Amatiyu 17:27 - Ohwihwim Olehe

²⁷ Ambo agi e klo e tpi moare he esõ ayi mbo, okyku eka he, aŋo o sko okugya boŋ o yi o ta atsa atam. O se atsa ba oriori boŋ o vu. Aŋo ó hwiŋ amgbaŋ anyu atsa la á ba a tse ma okyku ewaŋ me ta la e boŋ. Aŋo o shri lo o hre.

Amatiyu 17:27 ပူးပေါင်းရင်းမြစ်များ

Amatiyu 17:26

Ebitru a tno ma a lu mi le, Moazhẽ angyiŋ. Eyesu a tno ma a lu mi le, O wo ba alo o wo eka he angyiŋ le, o wo eheŋ-ekyeŋ ba moanwye-obiŋ a hre mbo.

Amatiyu 18:6

Areyaŋ a mbo la a da akyeŋ eshki moanwye afifi la a bmi ba adlidzi pa la me a sheŋ evgo le, o wo odzi o gre ba moa a shri eghwo a dze ŋa oto, nga moa a shri ŋa a ndbi a ta anyuŋ-ondzu, nga a daŋ a dom a yi eshyẽ.

Amatiyu 18:8

O wo ba obgo boŋ, o mbo le odga boŋ o doŋ o tsu o gbu le, o kplu lo o shri o ta a bi! O raŋ o gre boŋ o hwiŋ esõ la obgo okyekyeŋ o mbo le odga okyekyeŋ, o sku boŋ o yi ovo ba gbagbu-amo la abgo aha, o mbo le la adga aha. Ovo he lo o wo ba gbagbu-amo.

Amatiyu 5:29

Okyku eka he, o wo ba eyi boŋ ba obgori e la e doŋ o kpo odlobi le, aŋo o gʼbu lo o shri o ta a bi! O wo odzi o gre boŋ o gbaŋ okro okyekyeŋ sha egʼba boŋ, o sku boŋ o yi enzheovo la ango egʼba boŋ pyeŋ.

Amatiyu 5:30

O wo ba obgori boŋ o la o doŋ o kpo odlobi le, aŋo o kplu lo o ta a bi! O wo odzi o gre boŋ o gbaŋ okro okyekyeŋ sha egʼba boŋ, o sku boŋ o yi enzheovo la ango egʼba boŋ pyeŋ.

Amarku 9:42

Eyesu a lu mi le, Areyaŋ a mbo la a da akyeŋ eshki moanwye afifi la a bmi ba adlidzi pa la me a tsu a gbu le, o raŋ o gre moa a dze ŋa eghwo oto nga a ndbi ŋa a ta anyuŋ-ondzu.

Amarku 9:43

O wo ba obgo boŋ o doŋ o tsu o gbu, o kplu lo o ta a bi. O raŋ o gre boŋ o hwiŋ esõ la obgo okyekyeŋ o sku boŋ o yi enzheovo la abgo ahaha. Ovo lo ó rum ku-ku mbo. [

Oluka 17:2

O raŋ o gre ba moa a dze edgu are he lo eghwo oto nga moa a shri ŋa a ndbi a ta anyuŋ-ondzu o sku baŋ a da akyeŋ eshki moanwye afifi he lo a tsu a gbu.

Eyohana 6:61

Arekyeŋ a mbo a ka a lu a da Eyesu mbo, ambo aŋa a ka a bmye ba moanwyeotum baŋ a nyi agla eshri onyenye baŋ a la a nye moare. Okyku eka he Eyesu a zhĩ mo a lu mi le, Onyenye he lo o shla gimi egʼba?

MoaOroma 14:21

Ekplo la e raŋ e gre, aŋo o taŋ ebyi mbo, nga o wa ami anab la a no mbo, nga o kpo ekplokyeŋ la é ba e da anóŋ a tse a gbu mbo.

1 MoaOkorinti 8:13

O wo ba algori á da anime a kpo odlobi angyiŋ le, ame é taŋ ebyi nga mbo ku-ku, okyku eshi ame e klo baŋ a kpo odlobi mbo.

1 MoaOkorinti 8:9

Agimi e nyuŋ e kpo-kpo, okyku ozhẽ bimi e wo la alo ma o tpi obmi ba adlidzi ba moare la o wo lgelge ayi nga okyku o da mo a kpo odlobi mbo.

2 MoaOkorinti 6:3

Agi e klo ba arekyeŋ a klo odlo ka la gi otum bi mbo. Okyku eka he, agi e la e klo odlo pa la moare mbo.

2 MoaOkorinti 8:9

Okyku eshi agimi e yi okayiekŋe ba Adigi-odne Eyesu Ekristi. Aŋa a wo la angyiŋ ma nzenze, ambo a zhiŋ a dzu a ba ekŋe okyku gimi, okyku o da gimi e gbu angyiŋ okro ekŋe baŋ he lo.

1 MoaEtasolonika 5:22

nga e ngʼba e sku ekployaŋ a mbo la e wo ebi.

Eyakubu 2:5

Agimi anáŋ, e ngli atuŋ e gno odlo me! Ahogbrẽ a sla moaekŋe ba obiŋ hi okyku o da mo a dzu la angyiŋ okro ba obmi ba adlidzi, nga okyku o da mo a hwiŋ oreŋ baŋ a hwim a zga ma okyku areyaŋ a mbo la a klo ŋa.