Amatiyu 16:16 - Ohwihwim Olehe

¹⁶ Esima Ebitru a tno ŋa ma a lu mi le, Aŋo angyiŋ o wo Emisiya Anwye ba Ahogbrẽ la a wo la esõ ma.

Amatiyu 16:16 ပူးပေါင်းရင်းမြစ်များ

Amatiyu 1:16

Eyakubu angyiŋ a wo adaŋ Oyusufu. Aŋa angyiŋ a wo alom Emeri la a wo anaŋ Eyesu ba moa a bzi ŋa ma Emisiya.

Amatiyu 14:33

Moanwyeotum a dzu amgblami a hlu Eyesu eshko a lu mi le, Adlidzi angyiŋ, aŋo angyiŋ o wo Anwye Ahogbrẽ!

Amatiyu 16:15

Eyesu a zhĩ mo a lu mi le, Agimi e la e bzi me ma ayi?

Amatiyu 26:63

Eyesu a dzu ŋa tki, nga anyuŋ andakʼpo olu ba Ahogbrẽ a nyuŋ ŋa a lu mi le, Ame e vẽ ŋo eshko Ahogbrẽ la a wo esõ ma, o wo boŋ o wo Emisiya Anwye Ahogbrẽ angyiŋ le, o lu o da gi.

Amatiyu 27:54

Omba ba andakʼpo ba moanwyeakyuŋ, pa la moanwyea-kyuŋ la a kʼpu Eyesu ka la ŋa, moa a ka ba obiŋ o zhga ara, ta la ayakplo egbregbre la a kpo nga, moa a kpo eyli nzenze. Nga moa a lu mi le, Adlidzi angyiŋ baŋ a wo Anwye Ahogbrẽ.

Amatiyu 4:3

Areabi a ba okro ba Eyesu nga a nyuŋ ŋa a lu mi le, O wo boŋ o wo Anwye Ahogbrẽ angyiŋ bgu le, o zhiŋ ézhim hi o da lo e dzu agbrotsa.

Amarku 14:61

Eyesu a dzu eŋa tki, a lu akplokyeŋ mbo. Anyuŋ-andakʼpo olu ba Ahogbrẽ a sa a zhĩ ŋa a lu mi le, Aŋo angyiŋ o wo Emisiya Anwye ba Ahogbrẽ?

Oluka 2:11

Okyukyku hi, osku ba Adawuda, moa a mbre gimi Areoshla, Ekristi, Adigi-odne.

Eyohana 1:49

Enataniyelu a nyuŋ Eyesu a lu mi le, Andakʼpo, aŋo o wo Anwye Ahogbrẽ angyiŋ! Aŋo o wo Anyuŋ-areŋ ba Esrayila!

Eyohana 11:27

A tno ma a lu mi le, Adigi-odne, ame e bmi! Ame e bmi boŋ angyiŋ o wo Emisiya, Anwye Ahogbrẽ, la a wo ma okyku o ba obiŋ hi.

Eyohana 20:31

Moa a ta ayakplo hi okyku o da gimi e ka e bmye ba Eyesu angyiŋ a wo Emisiya, Anwye Ahogbrẽ, nga okyku o da gimi e hwiŋ eso eshko baŋ okro obmi ba adlidzi.

Eyohana 6:57

Ada la a wo eso ma angyiŋ a hom me otum, nga ame e wo la eso ma okyku ŋa. Ekakahelo, areyaŋ a mbo la a taŋ ebyi egʼba me, á hwiŋ eso okyku me.

Eyohana 6:68

Esima Ebitru a tno ŋa ma a lu mi le, Adigi-odne, agi é yi okro ayi? Aŋo sha o wo odlo ba eso ba gbagbu-amo.

Eyohana 6:69

Agi e bmi ba adlidzi nga e ka e bmye ba aŋo angyiŋ o wo ba Esesla Akyakyeŋ ba Ahogbrẽ.

Otum 14:15

Okyku eshi agimi e kpo eka he? Agi e wo moarehwi eka bimi angyiŋ! Agi e ba ahe okyku o nyum Oshpaodzadzi angyiŋ e ygi gimi, nga okyku o da gimi e kyu ayakplo ototno bimi e la e kpo hi abgo nga e lu Ahogbrẽ la a wo eso ma, Ahogbrẽ la a kpo ongyeŋ ta la obiŋ, ta la anyuŋ-ondzu, ta la ekployaŋ a mbo la e wo ma.

Otum 8:36

Moa a dzi a gre fi nga, moa a gbu okrokyeŋ ba ami-hĩ a wo ma, nga alom lo a zhĩ a lu mi le, Amihĩ a wo ahe. Eshi e nyom boŋ o kpo me abaptisma? [

Otum 8:37

Efilibu a tno ŋa ma a lu mi le, Moa á kpo ŋo abaptisma o wo boŋ o bmi ba adlidzi la eso boŋ mvye. Alom he lo a tno ma a lu mi le, Ame e bmi. A sa a lu mi le, Ame e bmi ba Eyesu Ekristi a wo Anwye Ahogbrẽ.]

Otum 9:20

A gre anwyeakulu andandandim moaEyahuda nga a nyum oshpa eshri Eyesu, ma Eyesu a wo Anwye Ahogbrẽ.

MoaOroma 1:4

Ambo ibu odzudzu baŋ ba Ahogbrẽ ba esesla, moa a tsa baŋ a wo Anwye Ahogbrẽ, la ekʼpo egagre, okyku ba moa a daŋ a kso ongybi.

2 MoaOkorinti 1:19

Okyku eshi Eyesu Ekristi la a wo Anwye ba Ahogbrẽ, ba Esila ta la Etimoti ta la me, bi e nyum oshpa baŋ egi ayi bimi, Ekristi a wo are la a wo obibmi ta la ototla angyiŋ mbo. Ambo aŋa a wo obibmi ba Ahogbrẽ angyiŋ.

2 MoaOkorinti 3:3

O wo zhezheŋ ba Eyesu ababgo baŋ angyiŋ a ta akpa he lo, nga aŋa angyiŋ a hom gi otum ta la lo. Moa a ta lo la etu angyiŋ ashye ézhim mbo, ambo moa a ta lo eso ba arehwĩ la Ogbgaodzi ba Ahogbrẽ la a wo la eso ma.

2 MoaOkorinti 6:16

Nga akulu ba Ahogbrẽ a kpo anyu a wo ozhẽ okyekyeŋ ta la okpko ba moaevbu? Okyku eshi agi e wo akulu ba Ahogbrẽ la a wo la eso ma angyiŋ! Eka ba Ahogbrẽ ababgo baŋ a mbo a lu mi le, Ame é kpo odne me pa la mo nga é dzu eshki mo. Ame é dzu Ahogbrẽ mo, nga moa a mbo á dzu moarehwi me.

1 MoaEtasolonika 1:9

Moare lo pyeŋ a la a lu odlo eka ba agimi e yga gi omba bi e ba okyku o kpre gimi e ka, nga moa a sa a lu odlo eka ba agimi e kyu o lu okpko abgo nga e lu Ahogbrẽ ma ohuhuhi, okyku o hlu Ahogbrẽ la a wo adlidzi, nga la a wo esõ ma eshko,

1 Etimoti 3:15

Ambo o wo ba ame e ta abyi le, akpa he lo dne á ba a tsa gimi eka ekplo la e raŋ e gre bi e kpo odzudzu bi odne ba Ahogbrẽ. Odne he lo angyiŋ o wo Eklisiya ba Ahogbrẽ la a wo la esõ ma. Eklisiya he lo angyiŋ e wo anzoŋ la a kom adlidzi abgo.

1 Etimoti 4:10

Okyku eka he lo agi e kpo nga e kpo otum la osheshye, okyku eshi agi e sko Ahogbrẽ la a wo la esõ ma angyiŋ e zga okayiozhẽ bi. Aŋa angyiŋ a wo Areoshla moarehwĩ pyeŋ, ambo esĩ ba oshla he lo e wo okyku moa la a bmi ba adlidzi ka la ŋa.

MoaIbrani 10:31

Alo o wo ekplo ba eyli angyiŋ ba are a gbu ombgu ta la Ahogbrẽ la a wo la esõ ma!

MoaIbrani 12:22

Ambo agimi e ba Aku ba Ezayoŋ, osku ba Ahogbrẽ la a wo la esõ ma angyiŋ. Osku he lo angyiŋ o wo Orushalima la o wo Ongyeŋ. Moanwyeadga nzenze angyiŋ a wo ma.

MoaIbrani 3:12

Agimi anáŋ, agimi e nyuŋ e kpo-kpo okyku o da akyeŋ eshki bimi a dzu la esõ ebi, nga baŋ a tla obmi ba adlidzi a ta, nga baŋ a gba a ngʼba a sku Ahogbrẽ la a wo la esõ ma mbo.

MoaIbrani 9:14

Okyku ozhẽ he lo o wo adlidzi angyiŋ, ozhẽ ba amanzhli ba Ekristi nga a kpo ekplo la e gre eka he nzenze! Ozhẽ ba Ogbgaodzi ba gbagbu-amo, Ekristi a shri eŋa a ndba Ahogbrẽ eka oshriondba la o bli angyiŋ. Amanzhli baŋ nga á sko enzi ba esõ bi á sku otum ba ototno, okyku o da gi e hlu Ahogbrẽ la a wo la esõ ma angyiŋ eshko.

1 Eyohana 4:15

Areyaŋ a mbo la a zgi egŋe a lu mi ma Eyesu a wo Anwye ba Ahogbrẽ le, Ahogbrẽ a wo esõ ba edgu are he lo, nga aŋa a mbo a wo esõ ba Ahogbrẽ.

1 Eyohana 5:20

Agi e yi ba Anwye ba Ahogbrẽ a ba nga a shri okaobmye a da gi okyku o da gi e ka Ahogbrẽ ba adlidzi e bmye. Odzudzu bi pyeŋ o wo ta la Ahogbrẽ ba adlidzi okro ba Anwye baŋ Eyesu Ekristi. Aŋa angyiŋ a wo Ahogbrẽ ba adlidzi, nga esõ he lo angyiŋ e wo esõ ba gbagbu-amo.

1 Eyohana 5:5

Ayi a kpo a gbu baŋ a kpo a gre obiŋ hi lo? O wo le are la a bmi ba adlidzi ba Eyesu a wo Anwye ba Ahogbrẽ sha a kpo a gbu baŋ a kpo a gre obiŋ hi.

Otsotsa 7:2

Ambla he nga ame e ka anwyeadgakyeŋ a zgi egi etne angyiŋ a ba. A shri egŋe ba Ahogbrẽ la a wo la esõ ma a shri a ba. A bzi moanwyeadga anyi he lo osheshye la enzi egagre. Ahogbrẽ a shri ekʼpo a da mo anyi he lo angyiŋ okyku o da mo a tpi obiŋ hi, ta la anyuŋ-ondzu ayi.