Amatiyu 12:41 - Ohwihwim Olehe

⁴¹ Onda Ombgu moarehwĩ ba Eninive, moa á kso á zgi egŋe eshri bimi nga odlo ó bga gimi, okyku eshi omba ba moa a gno oshpa ba Oyunana nga, moa a zhiŋ. Ame e lu e da gimi, arekyeŋ la a gre Oyunana a wo ahe!

Amatiyu 12:41 ပူးပေါင်းရင်းမြစ်များ

Amatiyu 12:39

Eyesu a tno mo ma a lu mi le, Agimi arehwĩ ba ekplu hi e wo moareabi nga e ka e yi Ahogbrẽ mbo ku-ku! Agimi e zhĩ me okyku o da me e kpo akplo-kyeŋ ba egbregbre? Ame é kpo mbo! Ekplo ekyekyeŋ ba egbregbre ba ame e klo bimi é ka, agimi é ka ekplo egbregbre la e kpo ta la Oyunana, arehwĩ ba Ahogbrẽ a hom ŋa otum.

Amatiyu 12:42

Nga Onda Ombgu ashekyeŋ la a wo anyuŋ-areŋ á zgi egi ero á kso nga á lu odlo ka la gimi osheshye. Okyku eshi aŋa a zgi okro la o gyuŋ o gre eshi angyiŋ a ba, okyku o ngli o gno edgu onyenye ba Osolomo, la o wo ogyugyuŋ o gre eshri. Ame e lu e da gimi, arekyeŋ la a wo anyuanyuŋ a gre Osolomo a mbo nganga, a wo ahe!

Amatiyu 12:45

A zgi a gre nga a klo moahwõ afoha la a wo ababi a gre ŋa a ba a dzu otsotse ka la ŋa. Amom-abgo odzudzu are he lo o wo obi o ta ma-ma o gre ba oriori. Eka he lo angyiŋ ó ba o kpo pa la moareabi ba ekplu hi.

Amatiyu 12:6

Are la a gre Anyuŋ-akulu a wo ahe.

Amatiyu 16:4

Moarehwĩ ba ekplu hi moa a wo abi a gre eshri, nga moa a yi Ahogbrẽ mbo ku-ku! Eyesu a sa a lu a ta ma-ma a lu mi le, Agimi e zhĩ me okyku ekplokyeŋ ba egbregbre? Ame é shri ekplokyeŋ ba egbregbre é shri é da gimi mbo, o wo le ekplo egbregbre ba Oyunana a kpo dne ame e klo bimi e tne aga lo. Ambla he nga, a kso a dzu mo a zga nga a gre eŋa.

Amatiyu 17:17

Eyesu a tno mo ma a lu mi le, Agimi e wo la obmi ba adlidzi ma mbo, nga eshri bimi e shye e gre eshri! Agimi e klo ba ame e dzu ka la gimi ma-me e gbu omba ekayaŋ? Agimi e klo ba ame e kpo ble-ble anyu ka la gimi? Aŋo o shri anwye lo o ba okro me!

Amatiyu 23:36

Ame e lu e da gimi, adlidzi angyiŋ, ewu ba ayakplo he lo pyeŋ, é dzu eshri moare ba ekplu he lo!

Oluka 11:32

Onda Ombgu, moarehwi ba Eninive, moa á tspi nga moa á shraŋ gimi okyku eshi moa a nyiŋ odzudzu mo omba ba Oyunana a nyum oshpa a ygi mo. E ka, ekplokyeŋ e wo ahe, e la e wo egbregbre e gre Oyunana!

Eyohana 3:31

Are la a gile Ongyeŋ angyiŋ a ba le, aŋa a wo la ekʼpo a gre moahwõ mvye. Are la a zgi obiŋ hi angyiŋ le, a wo ba obiŋ hi angyiŋ, nga a la a lu odlo eshri ayakplo ba obiŋ hi. Are la a zgi Ongyeŋ angyiŋ a ba a wo la ekʼpo a gre mvye.

Eyohana 4:12

Aŋo o ka, adigi Eyakubu angyiŋ a shri arizha he lo a shri a da gi. Aŋa, pa la moanwye baŋ ta la ewla baŋ moa a la a wa ami ba arizha he lo angyiŋ. Eka boŋ o ka, aŋo o wo anyuanyuŋ o gre Eyakubu?

MoaOroma 2:27

Okyku eka he, agimi Eyahuda, moa la a wo moaEyahuda mbo á sõ gimi ombgu, okyku eshi agimi e la e pre odaŋ. Ambo agimi e la e ta lo akpa nga, e la e da mo a sheŋ gimi ongyum. Ambo moa la a wo moaEyahuda mbo la a da mo a sheŋ mo ongyum mbo, moa a la a kpaŋ odaŋ.

MoaIbrani 11:7

Obmi ba adlidzi angyiŋ o da Onuhu a ngli atuŋ a gno oshĩ ba Ahogbrẽ eshri ayakplo la a wo efĩ, ayakplo he lo á kpo omba la o yi o wo egi ayi. A kpaŋ odlo lo, okyku eka he lo a sẽ amgblami, nga aŋa pa la moa-odne baŋ moa a gro okyku lo angyiŋ. Ozhẽ he lo angyiŋ aŋa a sõ moarehwĩ ba obiŋ hi pyeŋ ombgu. Aŋa nga a hwiŋ odlodzi la o zgi okro ba Ahogbrẽ ozhẽ ba obmi ba adlidzi angyiŋ.