Amatiyu 17:12 - Ohwihwim Olehe

¹² Ambo ame e lu e da gimi, Eliya a sheŋ a ba bgu, ambo moarehwĩ a bmi ka la ŋa mbo, nga moa a kpo ŋa efye eka moa a klo. Moa á kpo Anwye Arehwĩ a mbo ekakahelo.

Amatiyu 17:12 ပူးပေါင်းရင်းမြစ်များ

Amatiyu 11:2

Omba he lo, moa a vu Eyohana la a kpo abaptisma a sheŋ a ta aku. Omba ba Eyohana a gno oshpa ba otum Eyesu a kpo nga, a hom moanwyeotumakyeŋ eshki ba moanwyeotum baŋ otum a da mo a gre okro Eyesu.

Amatiyu 16:21

A zga omba he lo nga, Eyesu a lu odlo pim pa la moanwyeotum baŋ a la a lu mi le, O dzu omgbybi ba ame é ba e yi Orushalima, nga ba ame é ba e kpo ewu abgo moandakʼpo, pa la moandakʼpo olu ba Ahogbrẽ, pa la moa la a nye odaŋ. Moa á bga me, ambo olum otra nga moa á kso me ongybi.

Amatiyu 17:11

Eyesu a tno ma a lu mi le, O wo eka he a mi. Eliya angyiŋ á ba a ba ori, okyku o daŋ a nyuŋ ekployaŋ a mbo a vu abgo.

Amatiyu 17:13

Ambla he nga moanwyeotum baŋ a ka a bmye baŋ a ta egŋe eshri Eyohana la a kpo abaptisma angyiŋ.

Amatiyu 17:22

Ambla moanwyeotum pyeŋ a ba Egalili, Eyesu a nyuŋ mo a lu mi le, Omba o ra nzenze ba moa á ba a shri Anwye Arehwĩ á shri á da moare mbo.

Amatiyu 17:9

Omba ba moa a gile a sku akũ lo a khwo nga, Eyesu a shĩ mo a lu mi le, Agimi e lu ekplokyeŋ eshri okoka ba agimi e ka hi, e da arekyeŋ mbo, o wo le moa a da Anwye Arehwĩ a kso ongybi ayga.

Amatiyu 21:32

Okyku eshi Eyohana la a kpo abaptisma a ba okro bimi, nga a tsa gimi ozhẽ la o raŋ o gre, ambo agimi e bmi ba adlidzi ka la ŋa mbo. Ambo moa la a yga ewaŋ, pa la moashe la a ri eshra, moa a bmi ba adlidzi ka la ŋa. Omba bimi e ka eka he a mbo, agimi e ka e nyiŋ aga bimi ambla nga e bmi ba adlidzi ka la ŋa mbo.

Amatiyu 8:20

Eyesu a tno ŋa ma a lu mi le, Emgbeshka e wo la anzhe ma, nga awunu a mbo a wo la eygu ma, ambo Anwye Arehwĩ a wo la okro ba o dzu ma o dum mbo.

Oluka 7:33

Eyohana la a kpo abaptisma a ba, a la a nyom eshri baŋ algo nga a wa ami anab mbo. Ambo agimi e sko ŋa e zga adro!

Eyohana 1:11

A ba obiŋ baŋ, ambo moarehwi ba obiŋ baŋ moa a yga ŋa mbo.

Otum 2:23

Ahogbrẽ a yi, ambo a sheŋ a hwim eso baŋ, baŋ á shri Eyesu á da gimi, ambo agimi e shri ŋa e da moarehwi ba odlobi a gŋe ŋa egŋe aki.

Otum 4:10

agimi mvye é yi, nga moarehwi ba Esrayila a mbo mvye á yi okyku ba alom la a tspi egi ayi bimi hi, a shaŋ ekʼpo ba Eyesu Ekristi ba Anazarata angyiŋ. Aŋa angyiŋ agimi e gŋe ŋa egŋe aki, nga Ahogbrẽ a daŋ a kso ongybi.

Otum 7:52

Eshki moarehwi ba Ahogbrẽ a hom mo otum, moadigimi a kpo mo mvye ewu. Moa a dzu akyeŋ a zga mbo. Moa a bga moa la a ba ogbyigbyi okyku o su eka ba Areadlidzi á ba. Nga ohuhuhi agimi e njygu ŋa nga e bga ŋa.