Amatiyu 14:1 - Ohwihwim Olehe

¹ Omba he lo angyiŋ Ehirudu la a ri oreŋ Egalili a gno oshpa ba Eyesu.

Amatiyu 14:1 ပူးပေါင်းရင်းမြစ်များ

Amatiyu 13:58

Eyesu a kpo ayakplo ba egbregbre ahe nzenze mbo, okyku eshi moare a bmi ba adlidzi mbo.

Amatiyu 9:26

Oshpa ekplo la e kpo he lo o ngla o tsu o gre egi obiŋ lo pyeŋ.

Amatiyu 9:31

Ambo, ambla moa a zhiŋ ogbu a gre a khwo nga, moa a yi a lu oshpa ekplo ba Eyesu a kpo ogʼba obiŋ moa a wo ma pyeŋ.

Amarku 8:15

Eyesu a nyuŋ moanwyeotum baŋ a lu mi le, E nyuŋ e kpo-kpo ta la eyist ba moaEfarisi, ta la e ba Ehirudu.

Oluka 23:15

Ehirudu a mbo a hwiŋ ŋa la akpu mbo, okyku eshi a da mo a shri ŋa a bla a ba okro bi. Alom he lo a kpo ekplokyeŋ la e tse ma baŋ a kpu okyku lo mbo.

Oluka 3:1

Eyi ba okʼpoetno ba Etebiriyu la a wo Ekeza a ri ekʼpo nga, Obuntu Ebilatu angyiŋ a wo ogomna ba obiŋ ba Eyahuda omba he lo. Ehiridu a ri ekʼpo obiŋ ba Egalili omba he lo. Anáŋ ba moa a bzi ŋa ma Efilibu angyiŋ a ri ekʼpo ogʼba obiŋ-okyeŋ ba moa a bzi lo ma Eturiya, ta la obiŋ ba Atakonata. Elisani nga a ri ekʼpo ogʼba obiŋ ba Abilana omba he lo.

Oluka 3:19

Ambo Eyohana a shrom Ehirudu la a wo ogomna okyku baŋ a ngʼga Ehirudiya ashe anáŋ, nga a shrom ŋa okyku ayakplobi baŋ a kpo.

Oluka 8:3

Ojowana, aŋa a wo ashe Ekuza. Ekuza he lo a wo akyeŋ eshki moandakʼpo ba moanwyeakyuŋ ba Ehirudu. Osuzana pa la moashe ahwõ moa a kpo a ghwo la Eyesu pa la moanwyeotum baŋ la ayakplo ba moa a wo la alo ma.

Otum 12:1

Omba he lo, Ehirudu anyuŋ-areŋ a zga esi o kpo moakyeŋ eshki moare la a bmi ba adlidzi ewu.

Otum 13:1

Eklisiya osku ba Antakiya, moarehwi ba Ahogbrẽ a hom otum, pa la moa la a nye moare odlo Ahogbrẽ a wo ma. Moahi lo a ri Abarnaba, ta la Esimiyo ba moa a bzi ŋa Ahwĩ, ta la Olusu ba Esirini, ta la Amaniyi anwye-odne ba ogomna Ehirudu, ta la Eshawlu.

Otum 4:27

Adlidzi angyiŋ, Ehirudu, ta la Obuntu Ebilatu moa a fu eshri osku he angyiŋ pa la moa la a wo moaEyahuda mbo, ta la moarehwi ba Esrayila eshri Eyesu Anwye-odne boŋ ba esesla, a boŋ o daŋ a dzu Emisiya.