Amatiyu 14:6 - Ohwihwim Olehe

⁶ Onda ba moa a mbre Ehirudu nga, anwye-alashle ba Ehirudiya a yi a zhga ara egi ayi ba eshki. Ehirudu a gno oraŋ a gre eshri.

Amatiyu 14:6 ပူးပေါင်းရင်းမြစ်များ

Amatiyu 14:3

Ehirudu angyiŋ a da mo a vu Eyohana, nga a ta ŋa agbu nga a shri ŋa a shri a ta aku. Aŋa a kpo ohi lo otsla ashe anáŋ Efilibu. Ashe lo a ri Ehirudiya.

Amatiyu 14:7

Nga a kʼpi ashum a nyuŋ anwyeshe lo a lu mi le, Ame é shri ekployaŋ a mbo boŋ o vẽ é shri é doŋ!

Amatiyu 22:24

Moa a zhĩ Eyesu a lu mi le, Andakʼpo, Omusa a nye a lu mi le, O wo ba are a wo anwye ma mbo nga baŋ a kpu le, o dzu omgbybi ba anáŋ a sko ashe-eshaku baŋ a kyu okyku o daŋ a mbre moanwye okyku ŋa.

Amarku 6:14

Eyesu a gbu eshko a gre eshri okyku ayakplo egbregbre baŋ a la a kpo. Ehirudu anyuŋ-areŋ a mbo a gno oshpa ayakplo egbregbre ba Eyesu a kpo. Moabze a lu mi le, Eyohana la a kpo abaptisma angyiŋ a bla a kso la esõ. Okyku eka he angyiŋ a la a kpo ayakplo egbregbre he lo.

Amarku 6:17

Ehirudu angyiŋ a da mo a vu Eyohana a ta aku. Ehirudu a vu ŋa a ta aku eshri Ehirudiya ashe anáŋ Efilibu baŋ a sko a kyu.

Amarku 6:19

Okyku eka he esõ e tpi ashe he lo ayi ta la Eyohana, nga a klo o bga ŋa, ambo okyku eyli Ehirudu aŋa a kpo akplokyeŋ mbo.

Amarku 8:15

Eyesu a nyuŋ moanwyeotum baŋ a lu mi le, E nyuŋ e kpo-kpo ta la eyist ba moaEfarisi, ta la e ba Ehirudu.

Oluka 13:31

Omba he lo nga, moaEfarisikyeŋ a ba okro Eyesu nga a nyuŋ ŋa a lu mi le, O raŋ o gre boŋ o zgi o sku okro hi, okyku eshi Ehirudu a klo o bga ŋo.

Oluka 23:11

Ehirudu pa la moanwyeakyuŋ baŋ moa a la a lu ega a ygi Eyesu, nga moa a dzĩ ŋa. Moa a ygi ŋa ariga adzadzi a khwo nga, moa a shri ŋa a bla a gre okro ba Ebilatu.

Oluka 23:7

Omba baŋ a gno ba Eyesu a zgi ogʼba obiŋ ba Ehirudu a ri oreŋ ma angyiŋ a ba, a da mo a shri Eyesu a gre okro ba Ehirudu. Omba he lo Ehirudu a wo Orushalima.

Oluka 3:1

Eyi ba okʼpoetno ba Etebiriyu la a wo Ekeza a ri ekʼpo nga, Obuntu Ebilatu angyiŋ a wo ogomna ba obiŋ ba Eyahuda omba he lo. Ehiridu a ri ekʼpo obiŋ ba Egalili omba he lo. Anáŋ ba moa a bzi ŋa ma Efilibu angyiŋ a ri ekʼpo ogʼba obiŋ-okyeŋ ba moa a bzi lo ma Eturiya, ta la obiŋ ba Atakonata. Elisani nga a ri ekʼpo ogʼba obiŋ ba Abilana omba he lo.

Oluka 3:19

Ambo Eyohana a shrom Ehirudu la a wo ogomna okyku baŋ a ngʼga Ehirudiya ashe anáŋ, nga a shrom ŋa okyku ayakplobi baŋ a kpo.

Oluka 8:3

Ojowana, aŋa a wo ashe Ekuza. Ekuza he lo a wo akyeŋ eshki moandakʼpo ba moanwyeakyuŋ ba Ehirudu. Osuzana pa la moashe ahwõ moa a kpo a ghwo la Eyesu pa la moanwyeotum baŋ la ayakplo ba moa a wo la alo ma.

Otum 12:1

Omba he lo, Ehirudu anyuŋ-areŋ a zga esi o kpo moakyeŋ eshki moare la a bmi ba adlidzi ewu.

Otum 4:27

Adlidzi angyiŋ, Ehirudu, ta la Obuntu Ebilatu moa a fu eshri osku he angyiŋ pa la moa la a wo moaEyahuda mbo, ta la moarehwi ba Esrayila eshri Eyesu Anwye-odne boŋ ba esesla, a boŋ o daŋ a dzu Emisiya.