Amatiyu 13:38 - Ohwihwim Olehe

³⁸ Agbi nga a dzu eka ba obiŋ hi. Eyi edzi nga e dzu eka moare la a wo a ba Oreŋ Ongyeŋ. Eyi ebi nga e dzu eka moare la a wo a ba Eshitaŋ.

Amatiyu 13:38 ပူးပေါင်းရင်းမြစ်များ

Amatiyu 13:19

Moare la a gno oshpa eshri ba Oreŋ Ongyeŋ, nga a ka a bmye mbo, moa a wo eka eyi la e gbu akaŋ ozhẽ nga ba Areabi a ba a tslo eyi ba moa a ta esõ mo.

Amatiyu 24:14

Nga Oshpaodzadzi la o wo eshri Oreŋ Ongyeŋ moa á nyum lo obiŋ hi pyeŋ, okyku o zgi egŋe alo okyku o da moare a gno. Ambla he nga, omba lo ó bli.

Amatiyu 5:37

Agimi e bmi, o mbo le e tla, nga o khwo. O wo bimi e klo elomkyeŋ nga le, Areabi lo angyiŋ a da gimi e la e lu a mo.

Amatiyu 8:12

Moare e mbi la ba alo o raŋ o gre moa a hwiŋ Oreŋ Ongyeŋ, moa á se mo á ygi egi edzi, okro la o hwĩ evbu kpyke. Ahe lo, moa á wu okũ, nga á taŋ azhga anyu.

Oluka 24:47

Nga la eshko baŋ moa á nyum oshpa okyku oghwobiŋ, ta la okyuabgombgu okyku moarehwi ba obiŋ hi pyeŋ. Moa a zga esĩ Orushalima.

Eyohana 12:24

Ame e lu adlidzi e da gimi, eyi aglu-agbi e wo eyi aglu-agbi angyiŋ, o wo le moa a ta lo agbi ayga dne nga e la e kpu. Ambla ba alo e kpu angyiŋ, e la e fu eyi nzenze.

Eyohana 8:44

Agimi e wo moanwye ba adigimi Eshi-taŋ, nga agimi e klo e kpo ekplo ba adigimi lo a klo. Okũ oriori, a wo are la a bga ebga. A bmi ta la adlidzi ondakyeŋ mbo, okyku ba adlidzi a wo ka la ŋa mbo. Omba baŋ a la a sheŋ akpro le, a la a kpo ekplo baŋ a sheŋ a bga ta la alo angyiŋ, okyku eshi aŋa angyiŋ a wo asheŋakpro, nga aŋa angyiŋ a wo adaŋ ba akpro mvye.

Otum 13:10

Aŋo o wo anwye Eshitaŋ angyiŋ! Aŋo o wo afpu ekployaŋ a mbo la e wo edzi. Aŋo o wo la obile ma o gre eshri, nga aŋo o la o zga ngre okyku o zhiŋ adlidzi ba odlo Ahogbrẽ o da lo a dzu akpro.

MoaOroma 10:18

Ambo ame é sa e zhĩ, o wo adlidzi angyiŋ, ba moa a gno oshpa mbo? Adlidzi, moa a sheŋ a gno oshpa lo, okyku eshi odlo Ahogbrẽ o tsa o lu mi le, Enzi moa la a nyum oshpa e tsu e gre okroyaŋ a mbo obiŋ hi. Odlo lo o tsu o gre eygi ba obiŋ hi lo.

MoaOroma 16:26

Ambo ohuhuhi moarehwi ba Ahogbrẽ a hom mo otum, moa a ta odlo he lo akpekpa, okyku o da areyaŋ a mbo a yi adlidzi lo. Nga okyku odaŋ ba Ahogbrẽ ba gbagbu-amo a jygu gi, moa a shri odlo ba adlidzi he lo a kom moarehwi ba obiŋ hi pyeŋ, okyku o da mo a bmi ba adlidzi ta la lo nga a kpaŋ lo.

MoaOroma 8:17

Eka ba agi e wo moanwye baŋ hi, agi é hwiŋ egbre baŋ a shri a zga ma okyku moarehwi baŋ. Agi nga é pu ekplo ba Ahogbrẽ a shri a zga ma okyku Eyesu ka la ŋa otsotse. O wo ba agi e bmi e kpo ewu ka la ŋa, agi é ri ekʼpo ka la ŋa otsotse.

MoaOkolosi 1:6

Oshpaodzadzi o shri owlama nzenze o la o shri o ba, nga o ngla o tsu o gre yoŋ obiŋ hi pyeŋ, eka ba alo o kpo ka la gimi omba ba agimi e zga esĩ e gno oshpa ba okpoghwo ba Ahogbrẽ, nga e yi okpoghwo lo zhezheŋ eka ba alo o wo.

Eyakubu 1:18

La oklo ba esõ baŋ angyiŋ, a kpo gi ozhẽ ba odlo ba adlidzi okyku o da gi e hwiŋ okro ba anyuanyuŋ angyiŋ e dzu ma eshki ba ayakplo pyeŋ baŋ a kpo.

Eyakubu 2:5

Agimi anáŋ, e ngli atuŋ e gno odlo me! Ahogbrẽ a sla moaekŋe ba obiŋ hi okyku o da mo a dzu la angyiŋ okro ba obmi ba adlidzi, nga okyku o da mo a hwiŋ oreŋ baŋ a hwim a zga ma okyku areyaŋ a mbo la a klo ŋa.

1 Ebitru 1:23

Okyku eshi okro ba odlo ba Ahogbrẽ la o wo la esõ ma nga ba alo ó dzu ma gbagbu-amo, moa a sa a bla gimi a mbre eka moanwye ba ada la á kpu ku-ku nga mbo.

1 Eyohana 3:2

Agimi akyemeazba, agi e wo moanwye ba Ahogbrẽ angyiŋ ohuhuhi, ambo agi e yi eka ba agi é ba e dzu zhezheŋ a wo mbo. Ambo agi e yi ba agi é ba e dzu eka ba Ekristi omba baŋ á ba. Agi é zhiŋ e dzu eka baŋ, okyku eshi agi é ka ŋa eka baŋ a wo zhezheŋ.

Otsotsa 14:6

Ambla he nga ame e ka anwyeadgakyeŋ a la a knye ahrẽ, ta la Oshpaodzadzi ba gbagbu-amo. A shri lo okyku o su lo o ygi moarehwĩ ba obiŋ hi, pa la moarehwĩ ba obiŋyaŋ a mbo, ta la embreyaŋ a mbo, pa la moarehwĩ ba olomyaŋ a mbo, pa la moarehwĩ pyeŋ.