Amatiyu 18:10 - Ohwihwim Olehe

¹⁰ O raŋ o gre bimi e dzĩ akyeŋ eshki moanwye afifi hi lo mbo. Moanwyeadga ba Ahogbrẽ la a kʼpu mo moa a wo egi ayi Adugu la a wo Ongyeŋ ombamba pyeŋ. [

Amatiyu 18:10 ပူးပေါင်းရင်းမြစ်များ

Amatiyu 1:20

Omba baŋ a wo aga a la a tne eshri lo nga, anwyeadga ba Adigi-odne a ba okro baŋ onze, nga a nyuŋ ŋa a lu mi le, Oyusufu, aŋo ba ogu ba Adawuda, aŋo o fu eha ba o sko ashe boŋ Emeri mbo. Ogbgaodzi angyiŋ o shri onyi lo o daŋ.

Amatiyu 12:20

Aŋa á ndbi agogro a ta mbo. Nga aŋa á dzu agogro a zga mbo. Ambo aŋa á zga gble okyku o da mo a yi adlidzi.

Amatiyu 18:14

Ekakahelo angyiŋ, Adigi la a wo Ongyeŋ, a klo ba akyeŋ a mbo eshki moanwye afifi hi lo a blu mbo.

Amatiyu 18:6

Areyaŋ a mbo la a da akyeŋ eshki moanwye afifi la a bmi ba adlidzi pa la me a sheŋ evgo le, o wo odzi o gre ba moa a shri eghwo a dze ŋa oto, nga moa a shri ŋa a ndbi a ta anyuŋ-ondzu, nga a daŋ a dom a yi eshyẽ.

Amatiyu 2:13

Ambla ba moazhẽ lo a zhiŋ ogbu a gre bgu, anwyeadga ba Adigi-odne a lu odlo ta la Oyusufu la onze a lu mi le, Aŋo o kso, nga o sko anwye lo ta la anaŋ, o knye o yi obiŋ ba Amasla, nga o dzu ma ma-me o tsa onda ba ame e doŋ o kso, okyku eshi Ehirudu a klo o bga anwye lo.

Amatiyu 2:19

Ambla ba Ehirudu a kpu nga, anwyeadga ba Adigi-odne a ba okro Oyusufu la onze obiŋ ba Amasla, a lu mi le,

Amatiyu 24:31

Moa á hlu anyuŋ angzo, nga aŋa á da moanwyeadga a yi obiŋ hi pyeŋ, nga moa á pla moarehwĩ baŋ a sla obiŋ hi pyeŋ á shki.

Oluka 1:19

Anwyeadga ba Ahogbrẽ a tno ma a lu mi le, Ame angyiŋ e wo Egabilu. Ame e la e tspi egi ayi ba Ahogbrẽ ombamba pyeŋ. Aŋa angyiŋ a hom me otum okyku o da me e lu Oshpaodzadzi he lo e doŋ,

Oluka 10:16

Nga a nyuŋ moanwyeotum baŋ lo a lu mi le, Areyaŋ a mbo la a yga odlo bimi le, a yga odlo me angyiŋ, nga areyaŋ a mbo la a tla gimi le, a tla me angyiŋ, nga areyaŋ a mbo la a tla me angyiŋ, a tla are la a hom me otum.

Oluka 16:22

Eliyazaru a kpu nga moanwyeadga ba Ahogbrẽ a shri ŋa a gre okro Ebrahim, okro moa a la a kpo abgo ma Ongyeŋ. Ambo omba ba are angyiŋ a kpu moa a ngybi ŋa o khwo nga.

Otum 10:3

Olulum onda-kyeŋ, omba amgbaŋ atra, Okoniliyu a ka okoka. Ibu okoka he lo, aŋa a ka anwyeadga ba Ahogbrẽ a gre a ba odne baŋ nga a nyuŋ ŋa a lu mi le, Okoniliyu!

Otum 12:15

Moa a tno anwyeshe lo ma a lu mi le, Aŋo o dro angyiŋ! Ambo a bmi a da mo mbo. Moa a nyuŋ ŋa a lu mi le, Amu baŋ angyiŋ aŋo o ka.

Otum 12:23

Nga ebuebu, anwyeadga ba Ahogbrẽ a da Ehirudu a sheŋ obiŋ okyku baŋ a fa olbi a da Ahogbrẽ mbo. Nga akpadzidzi a ri ŋa nga a kpu.

Otum 27:23

Okyku eshi okyukyku ore, anwyeadga ba Ahogbrẽ ba ame e la e lu ŋa ma, nga e la e hlu ŋa eshko, a ba okro me.

Otum 5:19

Okyukyku onda he lo, anwyeadga ba Ahogbrẽ a ba a hwile ayizhẽ aku lo, nga a da moa la a nyum oshpa a zgi nga a nyuŋ mo a lu mi le,

MoaOroma 14:10

Okyku eshi aŋo o la o sõ anóŋ ombgu? Okyku eshi aŋo o la o dzĩ anóŋ? Agi pyeŋ é tspi egi ayi emgbakyiŋ ba ombgu ba Ahogbrẽ.

MoaOroma 14:21

Ekplo la e raŋ e gre, aŋo o taŋ ebyi mbo, nga o wa ami anab la a no mbo, nga o kpo ekplokyeŋ la é ba e da anóŋ a tse a gbu mbo.

MoaOroma 15:1

Agi ba obmi ba adlidzi bi o wo oshye, o raŋ o gre bi e kpo e ghwo la moa ba obmi ba adlidzi mo o wo oshye mbo. Agi e kpo e ghwo la egi sha mbo.

1 MoaOkorinti 11:22

Agimi e wo la adne bimi okyku o ri nga o wa mbo? O raŋ gimi eso ba o tpi Eklisiya ba Ahogbrẽ ayi nga o ta moa-kŋe anzi? Agimi e klo ba ame e lu e da gimi eshi eshri ohe lo? Agimi e klo ba ame e tsom gimi angyiŋ? Ame e ka é tsom gimi ohe lo ku-ku mbo!

1 MoaOkorinti 16:11

Arekyeŋ a dzĩ ŋa mbo, ambo o raŋ o gre bimi e kpo e ghwo la ŋa okyku o daŋ a dzi odzi baŋ pyapyaŋ, okyku o daŋ a bmre a ba okro me. Ame nga e la e ka ayi ozhẽ okyku oba-ba baŋ pa la moa-náŋ.

1 MoaOkorinti 9:22

Omba ba ame e wo pa la moa la obmi ba adlidzi mo o wo lgelge ame e la e dzu la obmi ba adlidzi la o wo lgelge eka mo, okyku o da me e zhiŋ mo. Okyku eka he ame e dzu ekployaŋ a mbo okyku areyaŋ a mbo, okyku o da me e shla moakyeŋ o wo ba alo o kpo o gbu.

2 MoaOkorinti 10:1

Ame Oblus, ame e shĩ gimi la aga ba eso me. Agimi e sko me e zga arehwĩ la a wo ble-ble omba ba ame e wo ka la gimi, nga ba ame e dzu ekplo ba eyli angyiŋ omba ba ame e wo ka la gimi mbo. Ame e vẽ gimi la eso ble-ble ta la okpoghwo ba Ekristi,

2 MoaOkorinti 10:10

O dzu mbo areabze a lu mi le, Akpekpa ba Oblus a ta a wo la a tpi moare eso ayi nga alo a sa a wo la odlo la oshye o gre eshri. Ambo omba baŋ tli angyiŋ a wo ka la gi le, aŋa a wo oshye akplokyeŋ mbo. Odlo baŋ nga o wo akplokyeŋ mbo ku-ku!

MoaEgalasiya 6:1

Agimi anáŋ, o wo ba moa a vu arekyeŋ baŋ a ta akpu le, agimi ba Ogbgaodzi o la o kpo otum ka la gimi, e tsa ŋa ozhẽ. Ambo agimi e kpo lo ozhẽ la o wo ble-ble. Nga e nyuŋ egimi a mbo e ka, okyku o da obile o vu gimi mbo.

1 MoaEtasolonika 4:8

Okyku eka he nga, areyaŋ a mbo la a tla onyenye he lo, a tla arehwĩ angyiŋ mbo, ambo a tla Ahogbrẽ angyiŋ la a la a shri Ogbgaodzi a da gimi.

1 Etimoti 4:12

O da arekyeŋ a dzĩ ŋo okyku boŋ o yi o wo ola anwye mbo. Ambo o dzu eka egŋe angyiŋ okyku moa la a bmi ba adlidzi. Aŋo o tsa mo ekployaŋ a mbo ibu odlo boŋ o lu ta la okyekye boŋ, ta la oklo boŋ, ta la obmi ba adlidzi boŋ, ta la adlidzi boŋ.

MoaIbrani 1:14

Moanwyeadga lo a wo eshi angyiŋ? Moa pyeŋ, moa a wo egbga la e la e hlu Ahogbrẽ eshko angyiŋ. Ahogbrẽ nga a la a hom mo otum okro moarehwĩ la á ba a hwiŋ oshla, okyku o da mo a kpo a ghwo la mo.

MoaIbrani 9:24

Okyku eshi Ekristi a gre Enjygu ba Esesla ba moarehwĩ angyiŋ a kpo lo mbo. Enjygu lo e zgi okro ba adlidzi e zgi sha angyiŋ. A gre Ongyeŋ lo angyiŋ. Ahe lo a la a tspi egi ayi ba Ahogbrẽ okyku gi ohuhuhi.

Otsotsa 8:2

Ambla he nga ame e ka moanwyeadga afoha ba moa a tspi egi ayi ba Ahogbrẽ. Moa a shri egbaru efoha a shri a da mo.