Amatiyu 19:3 - Ohwihwim Olehe

³ MoaEfarisikyeŋ a ba okro baŋ nga, moa a klo o kpyi ŋa. Moa a la a zhĩ ŋa a lu mi le, Odaŋ bi o bmi ba are a bga eble, o wo ba ashe baŋ a kpo ekplokyeŋ ma?

Amatiyu 19:3 ပူးပေါင်းရင်းမြစ်များ

Amatiyu 16:1

MoaEfarisi, pa la moaEsaduki, moa a ba okro Eyesu. Moa a klo o kpyi ŋa. Okyku eka he nga moa a zhĩ ŋa okyku o daŋ a kpo ekplo egbregbre la é tsa baŋ a wo arehwĩ ba Ahogbrẽ a hom ŋa otum.

Amatiyu 22:35

Akyeŋ eshki mo, aŋa angyiŋ a wo are la a nye odaŋ, a klo okyku o kpyi ŋa la ozhiozhĩ.

Amarku 10:2

MoaEfarisikyeŋ a ba okro Eyesu okyku o kpyi ŋa. Moa a zhĩ ŋa a lu mi le, Eyesu, o lu o da gi, odaŋ o bmi ba are a kyu ashe baŋ abgo, o wo baŋ a klo ma?

Amarku 12:13

Moa a da moaEfarisi, pa la moa la a lu Ehirudu ma a gre okro Eyesu la ozhiozhĩ okyku o kpyi ŋa.

Amarku 12:15

Eyesu a ka a tspi moa a klo o kpyi ŋa nga a zhĩ mo a lu mi le, Agimi e klo e kpyi me okyku eshi? E shri eyiamgbaŋ e ba e da me e ka.

Eyohana 8:6

Moa a ba a lu ta la Eyesu eka he okyku o kpyi ŋa nga okyku o vu ŋa ombgu. Ambo Eyesu a kʼpu obiŋ a ta engla la evgo baŋ.

1 MoaOkorinti 7:10

Ame e wo la odaŋ ma okyku moa la a kyu eble. Odaŋ he lo nga o zgi okro me mbo, ambo o zgi okro ba Adigi-odne angyiŋ. Alo o lu mi le, O dzu omgbybi ba ashe la a kyu eble baŋ a dzu alom baŋ a zga mbo.

MoaIbrani 3:9

Ahogbrẽ a lu mi le, Akla he lo angyiŋ moadigimi a mbga me. Nga moa a sko ayakplo ba ame e kpo akla okyku eyi ekʼpoenyi a zga akplokyeŋ mbo.