Amatiyu 13:19 - Ohwihwim Olehe

¹⁹ Moare la a gno oshpa eshri ba Oreŋ Ongyeŋ, nga a ka a bmye mbo, moa a wo eka eyi la e gbu akaŋ ozhẽ nga ba Areabi a ba a tslo eyi ba moa a ta esõ mo.

Amatiyu 13:19 ပူးပေါင်းရင်းမြစ်များ

Amatiyu 12:26

Okyku eka he o wo ba ogʼbakyeŋ o klo ambgu ta la ogʼba ohwõ óreŋ ba Eshitaŋ le, o dzu eka ba alo o gʼba eŋa angyiŋ, nga ó tsu ó gbu!

Amatiyu 13:20

Eyi la e gro e gbu awro ezhim, e dzu eka moare la a gno odlo ba Ahogbrẽ, nga moa a yga lo la ovyevye.

Amatiyu 13:38

Agbi nga a dzu eka ba obiŋ hi. Eyi edzi nga e dzu eka moare la a wo a ba Oreŋ Ongyeŋ. Eyi ebi nga e dzu eka moare la a wo a ba Eshitaŋ.

Amatiyu 4:23

Eyesu a dzi obiŋ da Egalili pyeŋ nga, a la a nye moare anwyeakulu. Nga a nyum Oshpaodzadzi ba Oreŋ lo, nga a shaŋ moare la a wo edgu elolo andandandim.

Amatiyu 5:37

Agimi e bmi, o mbo le e tla, nga o khwo. O wo bimi e klo elomkyeŋ nga le, Areabi lo angyiŋ a da gimi e la e lu a mo.

Amarku 4:15

Odlo la o gbu akaŋ ozhẽ, o dzu eka moare la a gno lo nga ba Eshitaŋ e ba e ngʼga lo e sku mo.

Oluka 10:9

Nga agimi e shaŋ moare osku lo, nga e lu e da moare e lu mi le, Oreŋ Ahogbrẽ o ba osusku ka la gimi.

Oluka 9:2

Ambla he nga, a da mo a zgi okyku o nyum oshpa ba Oreŋ Ahogbrẽ, nga o shaŋ moare la a no olo.

Eyohana 18:38

Ebilatu a zhĩ a lu mi le, Eshi e wo adlidzi? Ebilatu a zgi a sa a gre a yi a ka moaEyahuda nga a nyuŋ mo a lu mi le, Ame e hwiŋ ekplokyeŋ la e tse ma moa a bga ŋa mbo.

Eyohana 8:43

Okyku eshi agimi e ka ekplo ba ame e lu e bmye mbo? Agimi e ka e bmye mbo okyku bimi e klo e ngli atuŋ e gno oshpa me mbo.

Otum 17:32

Omba ba moare a gno ba Oblus a tsi etku oksongybi nga, moakyeŋ a lu ega a ygi ŋa. Ambo moakyeŋ a nyuŋ ŋa a lu mi le, Agi e klo boŋ o lu odlo he lo o da gi e gno nganga.

Otum 18:15

Ambo odlo he lo o wo eshri ayakplo ta la ashko ba odaŋ bimi angyiŋ. Okyku eka he, agimi e yi e nyuŋ lo e kpo ababgo bimi. Ame é sõ edgu ombgu hi mbo!

Otum 20:25

Ame e gre okro bimi mvye e la e nyum oshpa ba Oreŋ Ahogbrẽ. Ame e sheŋ e yi, arekyeŋ eshki bimi á ka me ondakyeŋ nga mbo ku-ku.

Otum 28:23

Moa a sla onda ta la Oblus, nga moare nzenze a ba okro Oblus onda lo. A zga endigiŋ ma-me okyukyku Oblus a la a tsa mo, nga a nyum oshpa eshri Oreŋ ba Ahogbrẽ a da mo. A zga gble okyku o da mo a yga odlo Eyesu. A fa ayakplo ba odaŋ ba Omusa, ta la ayakplo ba akpekpa moarehwi ba Ahogbrẽ a hom mo otum.

MoaOroma 1:28

Okyku ba moare a tla o kpaŋ odlo adlidzi ba Ahogbrẽ, aŋa a dzu mo a zga la eso eshre lo. Okyku eka he moa a la a kpo ayakplo la a raŋ ba moa a kpo lo mbo.

MoaOroma 14:17

Okyku eshi Oreŋ ba Ahogbrẽ o wo okyku oruri ta la owowa angyiŋ mbo. Ambo alo o wo odlodzi ta la opyapyaŋ ta la ovye, ayakplo hi lo, Ogbgaodzi angyiŋ o shri lo o di.

MoaOroma 2:8

Moabze a la a klo eshri emo sha, nga moa a la a tla adlidzi, nga moa a kpo otum obi. Ahogbrẽ nga á sõ mo ombgu la o vu olo.

MoAfisu 3:8

Ame e wo arehwĩ ba amom-abgo ototno eshki moarehwĩ pyeŋ ba Ahogbrẽ la a sheŋ a nye. Ekakahelo a mbo, Ahogbrẽ a hwile me ozhẽ okyku o da me e shri Oshpaodzadzi e shri e da moa la a wo moaEyahuda mbo. O wo eshri owlama ba Ekristi la o gre mvye.

2 MoaEtasolonika 2:12

Okyku eka he nga, areyaŋ a mbo la a bmi ba adlidzi ta la adlidzi mbo le nga baŋ a la a vye la odlobi le, moa á sõ ŋa ombgu.

MoaIbrani 2:1

Okyku eka he lo angyiŋ o raŋ o gre ba agi e kom osheshye ta la oshpa ba adlidzi ba agi e gno, okyku o da gi e ta ozhẽ akpu mbo.

1 Eyohana 3:12

O raŋ o gre ba agi e dzu eka ba Akayinu mbo, okyku eshi aŋa a wo a ba Eshitaŋ angyiŋ, nga a bga anáŋ. Okyku eshi Akayinu a bga anáŋ he lo? A bga ŋa okyku ba ayakplo baŋ a kpo a wo abi, ambo ayakplo ba anáŋ a kpo a wo adzi.

1 Eyohana 5:18

Agi e yi ba arekyeŋ ba moa a mbre ŋa okro ba Ahogbrẽ a la a shri eshri baŋ a zga okyku o kpo odlobi mbo, okyku eshi Anwye ba Ahogbrẽ a la a kpaŋ ŋa, nga Areabi a kpo a gbu baŋ a ta ŋa etsa mbo.

1 Eyohana 5:20

Agi e yi ba Anwye ba Ahogbrẽ a ba nga a shri okaobmye a da gi okyku o da gi e ka Ahogbrẽ ba adlidzi e bmye. Odzudzu bi pyeŋ o wo ta la Ahogbrẽ ba adlidzi okro ba Anwye baŋ Eyesu Ekristi. Aŋa angyiŋ a wo Ahogbrẽ ba adlidzi, nga esõ he lo angyiŋ e wo esõ ba gbagbu-amo.