Amatiyu 13:39 - Ohwihwim Olehe

³⁹ Afpu la a ba a fu eyi lo, aŋa a wo Areabi ababgo baŋ. Oyoyla nga o dzu eka onda ba obiŋ hi ó khwo. Moa la a yla algo lo nga, moa angyiŋ a wo moanwyeadga ba Ahogbrẽ.

Amatiyu 13:39 ပူးပေါင်းရင်းမြစ်များ

Amatiyu 12:32

Ambo areyaŋ a mbo la a kpo odlobi egi ayi Anwye Arehwĩ angyiŋ le, moa á kyu ŋa abgo. Are la a tsa Ogbgaodzi atsa le, moa á kyu ŋa abgo mbo gbagbu-amo.

Amatiyu 13:22

Eyi la e gro e gbu okũ asĩ afpu e dzu eka ba moare la a gno oshpa lo ambo moa a da aga ba obiŋ hi, ta la oklo angyiŋ ba obiŋ hi, ta la okayiogro ba anzho obiŋ hi o nyom odlo lo o kpo ashri.

Amatiyu 13:25

Okyukyku ondakyeŋ, omba ba areyaŋ a mbo a ndze enu, nga, afpu ŋa a shri agbagba a shri a yi a fu agbi aglu-agbi shu, nga a zhiŋ ogbu a gre eŋa.

Amatiyu 13:28

Aŋa a tno mo ma a lu mi le, O wo eka bimi e lu he lo angyiŋ, afpu gi akyeŋ angyiŋ a shri agbagba a ba a dzum ta la aglu-agbi. Moa a zhĩ ŋa a lu mi le, Aŋo o klo bi e yi e gʼbu lo?

Amatiyu 13:40

Eka ba moa a sla agbagba a bʼbu ababgo a shri a ygi ovo, ekakahelo moa á ba a kpo onda ba obiŋ hi ó ba o khwo.

Amatiyu 13:49

Moa á kpo eka he angyiŋ onda ba obiŋ hi ó ba o khwo. Moanwyeadga ba Ahogbrẽ, moa á gʼba moareabi, pa la moareadzi eka he lo angyiŋ.

Amatiyu 24:3

Omba ba Eyesu a dzu Akũ ba Olivi nga, moanwyeotum baŋ a ba okro baŋ shu nga moa a zhĩ ŋa a lu mi le, O lu o da gi omba ba edgu ayakplo he lo pyeŋ á ba a kpo. Nga eshi angyiŋ é ba e tsa, ba omba boŋ ó ba o ba o kpo, nga ba omba lo o sheŋ o bli?

Amatiyu 25:31

Omba ba Anwye Arehwĩ á ba a ba eka Anyuŋ-areŋ, pa la moanwyeadga ba Ahogbrẽ, á dzu emgbakyiŋ ba oreŋ baŋ.

Amatiyu 28:20

Nga e nye mo e da mo a kpaŋ ekployaŋ a mbo ba ame e lu e da gimi. Nga e tne aga e ka! Ame é dzu ka la gimi ombamba pyeŋ, ma-me o tsa onda amom-abgo.

1 MoaOkorinti 10:11

Ayakplo he lo pyeŋ a kpo pa la mo okyku o tsa moahwõ. Moa a ta lo okyku o shĩ gi angyiŋ. Okyku eshi omba o kpo okhwokhwo a mo.

2 MoaOkorinti 11:3

Ame e wo la eyli okyku ba aga eso bimi á zhiŋ á dzu la eshre, nga ba agimi é kyu oklo la o bli abgo. O wo o ba adlidzi angyiŋ okyku Ekristi. Ekakahelo a mi emabi e bile Ahawawu la eda ba akpro.

2 MoaOkorinti 2:17

Agi e wo eka moahwõ nzenze angyiŋ mbo. Moa a la a kpo otum ta la oshpa ba Ahogbrẽ eka ba ama egbmo la a wo ofa. Ambo okyku ba Ahogbrẽ angyiŋ a hom gi otum, agi e la e zgi egŋe baŋ la adlidzidzi egi ayi baŋ eka moawaghrẽ ba Ekristi.

MoAfisu 2:2

Omba mi lo, agimi e lu ayakplobi ba ozhẽ ba obiŋ hi ma, nga e fa olbi e da areŋ la a ri ekʼpo eshri egbga la e ri ekʼpo ahrẽ. Ogbga he lo angyiŋ o la o ri ekʼpo pa la moarehwĩ la a shye eshri ta la Ahogbrẽ ohuhuhi.

MoaIbrani 1:2

Ambo omba ba amom-abgo ekpyemgbyeŋ he, a lu odlo ka la gi ozhẽ ba Anwye baŋ. Ahogbrẽ a daŋ a dzu are la a wo la ekployaŋ a mbo ma. Nga okro ba Anwye baŋ he lo angyiŋ aŋa a kpo obiŋ hi pyeŋ.

MoaIbrani 9:26

Okyku eshi o wo ba alo o wo eka he angyiŋ le, ó dzu ŋa omgbybi baŋ a kpo ewu engyi oshushku, a zga ekplu ba moa a kpo obiŋ hi. Ambo a ba odgo okyeŋ nga o khwo, alo ó dzu eka he ma-me o tsa onda ba amom-abgo omba baŋ a ba okyku o daŋ a se odlobi a sku moare ozhẽ baŋ a shri eshri baŋ a ndba.

1 Ebitru 5:8

Agimi e nyuŋ e dzu, nga e nyuŋ e kʼpu! Okyku eshi afpu gimi la a wo Eshitaŋ, a la a ngla agŋe eka ba embdze la e gbre, e la e klo are baŋ á ba a vu á taŋ.

Eyahuda 1:14

Enoko a wo arehwĩ ba embre ba efoha ba Adamu. Aŋa a sheŋ a lu odlo eshri mo a sheŋ a gre ayayga. A lu mi le, Agimi e ka! Adigi-odne á ba la moanwyeadga baŋ ba esesla, moa á wo ezbi nzenze,

Otsotsa 12:9

Moa a se anyuŋ emabi lo a sku Ongyeŋ! Aŋa angyiŋ a wo atsoŋ emabi egagre. Moa a bzi ŋa ma Areabi o mbo le Eshitaŋ, aŋa angyiŋ a la a bile obiŋ hi pyeŋ. Moa a shri ŋa pa la moanwyeadga baŋ pyeŋ a shri a ndba a ta obiŋ.

Otsotsa 13:14

Ambla he nga e bile moarehwĩ la a dzu obiŋ hi pyeŋ la ayakplo ba egbregbre. Moa a bmi okyku o daŋ a kpo ayakplo ba egbregbre he lo egi ayi ba ebyi la e wo ebi ba ori. Ebyi he lo e da moarehwĩ ba obiŋ hi pyeŋ a mbdzi ambgu okyku o hlu ebyi ba moa a ta lo etsa la e ngro eshri la akõ, nga ba alo e kpu mbo, eshko.

Otsotsa 19:20

Moa a vu ebyi la e wo ebi lo, ta la arehwĩ la a sheŋ akpro ma Ahogbrẽ angyiŋ a hom ŋa otum, eka moa-oprusuna. Arehwĩ he lo angyiŋ a kpo ayakplo ba egbregbre egi ayi ba ebyi lo. La ayakplo ba egbregbre angyiŋ aŋa a bile moare la a wo la egŋe ba ebyi la e wo ebi he lo ma, pa la moare la a hlu ambgu ba ebyi lo eshko. Ebyi he lo nga ta la arehwĩ la a sheŋ akpro ma Ahogbrẽ angyiŋ a hom ŋa otum, moa a shri mo pyeŋ a shri a ndba a ygi enzheovo la e shum la ovo ma nzenze.