Amatiyu 18:14 - Ohwihwim Olehe

¹⁴ Ekakahelo angyiŋ, Adigi la a wo Ongyeŋ, a klo ba akyeŋ a mbo eshki moanwye afifi hi lo a blu mbo.

Amatiyu 18:14 ပူးပေါင်းရင်းမြစ်များ

Amatiyu 18:13

O wo baŋ a hwiŋ lo le, ame e lu e da gimi, aŋa á gno oraŋ nzenze ta la alo á gre ékylu ekʼpoetronyi la etronyi la e wo ka la ŋa.

Amatiyu 18:15

O wo ba anóŋ a kpo odlobi egi ayi boŋ le, o yi o tsa ŋa odlobi baŋ. Aŋo o kpo lo agʼbaha boŋ ka la ŋa sha. O wo baŋ a ngli atuŋ a gno ŋo le, aŋo o shri ŋa o bla o ba ozhẽ angyiŋ eka he lo.

Amatiyu 5:16

Ekakahelo, o raŋ o gre ba agimi e da ayimom bimi a tra egi ayi moarehwĩ, okyku o da mo a ka otum adlidzi bimi e la e kpo, nga okyku o da mo a hlu Adigi la a wo Ongyeŋ eshko.

Amatiyu 6:32

Edgu anzho he lo angyiŋ, moaevbu a la a bga emo okyku lo ombamba pyeŋ. Adigimi la a wo Ongyeŋ a yi bimi e wo anzho he lo ma mbo.

Amatiyu 6:9

Agimi e fa olu eka he, Adigi la a wo Ongyeŋ, O da gi e hlu eshko boŋ.

Oluka 12:32

Agimi anwye ékylu me, e kpo eyli mbo! Okyku eshi Adigimi a bmi okyku o shri Oreŋ o da gimi.

Eyohana 17:12

Omba ba ame e wo pa la mo, ame e kpaŋ mo la ekʼpo eshko boŋ. Eshko he lo, aŋo o shri o da me. Ame e kpaŋ mo nga akyeŋ a mbo eshki mo a tpi ayi mbo, o wo le are ba o baŋ o sheŋ o wo baŋ a tpi ayi dne, okyku o da Odlo Ahogbrẽ o bli.

Eyohana 21:15

Ambla ba moa a ri algo a khwo nga, Eyesu a nyuŋ Esima Ebitru a lu mi le, Esima, aŋo anwye Eyohana, aŋo o klo me o gre moahwõ? Ebitru a tno ma a lu mi le, E, Adigi-odne. Aŋo a mbo o yi ba ame e klo ŋo. Eyesu a nyuŋ ŋa a lu mi le, O kpaŋ anwye ékylu me.

2 Etimoti 2:10

Okyku moarehwĩ ba Ahogbrẽ a sla angyiŋ, ame e bmi nga e ghwo esõ gble, okyku o da mo a mbo a hwiŋ oshla ta la ekʼpo ba gbagbu-amo okro ba Ekristi Eyesu.

MoaIbrani 12:13

E zga gble e la e dzi ezhẽ la e wo tsoŋ, okyku o tpi odga la o wo oshye mbo ayi mbo, ambo okyku o shri oshye angyiŋ o shri o da lo.

2 Ebitru 3:9

Ahogbrẽ a la a ngingli angyiŋ ta la ekplo baŋ a sheŋ a hwim baŋ á ba a kpo mbo. Moakyeŋ a la a tne aga eka he. Ambo a la a kpo heheŋ ka la gimi okyku eshi a klo ba arekyeŋ a jygi mbo. Ambo a klo ba moare pyeŋ a zhiŋ ogbu á dzu odlobi ba moa a la a kpo á zga.