Amatiyu 20:24 - Ohwihwim Olehe

²⁴ Omba ba moanwyeotum ahwõ a gno eka he nga, esõ e tpi mo ayi pa la moanáŋ aha he lo.

Amatiyu 20:24 ပူးပေါင်းရင်းမြစ်များ

Amatiyu 20:23

Eyesu a tno mo ma a lu mi le, Adlidzi angyiŋ, edgu ewu ba ame é ba e kpo lo, agimi a mbo é kpo lo. Ambo ame e wo ekʼpo ma ba o sla are la á ba a dzu obgori me, o mbo le ogboehre me mbo. Ekro he lo e wo okyku moarehwĩ ba Adugu a kpo lo okyku mo angyiŋ.

Amatiyu 20:25

Okyku eka he Eyesu a bzi mo pyeŋ nga a nyuŋ mo a lu mi le, Moare la a ri ekʼpo, a wo la ekʼpo eshri moare la a wo abgo mo, moandakʼpo mo nga a la a ri ekʼpo eshri mo.

Amarku 10:14

Omba ba Eyesu a ka eka he nga a kpo olom pa la moanwyeotum baŋ nga a lu mi le, Agimi e da moanwye afifi a ba okro me, e kyku mo mbo, okyku eshi Oreŋ Ahogbrẽ o wo okyku moa la a wo eka moanwye he lo angyiŋ.

Amarku 10:41

Omba moanwyeotum okʼpo ohwõ a gno eka he a ghwo nga, esõ e tpi mo ayi eshri Eyakubu ta la Eyohana.

Oluka 13:14

Andakʼpo anwyeakulu a kpo olom ta la Eyesu okyku baŋ a shaŋ ashe he lo onda Asabat. Okyku eka he nga, alom lo a lu pa la moarehwi a lu mi le, Agi e wo la elum efĩ e ma okyku o kpo otum, okyku eka he agimi e ba omba he lo okyku o da mo a shaŋ gimi, ambo e ba onda Asabat angyiŋ mbo!

1 MoaOkorinti 13:4

Oklo o yi oheheŋ pa la okpoghwo. Oklo o yi efpu mbo, oklo o la o lu ega mbo, nga alo o la o nyom egʼba mbo.

MoaEfilibi 2:3

O raŋ o gre ba agimi e kpo ekplokyeŋ la e shri ogogʼba e ba angyiŋ mbo, o mbo le la oklo ekʼpoeshri mbo. Ambo e pre esõ obiŋ ta la egimi. Arekyeŋ a la a sko eshri baŋ a zga eka baŋ a yi a kpo a gre moahwõ mbo.

Eyakubu 3:14

Ambo o wo bimi e wo abi angyiŋ esõ bimi le, nga agimi e la e kpo efpu nga e klo eshri le, o raŋ o gre bimi e hre egʼba nga e sheŋ akpro eshri adlidzi he lo mbo.

1 Ebitru 5:5

Nga ozhẽ he lo, agimi ola anwye, o raŋ o gre ba agimi e fa olbi e da moare la a kʼpo gimi. Nga o raŋ o gre ba agimi pyeŋ e kpo ble-ble, nga agimi e kpo e ghwo la egimi. Odlo ba Ahogbrẽ o lu mi le, Ahogbrẽ a tla moare la a nyom egʼba, ambo aŋa a la a kpo a ghwo la moarehwĩ la a wo ble-ble.