplu ŋa agbu. Nga á daŋ a hwiŋ egbre baŋ pa la moa la a bile moare. A mi lo aŋa á wu okũ nga á taŋ azhga anyu.

Amatiyu 25:30

E shri anwye-odne la a wo ototno hi, e shri ŋa e ta evbu edzi. A mi lo nga, aŋa á wu okũ nga á taŋ azhga anyu.

Amatiyu 8:12

Moare e mbi la ba alo o raŋ o gre moa a hwiŋ Oreŋ Ongyeŋ, moa á se mo á ygi egi edzi, okro la o hwĩ evbu kpyke. Ahe lo, moa á wu okũ, nga á taŋ azhga anyu.

Oluka 13:28

Agimi é wu okũ é gre eshri, nga é taŋ azhga anyu omba ba agimi e ka Ebrahim, ta la Eshaku, ta la Eyakubu, pa la moarehwi ba Ahogbrẽ a hom mo otum, a dzu Oreŋ Ahogbrẽ, ambo moa á hwile gimi ayizhẽ mbo!

Eyohana 21:18

Ame e lu adlidzi angyiŋ, omba boŋ o wo ola anwye aŋo o kpo ekployaŋ a mbo boŋ o klo, nga o gre ibuyaŋ a mbo boŋ o klo. Ambo omba boŋ ó tsoŋ le, aŋo ó ndba abgo boŋ nga arehwõ angyiŋ á ba a kpo lo okyku ŋo, nga moa á shri ŋo á yi okro boŋ o klo o yi lo mbo.

Otum 21:11

A ba okro bi nga a ngla ashye akpa ba Oblus a bʼbu adga baŋ ta la abgo baŋ nga a lu mi le, Ogbgaodzi o lu mi ma are ashye akpa hi, ma moaEyahuda Orushalima á vu ŋa á bʼbu eka he nga moa á shri ŋa á da moa la a wo moaEyahuda mbo.

Otum 7:54

Omba ba moandakʼpo la a sõ ombgu a gno odlo ba Estifanu a lu nga, eso e tpi mo ayi, nga moa a taŋ azhga eshri baŋ.

2 MoaEtasolonika 1:9

Ewu moa á ba a kpo o wo ewu ba eku la é khwo ku-ku nga mbo. Moa á ngʼba mo á sku egi ayi Adigi-odne ta la anyuŋ ekʼpo baŋ ba ekekʼpo,

2 Ebitru 2:17

Moarehwĩ he lo, moa a wo eka ba eyi ami la e mom angyiŋ. Moa a wo eka ba etabro ba ogbga ogbu o la o hlu lo. Ahogbrẽ nga a shri okro, okro la o hwĩ evbu mgbyimgbyiŋ angyiŋ a shri a zga okyku mo.

2 Ebitru 2:4

Okyku eshi Ahogbrẽ a ka a dzu moanwyeadga la a kpo odlobi a mbo a zga mbo ku-ku. Ambo a shri mo a shri a ygi enzheovo. Ahe lo, moa a ta mo aslika a ygi evbu, nga moa a dzu a bli Olum onda ba Ombgu lo.

Eyahuda 1:13

Moarehwĩ he lo a wo eka ondzami ba anyuŋ-ondzu la o wlu ayi o gre eshri. Moa a la a kpo ayakplo ba ototno la a wo eka afumvu ototno ba ami ba anyuŋ-ondzu. Moa a wo la anzi ma mbo. Moa a wo eka ba éyi enzo la e la e dzi wayawaya. Ahogbrẽ a sla okro la o wo evbu mgbyimgbyimgbyiŋ angyiŋ a shri a zga ma okyku mo.

Eyahuda 1:6

Agimi e tne aga eshri ba moanwyeadga ba ongyeŋ la a tspi okro ba ekʼpo mo e ygi ma sha mbo. Ambo moa a dzu okro moa a dzu ma a zga. Ahogbrẽ a sheŋ a klu mo a ta evbu ba obiŋ hi eshyẽ. Okro lo o hwĩ evbu o gre eshri. Moa a ta mo aslika la a shye nzenze, nga moa a dzu a bli Onda ba moa á sõ mo ombgu dne a mo.

Otsotsa 21:27

Ambo ekplo-kyeŋ ba eshre é gre é yi osku he lo eshyẽ mbo ku-ku. Are la a la a kpo ayakplo ba anzi ta la are la a sheŋ akpro, á yi osku he lo mbo. O wo le moarehwĩ ba moa a ta ashko mo akpa ba esõ, ba Anwye Ekylu lo dne á ba a yi osku he lo.