Amatiyu 19:16 - Ohwihwim Olehe

¹⁶ Ondakyeŋ nga alomakyeŋ a ba okro Eyesu. A lu mi le, Andakʼpo, ekployaŋ e wo shasha ba ame é ba e kpo okyku o da me e hwiŋ esõ ba gbagbu-amo?

Amatiyu 19:16 ပူးပေါင်းရင်းမြစ်များ

Amatiyu 19:15

Ambla he nga, Eyesu a shri abgo baŋ a shki moanwye lo a khwo nga, a zhiŋ ogbu a gre eŋa.

Amatiyu 19:26

Eyesu a ka mo tki nga a tno mo ma a lu mi le, Ohi lo o kpo o gbu okro moarehwĩ mbo, ambo ekployaŋ a mbo e kpo e gbu okro Ahogbrẽ.

Amatiyu 19:29

Nga areyaŋ a mbo la a dzu adne a zga, pa la moanáŋ-alalom, o mbo le moanáŋ-alashle, o mbo le adaŋ, o mbo le anaŋ, o mbo le moanwye, o mbo le agbi a zga okyku me le, aŋa á hwiŋ ayakplo he lo eka engyi endgaekyeŋ omba la ó ba mi, nga aŋa á hwiŋ esõ ba gbagbu-amo.

Amatiyu 25:46

Moahi lo, moa á shri mo á gre ewu la e vu olo gbagbuamo. Moa la a bmi ba adlidzi, moa á hwiŋ esõ ba gbagbuamo.

Eyohana 10:28

Ame e la e shri eso ba gbagbu-amo e shri e da mo, moa á kpu nga mbo ku-ku. Arekyeŋ a kpo a gbu baŋ a ngʼga mo a sku me abgo mbo.

Eyohana 12:25

Areyaŋ a mbo la a klo eshri baŋ angyiŋ le, eshri baŋ é yla. Areyaŋ a mbo la a tla eshri baŋ obiŋ hi, á hwiŋ eso ba gbagbu-amo.

Eyohana 3:15

okyku o da areyaŋ a mbo la a bmi ba adlidzi ka la ŋa a hwiŋ eso ba gbagbu-amo.

Eyohana 4:14

Ambo areyaŋ ambo la a wa ami ba ame angyiŋ é shri é daŋ, oŋo ó kpo ŋa ku-ku nga mbo. Okyku eshi ami ba ame é shri é daŋ he lo á dzu eyi-ami angyiŋ eso baŋ, nga á dzu ami la a wo la eso ma, nga á shri eso ba gbagbu á shri á daŋ.

Eyohana 5:39

Agimi e klo aga Akpa ba Ahogbrẽ okyku eshi agimi e la e ka eka bimi é ba e hwiŋ eso ba gbagbu okyku lo. Akpa ba Ahogbrẽ lo a mbo a lu odlo eshri me!

Eyohana 6:47

Ame e lu adlidzi angyiŋ e da gimi, areyaŋ a mbo la a bmi ba adlidzi a wo la eso ba gbagbu-amo.

Eyohana 6:68

Esima Ebitru a tno ŋa ma a lu mi le, Adigi-odne, agi é yi okro ayi? Aŋo sha o wo odlo ba eso ba gbagbu-amo.

Otum 16:30

A ka eka he nga a se mo a sku aku lo, nga a zhĩ mo a lu mi le, Agimi andakʼpo, ame é kpo eshi okyku o da me e hwiŋ oshla?

MoaOroma 2:7

Moakyeŋ a la a kpo otum la o wo odzadzi, nga moa a nyuŋ eshri mo a la a zga nga a klo esesla, ta la ekʼpo ta la eso ba gbagbu-amo. Ahogbrẽ nga á shri eso ba gbagbu-amo á shri á da moahi lo.

MoaOroma 5:21

Eka ba odlobi o ri ekʼpo ozhẽ ba eku, ekakahelo angyiŋ, okpoghwo ba Ahogbrẽ o la o ri ekʼpo ozhẽ ba odlodzi. O la o shri eso ba gbagbu-amo o shri o da gi eshko Eyesu Ekristi Adigi-odne.

1 Etimoti 1:16

Ambo okyku ekplo he lo sha angyiŋ, Ahogbrẽ a ka me ayiekŋe, okyku o da moare a ka ota esõ akpyli ba Ekristi Eyesu okyku me la e wo la odlobi e gre moahwõ pyeŋ, okyku o da me e dzu egŋe egi ayi moarehwĩ pyeŋ la á ba a bmi ba adlidzi ka la ŋa, okyku o da mo a hwiŋ esõ ba gbagbu-amo.

1 Etimoti 6:12

O zga ayi ngre nga o knye oŋe ba obmi ba adlidzi, okyku o doŋ o hwiŋ egbre ba esõ ba gbagbu-amo. Okyku odzudzu he lo angyiŋ Ahogbrẽ a bzi ŋo, omba boŋ o zgi egŋe ba obmi ba adlidzi boŋ egi ayi moaegŋe ahwõ nzenze.

1 Etimoti 6:19

Ozhẽ he lo angyiŋ moa á ba a pla owlama á shki ma okyku asheŋayi-asheŋayi hi. Ohe lo angyiŋ ó ba o dzu esĩ la e wo oshye okyku omba mi lo. Ozhẽ he lo angyiŋ moa á ba a kpo á gbu moa á hwiŋ esõ ba adlidzi.

Etitu 1:2

Esĩ ba onyenye he lo angyiŋ e wo okayiozhẽ ba esõ ba gbagbu-amo. Omba ba moa a kpo obiŋ hi a wo mbo, Ahogbrẽ la a la a sheŋ akpro mbo, a hwim baŋ á ba a shri edgu esõ he lo á shri á da gi.

Etitu 3:7

ozhẽ ba okpoghwo baŋ angyiŋ, onyuŋokpo o gre o ba agʼbaha bi ta la Ahogbrẽ. Okyku eka he nga agi e hwiŋ esõ ba gbagbu-amo ba agi e la e ka ayi ozhẽ okyku lo.

1 Eyohana 1:2

Omba ba esõ he lo e tsa eŋa zhezheŋ, agi e ka lo. Okyku okũ he lo angyiŋ agi e la e lu odlo eshri lo, nga e lu odlo eshri ba esõ ba gbagbu-amo e da gimi. Esõ ba gbagbu-amo e wo okro ba Ada nga a da gi e ka lo e bmye.

1 Eyohana 2:25

Ekristi a mbo a hwim baŋ á shri esõ ba gbagbu-amo angyiŋ á ba a shri á da gi.

1 Eyohana 5:20

Agi e yi ba Anwye ba Ahogbrẽ a ba nga a shri okaobmye a da gi okyku o da gi e ka Ahogbrẽ ba adlidzi e bmye. Odzudzu bi pyeŋ o wo ta la Ahogbrẽ ba adlidzi okro ba Anwye baŋ Eyesu Ekristi. Aŋa angyiŋ a wo Ahogbrẽ ba adlidzi, nga esõ he lo angyiŋ e wo esõ ba gbagbu-amo.

Eyahuda 1:21

Nga e dzu la oklo ba Ahogbrẽ omba ba agimi e dzu e bli Adigi-odne Eyesu Ekristi, okyku eshi okyku okayiekŋe baŋ he lo angyiŋ aŋa á ba a shri esõ ba gbagbu-amo á shri á da gimi.