Amatiyu 13:44 - Ohwihwim Olehe

⁴⁴ Oreŋ Ongyeŋ o wo eka ba angyiŋ la a ghre agbi. Are-kyeŋ a hwiŋ lo, ambo a bla alo a ghre ma, okyku baŋ a gno oraŋ a gre eshri. Okyku eka he aŋa a gre a yi a sko ekployaŋ a mbo baŋ a wo la alo ma a gbmo a khwo nga, a gre a yi a gbmo agbi lo.

Amatiyu 13:44 ပူးပေါင်းရင်းမြစ်များ

Amatiyu 13:24

Eyesu a sa a ta egŋekyeŋ nganga, a lu mi le, Oreŋ Ongyeŋ o wo eka ba are la a yi a fu edgo edzi agbi baŋ.

Amatiyu 13:46

Ombayaŋ a mbo baŋ a hwiŋ epal la e wo edzi nzenze le, aŋa á yi á shri anzho baŋ pyeŋ á shri á gbmo nga á ba a gbmo lo.

Amatiyu 13:47

Oreŋ Ongyeŋ o sa o wo eka ekyeŋ ba moa a ngla lo a shri a ta ami atam, nga e vu edgu atsa andandandim.

Amatiyu 19:21

Eyesu a tno ŋa ma a lu mi le, O wo boŋ o klo o bli angyiŋ le, aŋo o yi o shri angyiŋ boŋ o shri o gbmo nga, o shri amgbaŋ lo o shri o gʼba moaekŋe, okyku eshi aŋo ó hwiŋ angyiŋ Ongyeŋ. Aŋo o kpo eka he o khwo bgu le, o ba o lu me ma.

Amatiyu 19:27

Ambla he nga, Ebitru a tno ma a lu mi le, Aŋo o ka, agi e dzu ekployaŋ a mbo e zga nga e lu ŋo ma, agi é hwiŋ eshi a mo?

Amatiyu 19:29

Nga areyaŋ a mbo la a dzu adne a zga, pa la moanáŋ-alalom, o mbo le moanáŋ-alashle, o mbo le adaŋ, o mbo le anaŋ, o mbo le moanwye, o mbo le agbi a zga okyku me le, aŋa á hwiŋ ayakplo he lo eka engyi endgaekyeŋ omba la ó ba mi, nga aŋa á hwiŋ esõ ba gbagbu-amo.

Amatiyu 6:21

Alo o wo eka he okyku eshi, esõ are ombamba pyeŋ e wo okro ba angyiŋ baŋ a wo ma angyiŋ.

Oluka 14:33

Eyesu a sa a lu mi le, Ekakahelo angyiŋ, akyeŋ eshki bimi a kpo a gbu baŋ a dzu anwyeotum me mbo o wo le a dzu ekployaŋ a mbo baŋ a wo la alo ma a zga ayga dne.

Eyohana 6:35

Eyesu a nyuŋ mo a lu mi le, Ame angyiŋ e wo agbrotsa ba eso. Areyaŋ a mbo la a ba okro me bgu le, embyle é kpo ŋa nga mbo ku-ku, nga are la a bmi pa la me, oŋo ó kpo ŋa ku-ku mbo.

MoaOroma 15:4

Ekployaŋ a mbo ba moa a ta Akpa ba Ahogbrẽ, moa a ta lo okyku o nye gi angyiŋ, okyku o da gi e ka ayi ozhẽ la oghwo-esõ, ta la oshioshĩ ba Akpa ba Ahogbrẽ a shri a da gi.

MoaOkolosi 2:3

Aŋa angyiŋ a wo emakuli ba o hwile angyiŋ mvye ba moa a ghre lo la a wo okaobmye ta la oyioyi ba Ahogbrẽ.

MoaOkolosi 3:16

Oshpa ba Ekristi ozhẽyaŋ a mbo eka ba alo o wo, o raŋ o gre ba agimi e da lo o dzu esõ bimi. Agimi e nye nga e tsa egimi la okaobmye pyeŋ. E fu abmo nga e fu abmo ba ohlueshko. E fu abmo egi ayi ba Ahogbrẽ la ovye esõ bimi.

MoaIbrani 10:34

Agimi e kpo ewu eka moa-oprusuna. Nga omba ba moa a ngʼga gimi anzho a mbo agimi e ghwo egimi esõ nga e dzu la esõ ekyle. Okyku eshi agimi e yi e wo la ayakplo la a wo owlama a gre mi ma. Ayakplo he lo á dzu ma gbagbu-amo.

Otsotsa 3:18

Ame e shri ebra angyiŋ e shri e doŋ. O raŋ o gre boŋ o gbmo azurfa okro me. Azurfa he lo a wo zhezheŋ, alo á doŋ o gbu angyiŋ. Nga aŋo o gbmo aknye akyle okyku o doŋ o ygi nga okyku o doŋ o shki oso la o ta ŋo anzi. Nga o gbmo agum o ta ayi boŋ, okyku o doŋ o ka okro.