Amatiyu 15:36 - Ohwihwim Olehe

³⁶ Ambla he nga aŋa a sko agbrotsa afoha, ta la atsa lo, nga a vye Ahogbrẽ okyku lo, ambla he nga a kplu lo a gbu nga a shri a da moanwyeotum baŋ, nga moanwyeotum a shri lo a shri a gʼba moare.

Amatiyu 15:36 ပူးပေါင်းရင်းမြစ်များ

Amatiyu 14:19

A da moare a dzu obiŋ asoso. Ambla he nga a sko agbrotsa atno lo, ta atsa aha, nga aŋa a ka ongyeŋ, nga a vye Ahogbrẽ. Ambla he nga a tsoŋ agbrotsa lo agbu nga a shri a da moanwyeotum. Moanwyeotum nga a shri lo a da moare.

Amatiyu 15:35

Eyesu nga a da moare pyeŋ a dzu obiŋ.

Oluka 22:17

Ambla he nga, Eyesu a sko etku ami, a vye la Ahogbrẽ nga a lu mi le, Agimi e sko etku ami he lo e wa otsotse.

Oluka 22:19

Ambla he nga a sko agbrotsa a khwo nga a vye la Ahogbrẽ, nga a kplu lo, a shri a da mo nga a lu mi le, Alo a dzu egʼba me angyiŋ, [ba moa a shri lo a di okyku gimi. Agimi e tne aga me omba bimi e kpo ohe lo.

Oluka 24:30

A dzu okro o ri algo pa la mo otsotse nga a sko agbrotsa nga a vye Ahogbrẽ, a kplu lo a shri a da mo.

Eyohana 6:11

Eyesu a sko agbrotsa lo a khwo nga a vye la Ahogbrẽ, nga a shri lo a gʼba moare la a dzu obiŋ. A kpo ekakahelo ta la atsa. Are-yaŋ a mbo a hwiŋ ekplo la e tse ŋa ma a ri.

Eyohana 6:23

Amgblami ahwõ a zgi Etebiriya a ba akaŋ la a wo osusku ta la okro ba moare a taŋ agbrotsa ambla ba Adigi a vye Ahogbrẽ okyku lo.

Otum 27:35

Ambla ba Oblus a lu eka he a khwo nga, a sko agbrotsa nga a vye Ahogbrẽ egi ayi mo nga, a kplu lo a zga esĩ a taŋ.

MoaOroma 14:6

Are la a sko olumobze a zga la onyuonyuŋ, a la a kpo lo okyku o hlu Ahogbrẽ eshko angyiŋ. Are la a ri ekployaŋ a mbo, a ri lo okyku o hlu Ahogbrẽ eshko angyiŋ. Okyku aŋa a vye la Ahogbrẽ okyku algo lo. O wo ba arekyeŋ a tla o ri emakyeŋ le, aŋa a kpo lo okyku o hlu Ahogbrẽ eshko angyiŋ, nga a vye la Ahogbrẽ.

1 MoaOkorinti 10:31

Okyku eka he, ekployaŋ a mbo boŋ o kpo, omba boŋ o ri ta la omba boŋ o wa, o raŋ o gre boŋ o kpo ayakplo lo mvye okyku o hlu Ahogbrẽ eshko.

1 MoaOkorinti 14:16

O wo boŋ o vye la Ahogbrẽ la eso sha le, moahwõ la a wo ma á kpo anyu á ba a ka odlo boŋ á bmye eshki nga á ba a tno ma a lu ma Amin? Aŋa á kpo á gbu baŋ á ka odlo boŋ o lu a bmye mbo.