Amatiyu 2:13 - Ohwihwim Olehe

¹³ Ambla ba moazhẽ lo a zhiŋ ogbu a gre bgu, anwyeadga ba Adigi-odne a lu odlo ta la Oyusufu la onze a lu mi le, Aŋo o kso, nga o sko anwye lo ta la anaŋ, o knye o yi obiŋ ba Amasla, nga o dzu ma ma-me o tsa onda ba ame e doŋ o kso, okyku eshi Ehirudu a klo o bga anwye lo.

Amatiyu 2:13 ပူးပေါင်းရင်းမြစ်များ

Amatiyu 1:20

Omba baŋ a wo aga a la a tne eshri lo nga, anwyeadga ba Adigi-odne a ba okro baŋ onze, nga a nyuŋ ŋa a lu mi le, Oyusufu, aŋo ba ogu ba Adawuda, aŋo o fu eha ba o sko ashe boŋ Emeri mbo. Ogbgaodzi angyiŋ o shri onyi lo o daŋ.

Amatiyu 10:23

O wo ba moa a kpo gimi ewu oskukyeŋ le, agimi e knye e yi osku ohwõ. Ame e lu e da gimi, agimi é dzi anwye esku ba obiŋ Esrayila pyeŋ é khwo ayga, Anwye Arehwĩ á ba a ba mbo.

Amatiyu 2:12

La onze nga, Ahogbrẽ a shĩ mo ma moa a bla a yi okro Ehirudu nga mbo. Okyku eka he nga moa a sõ ozhẽ-okyeŋ angyiŋ a bla a gre odne a mo.

Amatiyu 2:14

Okyku eka he, okyukyku nga, Oyusufu a sko anwye lo ta la ashe lo, moa a knye a gre obiŋ ba Amasla.

Amatiyu 2:16

Omba ba Ehirudu a ka a bmye ba moazhẽ ba egi etne a bile ŋa, aŋa a kpo olom. Okyku eka he aŋa a jygu odaŋ ma moa a bga moanwyealom la a kpo eyi eha, pa la moa la a kpo eyi eha mbo moanwyealom la a wo Ebetalami, ta la akekaŋ ba Ebetalami. Aŋa a tsi omba ba moazhẽ lo a lu moa a ka eyi enzo lo e zgi a ka ayga a jygu odaŋ.

Amatiyu 2:22

Omba ba Oyusufu a gno ba Akelos angyiŋ a yga oreŋ adaŋ Ehirudu obiŋ ba Eyahuda nga, eyli e kpo ŋa, nga aŋa a klo o dzu ahe lo mbo. Moa a sa a lu a daŋ la onze ma aŋa a yi obiŋ ba Egalili. Okyku eka he aŋa a gre obiŋ ba Egalili,

Otum 10:22

Moa a tno ma a lu mi le, Andakʼpo Okoniliyu angyiŋ a hom gi otum. Aŋa a wo arehwĩ adzadzi angyiŋ. Aŋa a la a hlu Ahogbrẽ eshko, nga moaEyahuda a fa olbi a daŋ nzenze. Anwyeadga ba Ahogbrẽ a nyuŋ ŋa a lu mi ma aŋa a bzi ŋo okyku o doŋ o ba o yi odne baŋ, okyku o doŋ o lu ekplo la e wo ma o daŋ a gno.

Otum 10:7

Ambla ba anwyeadga ba Ahogbrẽ a zhiŋ ogbu a gre a khwo nga, Okoniliyu a bzi moanwye odne baŋ aha, ta la anwyeakyuŋ akyeŋ, la a kpo eyli Ahogbrẽ. A wo eshki moa la a kpo a ghwo a ŋa.

Otum 12:11

Ambla he nga, Ebitru a ka ekplo la e kpo ka la ŋa a bmye, nga a lu mi le, Ame e ka e bmye ohuhuhi ba alo o wo adlidzi angyiŋ! Ahogbrẽ a hom anwyeadga baŋ a daŋ a ba a shla me ekʼpo ba Ehirudu, ta la ayakplo moaEyahuda a zga eso okyku o kpo pa la me mvye.

Otum 12:7

Anwyeadga ba Ahogbrẽ a gnyu nga a ba a tspi okro lo, nga ayimom a tra enjygu aku lo. Anwyeadga ba Ahogbrẽ a kne Ebitru ehwre nga a daŋ a kso nga a nyuŋ ŋa a lu mi le, O kso shoshoŋ! Nga aslika lo a ngla a sku abgo baŋ.

Otum 16:36

Are la a kʼpu aku lo a nyuŋ Oblus a lu mi le, Moandakʼpo a hom otum a ba ma agi e kyu ŋo ta la Esila abgo e da gimi e yi gimi.

Otum 5:19

Okyukyku onda he lo, anwyeadga ba Ahogbrẽ a ba a hwile ayizhẽ aku lo, nga a da moa la a nyum oshpa a zgi nga a nyuŋ mo a lu mi le,

Otum 7:19

Ahe lo a bile moarehwi bi, nga a kpo moadigi ewu. A da mo a se moanwye mo a zgi odne mo omgbybi, okyku o da mo a kpu.

Otsotsa 12:14

Moa a shri angʼba aha ba anyuŋ asu a shri a da ashe lo okyku o daŋ o kso a yi okro ba odzuma baŋ la o wo akla. Ahe lo nga moa á kpaŋ ŋa okyku eyi etra la ogbu, okyku o da emabi e tka ŋa mbo.

Otsotsa 12:4

La eghre baŋ aŋa a gʼbu ogʼba okyeŋ eshki ba egʼba etra ba éyi enzo la e wo ongyeŋ, nga a da mo a ygi obiŋ. A tspi egi ayi ba ashe la a wo osusku ba ombrombre, okyku o daŋ a taŋ anwye ba ashe he lo, omba baŋ a mbre ŋa.

Otsotsa 12:6

Ashe lo a knye a gre akla. Ahe lo nga Ahogbrẽ a nyuŋ ekro a kpo okyku ŋa, okyku o da mo a kpaŋ ŋa okyku elum endgaotsko la elum ekʼpoefĩ.