Amatiyu 21:11 - Ohwihwim Olehe

¹¹ Eshki e tno ma e lu mi le, Aŋa a wo Eyesu arehwĩ ba Ahogbrẽ a hom otum angyiŋ. A zgi Anazarata ba Egalili.

Amatiyu 21:11 ပူးပေါင်းရင်းမြစ်များ

Amatiyu 2:23

nga aŋa a kpo odne baŋ osku moa a bzi lo ma Anazarata. Aŋa a kpo eka he okyku o bli ekplo ba moarehwĩ Ahogbrẽ a hom otum a lu. Moa a lu mi le, Moa á bzi ŋa Anazari.

Amatiyu 21:10

Omba ba Eyesu a gbu Orushalima nga moare ba okro-yaŋ a mbo, moa a yga akhi. Moare a zhĩ a lu mi le, Aŋa a wo ayi angyiŋ?

Amatiyu 21:26

Ambo o wo bi e lu mi le, Aŋa a hwiŋ lo okro arehwĩ angyiŋ, agi é dzu pyaŋ pa la moare mbo, okyku eshi moa a bmi adlidzi ba Eyohana a wo arehwĩ ba Ahogbrẽ a hom otum angyiŋ.

Amatiyu 21:46

Okyku eka he nga, moa a klo ozhẽ okyku o vu ŋa. Ambo moa a kpo eyli ba eshki, okyku eshi moa a lu mi ma Eyesu a wo arehwĩ ba Ahogbrẽ a hom otum angyiŋ.

Amarku 6:15

Moabze a lu mi le, Are he lo a wo Eliya angyiŋ. Moabze a lu mi le, Are he lo a wo akyeŋ eshki moare ba Ahogbrẽ á hom mo otum obiŋ hi ogbyigbyi.

Oluka 13:33

Ekakahelo a mbo, ame é ta ozhẽ anye, ta la akyi, ta la eshri, ambo o wo odzi ba moa a bga arehwĩ ba Ahogbrẽ a hom ŋa otum okrokyeŋ ondundum mbo o wo le Orushalima sha.

Oluka 24:19

Eyesu a zhĩ a lu mi le, Eshi e kpo? Moa a tno ma a lu mi le, Ayakplo la a kpo ta la Eyesu ba Anazarata. A wo Arehwĩ ba Ahogbrẽ a hom ŋa otum. Ahogbrẽ, ta la moarehwi, moa a ka otum baŋ, ta la odlo baŋ o wo la ekʼpo ma nzenze.

Oluka 7:16

Areyaŋ a mbo a kpo eyli, okyku eka he nga moa a hlu Ahogbrẽ eshko a lu mi le, Anyuŋ arehwĩ ba Ahogbrẽ a hom otum a ba okro bi! Ahogbrẽ a ba okyku o shla moarehwi baŋ angyiŋ!

Oluka 7:39

Omba ba alom ba Efarisi la a bzi ŋa okyku o da mo a ri algo otsotse a ka eka he nga, a lu eso baŋ a lu mi le, Alom hi a wo arehwĩ ba Ahogbrẽ a hom otum adlidzi angyiŋ e mbi, a kpo a gbu baŋ a yi edgu ashe la a tka ŋa he. E mbi, aŋa a kpo a gbu baŋ a yi edgu odlobi ba ashe lo a la a kpo!

Eyohana 1:21

Moa a sa a zhĩ ŋa a lu mi le, O wo eka he le, aŋo o wo ayi angyiŋ? Aŋo angyiŋ o wo Eliya? Eyohana a tno mo ma a lu mi le, Ame e wo Eliya angyiŋ mbo. Moa a sa a zhĩ ŋa a lu mi le, Aŋo angyiŋ o wo arehwĩ ba Ahogbrẽ a hom otum? Eyohana a tno mo ma a lu mi le, Ame e wo ŋa angyiŋ mbo.

Eyohana 1:25

Moa a zhĩ Eyohana a lu mi le, O wo boŋ o wo Emisiya mbo, nga o wo Eliya mbo, nga o wo arehwĩ ba Ahogbrẽ a hom ŋo otum mbo, okyku eshi aŋo o la o kpo moare abaptisma?

Eyohana 4:19

Ashe lo a ka egbregbre nga a nyuŋ Eyesu a lu mi le, Ame e ka e bmye boŋ o wo arehwĩ ba Ahogbrẽ a hom otum angyiŋ.

Eyohana 6:14

Moare la a ka anyuŋ ayakplo egbregbre ba Eyesu a kpo. Moa a lu mi le, Adlidzi angyiŋ, aŋa a wo arehwĩ ba Ahogbrẽ a hom ŋa otum okyku o daŋ a ba obiŋ hi!

Eyohana 7:40

Moare nzenze eshki lo a gno ba Eyesu a lu eka he. Moa a lu mi le, Alom he lo angyiŋ a wo Arehwi ba Ahogbrẽ a hom ŋa otum a daŋ a ba!

Eyohana 9:17

MoaEfarisi a sa a zhĩ alom lo nganga a lu mi le, Aŋo o lu ma aŋa angyiŋ a hwile ayi boŋ? Aŋo o tne aga eshi eshri baŋ? Aŋa a tno mo a lu mi le, Alom he lo a wo arehwĩ ba Ahogbrẽ a hom otum angyiŋ.

Otum 7:37

Omusa lo angyiŋ a nyuŋ moarehwi ba Esrayila a lu mi le, Ahogbrẽ á hom arekyeŋ otum á daŋ a ba, eka baŋ a da me e ba. Aŋa a wo a ba ogu moarehwi bimi.