Amatiyu 16:21 - Ohwihwim Olehe

²¹ A zga omba he lo nga, Eyesu a lu odlo pim pa la moanwyeotum baŋ a la a lu mi le, O dzu omgbybi ba ame é ba e yi Orushalima, nga ba ame é ba e kpo ewu abgo moandakʼpo, pa la moandakʼpo olu ba Ahogbrẽ, pa la moa la a nye odaŋ. Moa á bga me, ambo olum otra nga moa á kso me ongybi.

Amatiyu 16:21 ပူးပေါင်းရင်းမြစ်များ

Amatiyu 12:40

Eka ba Oyunana a kpo elum etra, ta la ekyukyku etra akpyki anyuŋ atsa, ekakahelo Anwye Arehwĩ á kpo elum etra ta la ekyukyku etra obiŋ hi eshyẽ.

Amatiyu 16:22

Ambla he nga Ebitru a shri Eyesu a gre agba-kyeŋ nga a shrom ŋa a lu mi le, Ahogbrẽ a nyom ekplo hi lo, aŋo Adigi-odne! Ohi lo ó kpo ka la ŋo mbo ku-ku!

Amatiyu 16:28

Agimi e tne aga e ka! Moakyeŋ eshki hi, moa á kpu mbo, o wo le moa á ka obaba ba Anwye Arehwĩ á ba a ba eka Areŋ ayga.

Amatiyu 17:12

Ambo ame e lu e da gimi, Eliya a sheŋ a ba bgu, ambo moarehwĩ a bmi ka la ŋa mbo, nga moa a kpo ŋa efye eka moa a klo. Moa á kpo Anwye Arehwĩ a mbo ekakahelo.

Amatiyu 17:9

Omba ba moa a gile a sku akũ lo a khwo nga, Eyesu a shĩ mo a lu mi le, Agimi e lu ekplokyeŋ eshri okoka ba agimi e ka hi, e da arekyeŋ mbo, o wo le moa a da Anwye Arehwĩ a kso ongybi ayga.

Amatiyu 20:28

Anwye Arehwĩ a ba okyku o da mo a hlu ŋa eshko angyiŋ mbo, ambo okyku o kpo ewu okyku moahwõ, nga okyku o shri esõ baŋ o shri o di okyku o shla moare nzenze.

Amatiyu 26:2

Ambla ba elum eha, eka bimi e yi, moa á kpo abgo ba Apaska, nga moa á shri Anwye Arehwĩ á da mo a gŋe ŋa egŋe aki.

Amatiyu 26:47

Omba ba Eyesu a la a kpla egba, Eyahuda, akyeŋ eshki moanwyeotum otsko a gbu. Moare nzenze la a shri akõ, ta la emgbu api, moa a ba ta la Eyahuda. Moandakʼpo olu ba Ahogbrẽ pa la moandakʼpo moaEyahuda angyiŋ a hom mo otum okyku o da mo a vu Eyesu.

Amatiyu 27:12

A lu akplo-kyeŋ ku-ku eshri odlo moandakʼpo olu ba Ahogbrẽ, ta la odlo moandakʼpo a lu eshri baŋ mbo.

Amatiyu 27:63

nga moa a lu a daŋ a lu mi le, Andakʼpo, agi e sheŋ e yi ba asheŋakpro mi a lu omba baŋ a yi a wo ma, ma aŋa á kso olum ba otra ambla baŋ a kpu.

Amatiyu 28:6

A wo ahe nga mbo, aŋa a kso ongybi eka baŋ a lu. E ba ahe, e ka okro ba moa a shri ŋa a lom ma.

Amarku 8:31

Eyesu a nye moanwyeotum baŋ a lu mi le, Ame Anwye Arehwĩ, o dzu omgbybi ba ame é kpo ewu abgo moandakʼpo, pa la moandakʼpo olu ba Ahogbrẽ, pa la moa la a nye odaŋ. Moa á bga me nga, ambla elum etra nga Ahogbrẽ á kso me ongybi.

Amarku 9:12

Eyesu a tno mo ma a lu mi le, Eka he lo angyiŋ, Eliya á ba a ba ori, okyku o daŋ a nyuŋ ekployaŋ a mbo a kpo okyku oba-ba me Anwye Arehwĩ. Ambo moa a lu Akpa ba Ahogbrẽ ma moa á kpo Anwye Arehwĩ ewu nga, á tla ŋa mbo?

Oluka 17:25

Ambo o dzu omgbybi baŋ á ba a kpo ewu nzenze ori, nga moarehwi ba omba he lo á tla ŋa.

Oluka 24:46

A nyuŋ mo a lu mi le, Moa a ta akpa a lu mi le, O dzu omgbybi angyiŋ ba Emisiya á ba a kpo ewu nga ba moa á kso ŋa ongybi olum ba otra.

Oluka 9:31

Moa a ba la ayimom esesla ba Ahogbrẽ la a wo Ongyeŋ. Moa a lu odlo ta la Eyesu eka baŋ á ba a yi á kpu Orushalima, okyku o bli ekplo ba Ahogbrẽ a sheŋ a hwim a zga.