Amatiyu 16:27 - Ohwihwim Olehe

²⁷ Omba o wo osusku a mo ba Anwye Arehwĩ á ba a ba la ayimom ba esesla ba Adaŋ, ta la moanwyeadga ba Adaŋ. Omba he lo angyiŋ, á ba a shri egbre areyaŋ a mbo á ba a shri á daŋ eka otum ba are a kpo obiŋ hi.

Amatiyu 16:27 ပူးပေါင်းရင်းမြစ်များ

Amatiyu 13:41

Anwye Arehwĩ á kpo nga á hom moanwyeadga baŋ otum á da mo a sla moa la a da moare a kpo odlobi, pa la pyeŋ moa la a kpo odlobi la a wo Oreŋ baŋ.

Amatiyu 13:49

Moa á kpo eka he angyiŋ onda ba obiŋ hi ó ba o khwo. Moanwyeadga ba Ahogbrẽ, moa á gʼba moareabi, pa la moareadzi eka he lo angyiŋ.

Amatiyu 24:30

Nga moa á ka otsotsa ba oba-ba ba Anwye Arehwĩ ongyeŋ. Omba he lo nga, egu andandandim mvye ba obiŋ hi, moa á wu okũ, nga moa á ka Anwye Arehwĩ etabro ba ongyeŋ baŋ a gile a ba la ekʼpo, ta la esesla egagre.

Amatiyu 25:31

Omba ba Anwye Arehwĩ á ba a ba eka Anyuŋ-areŋ, pa la moanwyeadga ba Ahogbrẽ, á dzu emgbakyiŋ ba oreŋ baŋ.

Amatiyu 26:64

Eyesu a tno ŋa ma a lu mi le, Aŋo o lu shasha. Ambo ame e lu e da gimi, omba ó yi o ba ba agimi é ba e ka Anwye Arehwĩ á dzu obgori ba Ahogbrẽ la a wo ekʼpo pyeŋ, nga aŋa á gile etabro ba ongyeŋ á sa á ba!

Amatiyu 8:20

Eyesu a tno ŋa ma a lu mi le, Emgbeshka e wo la anzhe ma, nga awunu a mbo a wo la eygu ma, ambo Anwye Arehwĩ a wo la okro ba o dzu ma o dum mbo.

Amarku 14:62

Eyesu a tno ma a lu mi le, Ame angyiŋ e wo Anwye Esesla ba Ahogbrẽ. Agimi pyeŋ é ka Anwye Arehwĩ á dzu obgori ba Ahogbrẽ, nga á gile etabro ba ongyeŋ á sa á ba.

Amarku 8:38

O wo ba arekyeŋ a kpo anzi okyku me ta la odlo me omba ba odlobi nzenze he lo le, Anwye Arehwĩ á kpo anzi okyku are he lo, onda baŋ á ba a ba la ayimom ba esesla ba Adaŋ, pa la moanwyeadga ba Ahogbrẽ.

Oluka 21:27

Omba he lo angyiŋ, Anwye Arehwĩ á ba a gnyu. Á ba la etabro, la ekʼpo egagre, pa la ayimom ba esesla.

Oluka 22:69

Ambo a zga omba he lo nga, Anwye Arehwĩ á dzu obgori ba Ahogbrẽ ba ekʼpo pyeŋ.

Oluka 9:26

O wo ba are a tla odlo me, ta la onyenye me le, omba ba Anwye Arehwĩ á ba a ba la ayimom ba esesla baŋ, ta la ba adaŋ, ta la moanwyeadga ba Ahogbrẽ le, omba he lo a mbo, Anwye Arehwĩ á tla are he lo.

Eyohana 21:22

Eyesu a tno ŋa ma a lu mi le, O wo ba ame e klo baŋ a dzu ma ma-me o tsa onda ba ame é ba le, aŋo o wo eshi eshri lo? Aŋo o lu me ma.

Eyohana 21:23

Okyku eka he oshpa lo o ngla eshki moare la a lu Eyesu ma ba anwyeotum he lo á ba a kpu mbo. Ambo Eyesu a lu eka he angyiŋ mbo, a lu mi le, O wo ba ame e klo baŋ a dzu ma ma-me o tsa onda ba ame é ba le, aŋo o wo eshi eshri lo?

Otum 1:11

Moa a zhĩ a lu mi le, Agimi arehwĩ ba Egalili, okyku eshi agimi e tspi ahe e la e ka ahrẽ? Eka bimi eka ba moa a sko Eyesu a gre Ongyeŋ, ekakahelo, aŋa á ba a sa á zgi Ongyeŋ lo a ba.

MoaOroma 14:12

Areyaŋ a mbo eshki bi, á lu ekployaŋ a mbo baŋ a kpo ababgo baŋ á ba a da Ahogbrẽ.

MoaOroma 2:6

Okyku eshi Ahogbrẽ á shri egbre á da areyaŋ a mbo eka ekplo baŋ a kpo angyiŋ.

1 MoaOkorinti 15:23

Moa a nyunyiŋ angyiŋ. Alo o sheŋ o kpo la Ekristi bgu, ó kpo pa la moa la a wo a ba Ekristi omba baŋ á ba a ba.

1 MoaOkorinti 3:13

Moa á ka edgu otum ba areyaŋ a mbo onda ba Ekristi a tsa lo. Onda mi lo angyiŋ ovo ó ba o tsa otum ba areyaŋ a mbo. Moa á dzo lo ovo, okyku o da mo a ka edgu otum mo.

1 MoaOkorinti 8:8

Algori á shri gi á ba osusku ta la Ahogbrẽ mbo. O wo ba agi e ri algo mbo a mbo, ekplokyeŋ é kpo gi ewu mbo, nga agi e ri a mbo agi e ka e hwiŋ ekplokyeŋ mbo.

2 MoaOkorinti 5:10

Okyku eshi, o dzu omgbybi ba agi pyeŋ é tspi egi ayi ba emgbakyiŋ ombgu ba Ekristi, okyku o da areyaŋ a mbo a hwiŋ egbre baŋ eka ekplo baŋ a kpo, odzi o mbo le obi, omba baŋ a wo ma obiŋ hi.

MoAfisu 6:8

Agimi e tne aga e ka, okyku eshi Adigi-odne á shri egbre á shri á da areyaŋ a mbo. A shri á da awaghrẽ ta la are la a wo awaghrẽ mbo a mbo, okyku otum odzadzi baŋ a la a kpo.

MoaOkolosi 3:25

Nga are la a ta akpu, o wo baŋ a wo ayi a mbo, aŋa á hwiŋ egbre baŋ okyku ayakplobi baŋ a la a kpo, okyku eshi Ahogbrẽ a la a kpo pa la moare pyeŋ ozhẽ okyekyeŋ angyiŋ.

1 MoaEtasolonika 1:10

nga okyku o dzu o bli oba-ba ba Anwye baŋ á zgi Ongyeŋ á ba. Anwye baŋ lo angyiŋ a wo Eyesu baŋ a kso ŋa a sku eku. Eyesu angyiŋ aŋa á shla gi abgo olom ba Ahogbrẽ la ó ba o ba.

1 MoaEtasolonika 4:16

Moarehwĩ á gno enzi ba obzi. Moa á gno enzi anyuŋ anwyeadga ba Ahogbrẽ, ta la enzi ba angzo ba Ahogbrẽ. Nga Adigi-odne ababgo baŋ á gile á zgi Ongyeŋ á ba! Ambo moa la a kpu la obmi ba adlidzi la eshko Ekristi, moa á kso mo angyiŋ ori.

Eyakubu 5:7

Agimi anáŋ, e kpo oheheŋ o tsa ba Adigi-odne a ba. E ka eka ba are la a lbi agbi a la a kpo oheheŋ omba baŋ a la a dzu a bli agbi baŋ okyku o da lo a kpo algo adzadzi. Aŋa a la a dzu heheŋ a bli ogbu ba ori ta la ogbu ba amom-abgo.

1 Ebitru 1:17

Omba ba agimi e fa olu e vẽ Ahogbrẽ la a la a sõ moare ombgu ozhẽ okyekyeŋ, eka ekployaŋ a mbo ba areyaŋ a mbo a kpo, agimi e la e bzi ŋa ma Ada. Okyku eka he, agimi e kpo otum ta la omba bimi la o ra obiŋ hi ayi okyku o hlu ŋa eshko,

1 Eyohana 2:28

Alo o wo odzi ba agimi anwye me e dzu esõ ba Ekristi okyku o da gi e wo la oshye-esõ omba baŋ á ba a ba, nga okyku o da gi e dzu la anzi Olum onda baŋ á ba a ba mbo.

Eyahuda 1:14

Enoko a wo arehwĩ ba embre ba efoha ba Adamu. Aŋa a sheŋ a lu odlo eshri mo a sheŋ a gre ayayga. A lu mi le, Agimi e ka! Adigi-odne á ba la moanwyeadga baŋ ba esesla, moa á wo ezbi nzenze,

Otsotsa 1:7

Agimi e ka, aŋa á ba ta la etabro! Areyaŋ a mbo, pa la moa la a bzu ŋa egʼba baŋ, á ka ŋa. Nga areyaŋ a mbo obiŋ hi á wu okũ okyku ŋa. Alo o wo adlidzi eka he lo angyiŋ! Amin.

Otsotsa 2:23

Ame é sa é bga moanwye baŋ. Nga moaEklisiya pyeŋ moa á yi ba ame angyiŋ e wo are la a yi aga esõ moarehwĩ ta la ayakplo ba moa a la a klo. Areyaŋ a mbo á hwiŋ egbre okro me eka ekplo baŋ a kpo.

Otsotsa 20:12

Nga ame e ka moa la a sheŋ a kpu, moa la a gbu eshko, pa la moa la a wo emakyeŋ ma mbo. Moa pyeŋ a tspi egi ayi ba emgbakyiŋ oreŋ lo. Moa a hwile akpekpa. Ambla he nga moa a sa a hwile akpakyeŋ, akpa he lo angyiŋ a wo akpa ba moa la a wo la esõ ma. Nga moa á sõ moa la a kpu ombgu eka ba ekplo ba moa a kpo, eka ba moa a ta lo akpekpa lo.