Okyku eka he moa a tla ŋa. Eyesu nga a nyuŋ mo a lu mi le, Moa a la a ka are ba Ahogbrẽ a hom otum la olbi ayaŋ a mbo, o wo le osku baŋ dne moa a ka ŋa la olbi mbo. Moa ba ogu baŋ a mbo moa a ka ŋa la olbi mbo.
Ambla he nga Eyesu a nyuŋ moanwyeotum baŋ a lu mi le, Okyukyku hi, agimi mvye é knye é dzu me é zga okyku eshi moa a ta Akpa ba Ahogbrẽ a lu mi le, Ahogbrẽ á bga are la a kpaŋ ékylu nga ékylu lo é som ayi.
Eyi la e gro e gbu awro ezhim ba obiŋ o wo ma nzenze mbo, e dzu eka moare la a gno odlo Ahogbrẽ nga a yga lo la ovyevye. Ambo moa a yga lo la osheshye eso mo mbo. Okyku eka he nga moa a bmi ba adlidzi okyku omba ple sha. Omba ba obile o ba nga, moare he lo a tsi a gbu.
Eyesu a tno mo ma a lu mi le, Ame e lu adlidzi angyiŋ e da gimi, agimi e klo me okyku bimi e taŋ agbrotsa, nga bimi e la e hwiŋ ekployaŋ a mbo bimi e la e klo okro me angyiŋ. Agimi e klo me okyku otum me ba ekʼpo angyiŋ mbo.
Moakyeŋ a la a kpo otum la o wo odzadzi, nga moa a nyuŋ eshri mo a la a zga nga a klo esesla, ta la ekʼpo ta la eso ba gbagbu-amo. Ahogbrẽ nga á shri eso ba gbagbu-amo á shri á da moahi lo.
Okyku eshi, omba ba agi e wo okŋeobga ta la Ekristi Eyesu, osheŋongyum, ta la osheŋongyum mbo, alo o shri ondun-dumokyeŋ o shri o ba mbo ku-ku. Ekplo la e wo edzi, e wo obmi ba adlidzi la o la o kpo otum ozhẽ ba oklo sha angyiŋ.
Moa la a klo moare a ka mo moa a wo la anzho adzadzi egʼba, nga o sko ayakplo ba ototno o zga la anyuanyuŋ, moa angyiŋ a la a zga ngre okyku o da gimi e sheŋ ongyum omgbybi. Moa a la a kpo lo okyku eshi moa a bmi okyku o kpo ewu okyku egŋe aki ba Ekristi mbo.
nga o wo bimi e bmi ba adlidzi ka la ŋa, Ekristi nga á kpo okro odzuma baŋ esõ bimi. Ame e la e fa olu okyku o da gimi e ta emgbʼbo e ghwo egʼba ba oklo, nga okyku o da oklo angyiŋ o dzu okũ bimi.
Okyku eka he ame e nyuŋ e ka zhezheŋ okyku ohe lo, nga ba Ahogbrẽ la a zga esĩ otum odzadzi he lo esõ bimi, á kpo lo ayi-oyioyi ma-me o tsa onda ba alo o khwo, Olum onda ba Ekristi Eyesu.
Okyku eshi, Edema a zhiŋ a shri eshri baŋ a da obiŋ hi nga a knye a dzu me a zga a gre eŋa Etasolonika. Ekrisiŋ nga a gre eŋa Egalasiya, Etitus nga a gre eŋa Edlamasiya.
Agi pyeŋ e la e ta akpu ayakplo nzenze ombamba. Are la a ta akpu ekplokyeŋ baŋ a lu a ka mbo le, aŋa a bli, nga a wo are la a kpo a gbu baŋ a kpaŋ egʼba baŋ pyeŋ.
Owlama o wo ma okyku gimi arehwĩ ba ekʼpo ba Ahogbrẽ e la e kpaŋ, okyku bimi e bmi ba adlidzi omba ba agimi e la e dzu e kʼpu oshla he lo. Moa a shri oshla he lo a zga ma, ba moa á tsa lo omba ba amom-abgo.
A lu mi le, Ame e yi okro boŋ o dzu ma. Ibu he lo angyiŋ, emgbakyiŋ oreŋ ba Eshitaŋ e wo ma. Aŋo o kpo adlidzi pa la me, nga o ndba obmi ba adlidzi boŋ o bmi pa la me o ta a bi mbo omba ba moa a bga Antipa okro ba Eshitaŋ e dzu ma. Antipa a wo are la a zgi egŋe me la adlidzi angyiŋ.