Amatiyu 20:1 - Ohwihwim Olehe

¹ Oreŋ Ongyeŋ o wo eka ba areagbi la a zgi endigigiŋ a gre okyku o klo moare la á ba a kpo ŋa otum.

Amatiyu 20:1 ပူးပေါင်းရင်းမြစ်များ

Amatiyu 13:24

Eyesu a sa a ta egŋekyeŋ nganga, a lu mi le, Oreŋ Ongyeŋ o wo eka ba are la a yi a fu edgo edzi agbi baŋ.

Amatiyu 13:31

Eyesu a sa a ta egŋekyeŋ a da mo a lu mi le, Oreŋ Ongyeŋ o wo eka ba eyi amastad angyiŋ. E wo etsitsi e gre eyi ehwõ pyeŋ.

Amatiyu 13:33

Eyesu a ta egŋekyeŋ a lu mi le, Oreŋ Ongyeŋ o wo eka eyist angyiŋ. Ashekyeŋ a sko lo nga a kŋe lo a bga ta la angwongwo ekõ atra moa a kpo agbrotsa. Nga ekõ lo e kŋe e bga mvye nga e nyom nzenze.

Amatiyu 13:47

Oreŋ Ongyeŋ o sa o wo eka ekyeŋ ba moa a ngla lo a shri a ta ami atam, nga e vu edgu atsa andandandim.

Amatiyu 20:2

Areagbi a hwim ba o hre moare eka ekplo moa a la a hre. Egbre mo e wo eyiamgbaŋ angyiŋ olum. Aŋa a da moare a gre o yi o kpo ŋa otum agbi baŋ.

Amatiyu 21:28

Agimi e ka, alomakyeŋ a wo ma, a wo moanwye aha ma. A gre okro ba andakʼpo eshki mo nga a nyuŋ ŋa a lu mi le, Anwye me, o yi o kpo otum agbi anye.

Amatiyu 22:2

A lu mi le, Oreŋ Ongyeŋ, o wo eka ba areŋ a kpo abgo okyku ba anwye baŋ a kyu ashe.

Amatiyu 23:37

Aŋo Orushalima, Orushalima! Aŋo o bga moarehwĩ ba Ahogbrẽ a hom mo otum, nga o tra moanwyeadga ba Ahogbrẽ a hom mo otum okro bimi ézhim. Engyi ehrẽ ame e klo e ngla abgo me e kpaŋ moarehwĩ boŋ eka ba enu e la e ngla angʼbo e la e shki moanwye baŋ? Ambo agimi e tla!

Amatiyu 25:1

Onda mi lo, Oreŋ Ongyeŋ ó dzu eka moanwyeshe okʼpo la a bli émgbuovo mo la awargi, nga a kso a gre okyku o tsa anwyealom ozhẽ.

Amatiyu 25:14

Oreŋ Ongyeŋ o dzu eka ba arekyeŋ la a yi odzi nga baŋ a bzi moanwye-odne baŋ, nga a shri otum a da mo.

Amatiyu 3:2

Aŋa a nyum oshpa a lu mi le, Agimi e nyiŋ odzudzu bimi, okyku eshi Oreŋ ba Ongyeŋ o wo osusku a mo!

Amarku 13:34

O dzu eka ba arekyeŋ a shri otum a ghwo moanwye-odne baŋ abgo nga a gre odzi, nga baŋ a da are la a kʼpu ayizhẽ odne lo a kʼpu.

Eyohana 15:1

Eyesu a lu mi le, Ame angyiŋ e wo Esi Awandzi ba adlidzi nga Adugu a wo areagbi lo.

1 MoaOkorinti 15:58

Okyku eka he agimi anáŋ, e tspi osheshye kye, nga e kpo otum bimi ombamba pyeŋ okyku Adigi-odne. Agimi a mbo e sheŋ e yi ba otumyaŋ a mbo bimi e kpo ozhẽ ba Adigi-odne, ba alo o wo otum ba ototno mbo.

MoaIbrani 13:21

Aŋa nga la a wo Ahogbrẽ ba opyapyaŋ, o wo baŋ a bmi le, a shri ekployaŋ a mbo la e wo edzi ba agimi e wo la alo ma mbo a shri a da gimi, okyku o da gimi e kpo ayakplo baŋ a klo. Aŋa nga, okro ba Eyesu Ekristi, aŋa a kpo esõ bi ekplo la e raŋ ŋa esõ. Nga ekekʼpo e dzu e ba Ekristi gbagbu gbagbu-amo! Amin.