Amatiyu 16:17 - Ohwihwim Olehe

¹⁷ Eyesu a nyuŋ Ebitru a lu mi le, Aŋo Esima, anwye Eyohana, oraŋ o wo ma okyku ŋo nzenze. O ka, arehwĩ angyiŋ a tsa ŋo adlidzi hi lo mbo, ambo Adugu la a wo Ongyeŋ angyiŋ a tsa ŋo alo.

Amatiyu 16:17 ပူးပေါင်းရင်းမြစ်များ

Oluka 22:32

Ambo ame e sheŋ e fa olu okyku ŋo Esima, okyku o da obmi ba adlidzi boŋ o sheŋ o nye ozhẽ mbo. Ambla boŋ o bla o ba okro me le, aŋo o shĩ moanóŋ.

Eyohana 1:42

Nga Andru a shri Esima a ba okro Eyesu. Eyesu a ka Esima nga a nyuŋ ŋa a lu mi le, Aŋo angyiŋ o wo Esima anwye Eyohana. Eshko boŋ é ri Ekefa. Eshko he lo e wo okyekyeŋ angyiŋ ta la eshko Ebitru. E dzu Ezhim.

Eyohana 6:45

Moarehwi ba Ahogbrẽ a hom otum, moa a ta engla akpa a lu mi le, Moare mvye, Ahogbrẽ á nye mo. Areyaŋ a mbo la a gno odlo ba Ahogbrẽ nga a la a kpaŋ lo le, a ba okro me.

1 MoaOkorinti 15:50

Agimi anáŋ, alo o wo eka he angyiŋ. Ekplo la e wo ozhẽ ba egʼba ta la amanzhli le, e kpo e gbu ba alo e gre Oreŋ ba Ahogbrẽ mbo, nga ekplo la e wo la egʼba la é ba e kpu, e kpo e gbu ba alo e zhiŋ e dzu la egʼba ba gbagbu-amo mbo.

MoaEgalasiya 1:16

Omba baŋ a zga eso nga, a ra Anwye baŋ a tspa a da me e ka okyku o da me e nyum Oshpaodzadzi baŋ e ygi moa la a wo moaEyahuda mbo, ame e gre okro ba arekyeŋ okyku ebra akplokyeŋ mbo.

MoAfisu 2:8

Okyku eshi agimi é gro okyku okpoghwo ba Ahogbrẽ angyiŋ okro ba obmi ba adlidzi. O wo okpo-kpo bimi angyiŋ mbo, ambo ototno ba Ahogbrẽ angyiŋ.

MoAfisu 3:5

Ayga moa a hwile eshyẽ he lo a da moare a ka mbo. Ambo, ohuhuhi Ahogbrẽ a hwile moa la a nyum oshpa ta la moarehwĩ ba Ahogbrẽ a hom mo otum eshyẽ he lo ozhẽ ba Ogbgaodzi.

MoAfisu 6:12

Okyku eshi agi e la e ta eko pa la moarehwĩ angyiŋ mbo, ambo agi e la e ta eko ta la ekʼpo ba egbga ebi la e wo ahrẽ angyiŋ. Moa a wo moa la a ri ekʼpo, ta la ekʼpo nzenze la e wo ahrẽ, ta la egbga ebi la e la e ri ekʼpo obiŋ hi la o hwĩ evbu he lo.

MoaIbrani 2:14

Eka ba alo o wo moarehwĩ baŋ a bzi mo ma moanwye baŋ, moa a wo moarehwĩ ba ebyi ta la amanzhli angyiŋ. Eyesu a mbo a zhiŋ a dzu eka mo, nga a pu pa la mo edgu odzudzu ba arehwĩ. A kpo eka he lo okyku o daŋ a bga Eshitaŋ okro ba eku baŋ a kpu. Eshitaŋ he lo e wo ekʼpo ba eku ma.

1 Ebitru 5:1

Ame e shĩ moandakʼpo ba Eklisiya la a wo eshki bimi. Ame ababgo me a mbo, e wo andakʼpo ba Eklisiya angyiŋ. Ame e wo egŋe eshri ewu ba Ekristi a kpo. Nga ame e wo la ogʼba eshki ba esesla ba moa á ba a tsa. Ame e la e vẽ gimi,

1 Eyohana 4:15

Areyaŋ a mbo la a zgi egŋe a lu mi ma Eyesu a wo Anwye ba Ahogbrẽ le, Ahogbrẽ a wo esõ ba edgu are he lo, nga aŋa a mbo a wo esõ ba Ahogbrẽ.

1 Eyohana 5:20

Agi e yi ba Anwye ba Ahogbrẽ a ba nga a shri okaobmye a da gi okyku o da gi e ka Ahogbrẽ ba adlidzi e bmye. Odzudzu bi pyeŋ o wo ta la Ahogbrẽ ba adlidzi okro ba Anwye baŋ Eyesu Ekristi. Aŋa angyiŋ a wo Ahogbrẽ ba adlidzi, nga esõ he lo angyiŋ e wo esõ ba gbagbu-amo.