Amatiyu 21:32 - Ohwihwim Olehe

³² Okyku eshi Eyohana la a kpo abaptisma a ba okro bimi, nga a tsa gimi ozhẽ la o raŋ o gre, ambo agimi e bmi ba adlidzi ka la ŋa mbo. Ambo moa la a yga ewaŋ, pa la moashe la a ri eshra, moa a bmi ba adlidzi ka la ŋa. Omba bimi e ka eka he a mbo, agimi e ka e nyiŋ aga bimi ambla nga e bmi ba adlidzi ka la ŋa mbo.

Amatiyu 21:32 ပူးပေါင်းရင်းမြစ်များ

Amatiyu 11:18

Omba ba Eyohana a ba a la a nyom eshri baŋ algo, nga a wa ami anab la a no mbo. Ambo areyaŋ a mbo a sko ŋa a zga adro!

Amatiyu 21:25

E lu e da me, la ekʼpo ayi Eyohana a la a kpo abaptisma? La ekʼpo ba Ahogbrẽ le, la ekʼpo ba arehwĩ? Ambla he nga moa a sla emo a kla ta la emo a lu mi le, Agi é tno ŋa ma é lu la eshi? O ka, o wo bi e tno ŋa ma e lu mi ma Eyohana a hwiŋ ekʼpo baŋ okro Ahogbrẽ le, Eyesu á lu mi le, O wo eka he le, okyku eshi agimi e bmi ba adlidzi ta la Eyohana mbo?

Amatiyu 21:31

Ayaŋ eshki moanwye aha he lo, a kpo ekplo ba adimo a klo? Moa a tno ma a lu mi le, Anwye andakʼpo angyiŋ a kpo ekplo ba Adimo a klo. Eyesu a nyuŋ mo a lu mi le, Ame e lu e da gimi, moa la a yga ewaŋ, pa la moashe la a la a ri eshra, moa á yi Oreŋ Ahogbrẽ á sku gimi.

Amatiyu 5:46

Okyku eshi aŋo o klo o da Ahogbrẽ a shri egbre a shri a doŋ o wo boŋ o la o klo moare la a la a klo ŋo sha? Moare la a la a yga ewaŋ a mbo a kpo eka he angyiŋ!

2 Etimoti 2:25

Nga a dzu are la a kpo ble-ble omba baŋ a nye moare la a tla ŋa. O dzu mbo, Ahogbrẽ á da mo anvaŋ okyku o ghwo obiŋ, okyku o da mo a yi adlidzi lo.

MoaIbrani 3:12

Agimi anáŋ, agimi e nyuŋ e kpo-kpo okyku o da akyeŋ eshki bimi a dzu la esõ ebi, nga baŋ a tla obmi ba adlidzi a ta, nga baŋ a gba a ngʼba a sku Ahogbrẽ la a wo la esõ ma mbo.

2 Ebitru 2:21

O raŋ o gre e mbi ba moa a dzu efĩ ozhẽ ba odlodzi o gre ba moa a yi lo a khwo nga, a sa a dzu ozhẽ ba odaŋ ba esesla ba moa a shri a da mo a zga!

Otsotsa 2:21

Ame e shri omba e shri e daŋ okyku o daŋ a ngʼba a sku edlobi baŋ he lo, ambo aŋa a klo o kyu ayakplo eshre baŋ a kpo he lo abgo mbo.