Amatiyu 20:26 - Ohwihwim Olehe

²⁶ Ambo edgu hi angyiŋ é ba e kpo ka la gimi mbo. O wo ba akyeŋ eshki bimi a klo o dzu andakʼpo le, aŋa á dzu awaghrẽ moahwõ pyeŋ.

Amatiyu 20:26 ပူးပေါင်းရင်းမြစ်များ

Amatiyu 20:27

Nga o wo ba akyeŋ eshki bimi a klo o dzu a ba ori le, aŋa á dzu awaghrẽ bimi.

Amatiyu 25:44

Moare odlobi he lo á zhĩ Areŋ lo á lu mi le, Ombayaŋ agi e ka ŋo o kpu embyle, nga o kpu oŋo, nga o wo azhẽ, nga boŋ o dzi oso, nga boŋ o no olo, nga moa a vu ŋo a ta aku, agi e tla e kpo e ghwo la ŋo?

Amatiyu 27:55

Moashe nzenze a wo okro lo omba he lo. Moa a la a lu Eyesu ma a zgi Egalili angyiŋ a ba. Moa a tspi ogyugyuŋ a ka ayakplo la a kpo.

Amarku 10:43

Ambo ozhẽ bimi o wo ondundum. O wo ba arekyeŋ a klo a dzu anyuanyuŋ eshki bimi le, á dzu eka anwye afifi.

Amarku 10:45

E ka, Anwye Arehwĩ a ba okyku o da mo a hlu ŋa eshko angyiŋ mbo, ambo okyku o kpo ewu okyku moahwõ nga o shri esõ baŋ o di okyku o shla moarehwi.

Amarku 9:35

Eyesu a dzu obiŋ nga a bzi moanwyeotum baŋ otsko a nyuŋ mo a lu mi le, Areyaŋ a mbo la a klo o dzu andakʼpo eshri moahwõ le, á dzu awaghrẽ moahwõ pyeŋ.

Oluka 18:14

Eyesu a lu mi le, Ame e lu e da gimi, alom la a yga ewaŋ he a hwiŋ onyuŋokpo agʼbaha baŋ ta la Ahogbrẽ omba baŋ a gre odne. Alom ahwõ mi angyiŋ mbo. Okyku eka he areyaŋ a mbo la a sko eshri baŋ a zga la anyuanyuŋ, moa á sko ŋa á zga akplokyeŋ mbo. Are la a sko eshri baŋ a zga akplokyeŋ mbo angyiŋ moa á sko ŋa á zga la anyuanyuŋ.

Oluka 22:26

Okro bimi o wo ondundum. O dzu omgbybi ba are la a wo ekʼpo a gre pyeŋ eshki bimi, a dzu eka anwye afifi, nga o dzu omgbybi ba andakʼpo a sa a dzu eka anwye-odne.

Eyohana 18:36

Eyesu a tno ŋa ma a lu mi le, Oreŋ me o wo o ba obiŋ hi angyiŋ mbo, o mbo e mbi, moa la a lu me ma á ta eko okyku o da mo a shri me a da moaEyahuda mbo. O mbo, oreŋ me o wo o ba obiŋ hi angyiŋ mbo!

Otum 13:5

Omba moa a gbu osku ba Esalami, moa a nyum oshpa ba Ahogbrẽ anwyeakulu moaEyahuda nzenze. Eyohana Amarku a ba pa la mo okyku o kpo o ghwo a mo.

2 MoaOkorinti 1:24

Ambo agi e zga gble okyku o lu eka ekplo ba agimi é ba e bmi ba adlidzi ta la lo angyiŋ e da gimi mbo, okyku eshi agimi e sheŋ e tspi osheshye ta la obmi ba adlidzi bgu. Ambo agi e la e kpo otum ka la gimi okyku o da gimi e dzu la ovye.

2 Etimoti 1:18

Ame e vẽ Adigi-odne, okyku o daŋ a ka ŋa ayiekŋe Onda mi lo! Aŋo a mbo o yi eka ekplo baŋ a kpo okyku me omba baŋ a wo Afisu.

Efilimo 1:13

Ame e mbi e klo baŋ a dzu ahe pa la me omba ba ame e wo aku okyku o nyum oshpa lo, okyku eshi aŋa á nyiŋ otum boŋ o la o kpo, á sko á kpo.

MoaIbrani 1:14

Moanwyeadga lo a wo eshi angyiŋ? Moa pyeŋ, moa a wo egbga la e la e hlu Ahogbrẽ eshko angyiŋ. Ahogbrẽ nga a la a hom mo otum okro moarehwĩ la á ba a hwiŋ oshla, okyku o da mo a kpo a ghwo la mo.

1 Ebitru 4:11

Areyaŋ a mbo la a nyum oshpa le, o raŋ o gre baŋ a nyum oshpa ba odlo Ahogbrẽ angyiŋ. Nga areyaŋ a mbo la a kpo otum ba Ahogbrẽ, o raŋ o gre baŋ a kpo lo ta la oshye ba Ahogbrẽ a shri a daŋ, okyku o da mo a hlu Ahogbrẽ eshko ekployaŋ a mbo ibu ba Eyesu Ekristi la a wo la esesla ta la ekʼpo gbagbu gbagbu-amo! Amin.

1 Ebitru 5:3

Agimi e kpo akplokyeŋ la aga okyku o ri ekʼpo eshri moarehwĩ ba moa a shri a da gimi okyku o da gimi e kpaŋ mo mbo. Ambo agimi e dzu eka ozhẽ angyiŋ egi ayi mo.

Otsotsa 17:6

Ame e ka e bmye ba ashe he lo a wa amanzhli ba moarehwĩ ba Ahogbrẽ ta la amanzhli ba moarehwĩ ba moa a bga mo okyku ba moa a kpaŋ odlo ba Eyesu. Amanzhli he lo a kpo ŋa ayi. Omba ba ame e ka ŋa, ame e ka egbregbre e gre eshri.