Amatiyu 13:11 - Ohwihwim Olehe

¹¹ Eyesu a tno mo ma a lu mi le, Ahogbrẽ a sheŋ a hwile gimi eshyẽ ba Oreŋ Ongyeŋ, ambo a hwile mo alo o ko mbo.

Amatiyu 13:11 ပူးပေါင်းရင်းမြစ်များ

Amatiyu 13:10

Ambla he nga, moanwyeotum a ba okro Eyesu a zhĩ ŋa a lu mi le, Okyku eshi aŋo o la o kpo otum la egŋe omba boŋ o nye moare?

Amatiyu 16:17

Eyesu a nyuŋ Ebitru a lu mi le, Aŋo Esima, anwye Eyohana, oraŋ o wo ma okyku ŋo nzenze. O ka, arehwĩ angyiŋ a tsa ŋo adlidzi hi lo mbo, ambo Adugu la a wo Ongyeŋ angyiŋ a tsa ŋo alo.

Amatiyu 19:11

Eyesu a tno ma a lu mi le, onyenye he lo o wo okyku moare pyeŋ angyiŋ mbo, ambo o wo okyku moare ha Ahogbrẽ a shri lo a da mo sha.

Amatiyu 20:23

Eyesu a tno mo ma a lu mi le, Adlidzi angyiŋ, edgu ewu ba ame é ba e kpo lo, agimi a mbo é kpo lo. Ambo ame e wo ekʼpo ma ba o sla are la á ba a dzu obgori me, o mbo le ogboehre me mbo. Ekro he lo e wo okyku moarehwĩ ba Adugu a kpo lo okyku mo angyiŋ.

Amarku 10:40

Ambo ame e wo ekʼpo ma ba ame e lu mi le, Ahi a dzu obgori me, a mi a dzu obgoehre me mbo. Ahogbrẽ sha angyiŋ á ba a shri ekro he lo a da moa baŋ a kpo lo okyku mo.

Amarku 4:11

Eyesu a tno mo ma a lu mi le, Ahogbrẽ a tsa gimi eshyẽ ba Oreŋ baŋ. Ambo moahwõ la a wo egi edzi moa a gno ekployaŋ a mbo la egŋe angyiŋ,

Oluka 8:10

Eyesu a tno mo ma a lu mi le, Oyioyi ba Oreŋ Ahogbrẽ, moa a hwile lo okyku o da gimi e ka lo e bmye, ambo moa a nye moahwõ la egŋe angyiŋ. Okyku eshi ibu o ka oka a da mo a ka mbo, nga ibu o gno ogno moa a ka a bmye mbo.

Eyohana 6:65

Eyesu a lu mi le, Okyku eka he lo angyiŋ, ame e lu e da gimi e lu mi ma arekyeŋ a ba okro me a gbu mbo, o wo le Ada a hwile ŋa ozhẽ ayga dne.

Eyohana 7:17

Areyaŋ a mbo la a bmi nga a la a kpo ekplo ba Ahogbrẽ a klo, á kpo á gbu baŋ á ka á bmye ba onyenye me he o wo o ba Ahogbrẽ angyiŋ le, o wo o ba ekʼpo eshri me angyiŋ.

Otum 16:14

Akyeŋ eshki moashe he lo a yga oshpa. Eshko baŋ e ri Elidiya. Aŋa a wo a ba Etatira. Aŋa a la a shri aknye moa a ghwo lo etu a gbmo. A wo are la a hlu Ahogbrẽ eshko. Adigi-odne nga a hwile ŋa eso okyku o daŋ a gno oshpa ba Oblus a nyum.

MoaOroma 11:25

Agimi anáŋ, adlidzi la a ghre ba ame e klo o da gimi e yi lo a wo ma. Agimi é yi lo angyiŋ le, alo á da gimi e tne aga eka bimi e yi eda e gre eshri mbo. Ekplo lo a mi hi, Oshyeshri moaEsrayila he lo o wo gbagbu angyiŋ mbo. MoaEyahuda á tla Ahogbrẽ eka he, o wo le, moa la a wo moaEyahuda mbo a zhiŋ a lu Ahogbrẽ ma ayga dne.

MoaOroma 16:25

E da gi e hlu Ahogbrẽ eshko! Okyku eshi aŋa a kpo a gbu baŋ a da gimi e tspi la osheshye obmi ba adlidzi bimi. O wo eka he angyiŋ Oshpaodzadzi ba ame e nyum he lo. O wo eshri ba Eyesu Ekristi. O wo eka ba eshyẽ ba adlidzi he lo ba moa a ta lo edzi. Alo o mbi o ghre ba ogbyigbyi.

1 MoaOkorinti 13:2

O wo ba alo o kpo o gbu ba ame e nyum oshpa la o gre eso, nga e kpo e gbu ba ame e wo la oyioyi ba obiŋ hi pyeŋ, nga ba ame e ka eshyẽ ekployaŋ a mbo e bmye, nga o wo ba alo o kpo o gbu ba ame e wo la obmi ba adlidzi la o kpo o gbu ba ame e gʼbu akukũ a mbo, ambo o wo ba ame e wo la oklo ma mbo le, ame e wo akplokyeŋ angyiŋ mbo.

1 MoaOkorinti 15:51

Agimi e ngli e gno eshyẽ ba odlo he. Agi pyeŋ angyiŋ é ba e kpu mbo. Ebuebu nga, egʼba bi lo é zhiŋ.

1 MoaOkorinti 2:14

Ambo are la a wo la Ogbgaodzi ma mbo le, aŋa a kpo a gbu baŋ a yga ototno la o zgi okro ba Ogbgaodzi ba Ahogbrẽ he lo o ba mbo. A kpo a gbu baŋ a ka lo a bmye mbo ku-ku. Alo o dzu o ba adro angyiŋ ka la ŋa, okyku eshi are a kpo a gbu baŋ a ka olbi mo a bmye ozhẽ ba Ogbgaodzi sha.

1 MoaOkorinti 2:7

Okaobmye ba ame e kpo otum ta la lo hi, o wo eshyẽ ba okaobmye ba Ahogbrẽ angyiŋ. Moa a ghre moarehwi la edgu okaobmye he lo. Ahogbrẽ a sheŋ a sla lo okyku o da gi e hwiŋ ekekʼpo. Aŋa a kpo ohe lo ayga moa a kpo obiŋ hi.

1 MoaOkorinti 4:1

O raŋ o gre ba agimi e sko gi e zga eka moawaghrẽ ba Ekristi angyiŋ. Moa a shri eshyẽ ba adlidzi ba Ahogbrẽ a ghwo gi angyiŋ abgo.

1 MoaOkorinti 4:7

Ayi angyiŋ a kpo ŋo a doŋ o wo la anyuanyuŋ o gre moahwõ? Ahogbrẽ angyiŋ a shri ekployaŋ a mbo boŋ o wo la alo ma a shri a doŋ mbo? Okyku eka he, okyku eshi aŋo o nyom egʼba eka ba moa a shri ayakplo he lo a shri a doŋ ototno angyiŋ mbo?

MoAfisu 1:18

Ame e vẽ okyku o da Ahogbrẽ a hwile gimi esõ okyku o da gimi e ka ayimom baŋ, okyku o da gimi e yi okayiozhẽ baŋ a bzi gimi okyku lo, nga okyku o da gimi e yi baŋ a hwim pa la moarehwĩ baŋ, okyku owlama ba egbregbre la o wo nzenze,

MoAfisu 1:9

Ahogbrẽ a kpo ekplo baŋ a sheŋ a shri a zga esõ baŋ angyiŋ. A hwile gi ekplo baŋ a hwim a ghre ma baŋ á ba a bli lo ozhẽ ba Ekristi.

MoAfisu 5:32

Moa a hwile anyuŋ adlidzi a ta edzi ibu odlo ba Ahogbrẽ he lo. Ame e lu odlo he lo eshri ba Ekristi ta la Eklisiya.

MoAfisu 6:19

Nga e fa olu a mbo okyku me okyku o da Ahogbrẽ a tsa me, okyku omba ba ame e nyum oshpa baŋ la osheshye nga okyku o da moare a yi eshyẽ ba Oshpaodzadzi baŋ omba ba ame e klo o lu odlo.

MoaOkolosi 2:2

Ame e la e kpo eka he okyku o da mo a hwiŋ oshye-esõ nzenze, nga okyku o da mo a dzu otsotse la oklo nga okyku o da mo a hwiŋ zhezheŋ ba okaobmye ba adlidzi o la o shri o ba. Nga moa á yi eshyẽ ba Ahogbrẽ eka he lo. Alo angyiŋ e wo Ekristi eshrishri eŋa.

1 Etimoti 3:16

Arekyeŋ a kpo a gbu baŋ a dzu evom ta la anyuŋ eshyẽ ba ozhẽ bi mbo ku-ku! Aŋa a ba la egʼba arehwĩ, Ogbgaodzi nga o tsa baŋ a wo la adlidzi, Moanwyeadga ba Ahogbrẽ a mbo a ka ŋa. Moare ahwõ a su osu baŋ a ygi obiŋ hi pyeŋ. Nga moa a bmi ba adlidzi ka la ŋa obiŋ hi lo, Ambla he nga Ahogbrẽ a sko ŋa a gre Ongyeŋ.

1 Etimoti 3:9

O raŋ o gre ba moa a dzu moare la a kom odlo ba adlidzi ba moa a shri a ba la obmi ba adlidzi la enzi esõ la e wo pyapyaŋ.

Eyakubu 1:5

Ambo o wo ba arekyeŋ eshki bimi a gbaŋ la okaobmye le, o raŋ o gre baŋ a vẽ Ahogbrẽ. Aŋa á shri lo á shri á daŋ, okyku eshi Ahogbrẽ a la a shri ekployaŋ a mbo a shri a da areyaŋ a mbo la ovyevye ta la oklo.

1 Eyohana 2:20

Ekristi nga a da Ogbgaodzi o gile o zhiŋ o ygi eshri bimi. Okyku eka he nga agimi pyeŋ e yi adlidzi.

1 Eyohana 2:27

Ambo okro bimi, Ekristi a sheŋ a da Ogbgaodzi o gile o zhiŋ o ygi eshri bimi bgu. Ombayaŋ a mbo ba Ogbgaodzi o wo ka la gimi, alo o wo eheŋ-ekyeŋ ba agimi e klo arekyeŋ okyku o daŋ a nye gimi mbo. Okyku eshi Ogbgaodzi o nye gimi eshri ekployaŋ a mbo. Nga ayakplo ba alo o nye lo a wo adlidzi angyiŋ, a wo akpro mbo. Agimi e bmi ta la onyenye ba Ogbgaodzi nga e dzu esõ Ekristi.