Amatiyu 16:8 - Ohwihwim Olehe

⁸ Eyesu a yi ekplo moa a lu, okyku eka he a zhĩ mo a lu mi le, Okyku eshi agimi e lu odlo eshri agbrotsa, eshri odlo ba ame e lu hi ta la egimi? Obmi ba adlidzi bimi o wo fi sha eka he angyiŋ?

Amatiyu 16:8 ပူးပေါင်းရင်းမြစ်များ

Amatiyu 14:31

Eyesu a ndba obgo a vu ŋa oshoshoŋ, a nyuŋ ŋa a lu mi le, Obmi ba adlidzi boŋ o wo fi sha eka he angyiŋ! Okyku eshi aŋo o fu esõ eha?

Amatiyu 16:7

Moa a gno eka he a khwo nga moa a lu ta la emo a lu mi le, Aŋa a la a lu eka he okyku bi e shri agbrotsa mbo angyiŋ.

Amatiyu 6:30

Ahogbrẽ angyiŋ a wo la a kpaŋ asoso ba akla. Asoso lo a ta abyi fi a khwo nga, moa á kpo nga, moa á kpoŋ lo ovo ashle. Okyku eka he aŋa á kpaŋ gimi adzadzi á gre eka he mbo? Obmi ba adlidzi bimi o gaŋ mbo!

Amatiyu 8:26

Eyesu a tno mo ma a lu mi le, Okyku eshi agimi e la e kpo eyli eka he? Obmi ba adlidzi bimi o wo otsitsi anyu eka he! A lu eka he a khwo nga a kso a shrom ogbga ta la ondzami a da mo a dum. Nga okro o dum.

Amarku 16:14

Okpyemgbyeŋ nga, Eyesu a ba okro moanwyeotum okʼpoakyeŋ omba moa a ri algo. A shrom mo nzenze okyku eshi omba moare a ka ŋa nga moa a lu a da mo baŋ a kso ongybi, moa a bmi ba adlidzi mbo okyku moa a shpi esõ mo.

Eyohana 16:30

Agi e yi ohuhuhi boŋ o yi ekployaŋ a mbo, aŋo o klo ba arekyeŋ a zhĩ ŋo ekplokyeŋ eshri ba odlo lo mbo. Ohe lo o tsa gi o da gi e bmi ba adlidzi boŋ o zgi okro Ahogbrẽ angyiŋ o ba.

MoaIbrani 4:13

Ekplokyeŋ ba moa a ghre lo okro ba Ahogbrẽ e wo ma mbo. Ekployaŋ a mbo ba moa a kpo, e wo zheŋ nga e lom egi ayi baŋ. Nga agi é shri etsko ba odzudzu bi pyeŋ é shri é daŋ angyiŋ.

Otsotsa 2:23

Ame é sa é bga moanwye baŋ. Nga moaEklisiya pyeŋ moa á yi ba ame angyiŋ e wo are la a yi aga esõ moarehwĩ ta la ayakplo ba moa a la a klo. Areyaŋ a mbo á hwiŋ egbre okro me eka ekplo baŋ a kpo.